македонско девојче – Kurir.mk

ЕЧИ МАКЕДОНСКО ДЕВОЈЧЕ: Тања Савиќ среде настап ја запеа нашата легендарна песна, а публиката громогласно и се придружи (ВИДЕО)

Дарко Андоновски — Sun, 12 Dec 2021 14:03:26 +0000

Српската пејачка Тања Савиќ вчеравечер имаше свој настап во земјава. Имено пејачката на својот настап во Гевгелија се одлучи да ги изненади присутните со пеење на македонската песна „Македонско девојче“. Публиката громогласно и заедно со неа во хор ги пееја стиховите од оваа без временска песна, додека Савиќ уште еднаш ги покажа своите гласовни способности. Секоја чест, еве како звучеше таа:

Tanja Savic ja pee Makedonsko devojche pic.twitter.com/u6GswZTuLK
— Курир (@KurirMK) December 12, 2021

ЗВУЧИ ПРЕКРАСНО: Јапонски оперски пејач со изведба на „Македонско девојче“ (ВИДЕО)

Ивана Ефремовски — Fri, 01 Jan 2021 09:08:04 +0000

Директно од Токио! Мојот драг пријател и колега Казухиро Котецу, голем пријател на Македонија, објави македонскиот оперски пејач Благој Нацоски. Тој преку видеото што го постира на Фејсбук сподели изведба на јапонскиот оперски пејач и неговата изведба на познатата македонска песна „Македонско девојче“ на починатиот македонски пејач Јонче Христовски.

Не можев да одолеам, а да не се фатам на оро на мојата омилена песна- Жбогар заигра на „Македонско девојче“ (ВИДЕО)

Дарко Андоновски — Sun, 08 Sep 2019 20:21:29 +0000

Евроамбасадорот Самуел Жбогар беше еден од гостите денеска на прославата на 8 Септември – Денот на независноста, која под мотото „Боите на независноста“ се одржа на Школка во Градскиот парк во Скопје. Тој присустуваше на целата свеченост заедно со министри од Владата, амбасадори, градоначалници, пратеници, граѓани, а во еден момент кога се слушна песната „Македонско девојче“, евроамбасадорот се фати на оро. Тој објави и твит во кој вели дека не можел да оддолее, а да не се фати на орото. -Не можев да одолеам, а да не се фатам на оро на мојата омилена песна „Македонско девојче“, твитна евроамбасадорот Жбогар.

ВИДЕО: „Македонско девојче“ ечеше среде Солун

Катерина Бојаџиева — Wed, 07 Aug 2019 19:33:38 +0000

Познатата македонска песна „Македонско девојче“, но само во инструментална изведба, можеше да се слушне среде Солун. Уличен кларинетист ја отсвире на шеталиштето покрај морето, а видеото го објави Обединета Македонска Дијаспора.

Најопеано девојче е македонското: Нашата прекрасна песна ечи во Хрватска (ВИДЕО)

Ивана Ефремовски — Fri, 12 Jul 2019 13:44:34 +0000

Каде и да се изведе прекрасната македонска песна „Македонско девојче“, тоа звучи прекрасно. Едно од последните е претставување на Македонскиот фолклор на „Бана Јелачича“ во Загреб, каде, погодувате, најмногу овации имаше за изведбата на „Македонско девојче“. „Ах МАКЕДОНСКО ДЕВОЈЧЕ каде и да си ти си девојче од МАКЕДОНИЈА, најубавото најопеаното“, стои во еден од коментарите под видеото…

Како настанала познатата песна: Невенка била инспирација на Јонче Христовски за „Македонско девојче“ (ВИДЕО)

Предраг Кукиќ — Wed, 10 Apr 2019 13:57:28 +0000

Инспирација на Јонче Христовски да ја испее познатата песна „Македонско девојче“ била Невенка Росоманова – Томовска, раскажува таа. Бардот на македонската песна, кој создаде повеќе хитови, одамна не е меѓу живите, но Јонче живее преку песните. Во видеото Росоманова- Томовска раскажува за тоа како настанал хитот „Македонско девојче“.

Македонско девојче Невенка Росоманова – Томовска е вистинското македонско девојче кое било инспирација за Јонче Христовски да создаде еден од најголемите македонски хитови Gepostet von Види Вака am Freitag, 15. März 2019

Ова звучи прекрасно: Хор од Јордан ја испеа „Македонско девојче“ (ВИДЕО)

Ивана Ефремовски — Sun, 18 Nov 2018 17:59:48 +0000

Во Вашингтон, хорот од кралството Јордан, „Dozan Wa Awtar” ја испеа македонската песна „Македонско девојче”, oбјавија од Македонската обединете дијаспора. Настанот се одржал во Прва собраниска Обединета Црква Христова, a настапот на хорот е навистина прекрасен. Со истата песна хорот се претставил и во јули оваа година во Аман, Јордан.

„Македонско девојче“ ечеше во Минхен: Шпански оркестар со изведба каква што немате слушнато (ВИДЕО)

Ивана Ефремовски — Mon, 28 May 2018 07:25:42 +0000

Македонската песна „Македонско девојче“ како еден од најпрепознатливиот симбол за нашата земја, ечеше среде Минхен.

Оркестарот „Barcelona Gipsy Balkan Orchestra“ во април направија промоција на нивниот најнов албум насловен како „Avo Kanto“ низ цела Германија.

Изненадувачи е што овој бенд за време на нивниот настап во Минхен, ја извеле најпозната македонска песна „Македонско девојче“. Според видеото кое ќе имате можност да го видите подолу може да забележите како публиката реагира на оваа песна. Оркестарот во кој членуваат: Робиндро Николиќ од Шпанија, Матиа Широса од Италија, Иван Ковачевиќ од Србија, Џулиен Чанал од Франција, Стелиос Тогиас од Грција и Сандра Санаџио од Шпанија, изведува традиционални песни од Источно европскиот регион, Јужна Америка и Средниот Исток.