Македонско друштво „Илинден“-Тирана – Kurir.mk

Ѓурѓај ги повика Македонците од Албанија да гласаат за кандидатите на ВМРО-ДПМНЕ

Дарко Андоновски — Thu, 28 Oct 2021 15:41:47 +0000

Претседателот на Македонското друштво „Илинден“ – Тирана, Никола Ѓурѓај, пред неделниот втор круг од локалните избори во Македонија, ги повика Македонците од Албанија да ги поддржат кандидатите на ВМРО-ДПМНЕ. -Почитувани, браќа и сестри, Македонци од Република Албанија со право на глас во татковината Македонија, на 31-ви октомври ве повикувам масовно да излезете и да ги поддржите кандидатите на ВМРО-ДПМНЕ. Барам од Вас масовно да ја дадеме поддршката на кандидатите на ВМРО-ДПМНЕ за една нова и поубава иднина за татковината Македонија. Со почит, Никола Ѓурѓај, стои во повикот. Тој потсетува дека во знак на поддршка деновиве остварил средба со доктор Кирил Пецаков, кандидат за градоначалник на Охрид, на која го информирал за положбата на Македонците во Република Албанија и проблемите со кои се соочуваат, како и за активностите на друштвото. -Пецаков, како иден градоначалник на Охрид, искажа подготвеност за продлабочување на соработката, зголемување на помошта и поддршка за друштвото, за весникот „Илнден“ и за Македонците во Албанија, во рамки на можностите, се наведува во објавата. Според него, тој исто така ветил дека посебно внимание и грижа ќе посвети за македонските ученици и студенти од Албанија, а кои средно и високо образование следат во училишта и високо образовни установи во Охрид.

Македонско друштво „Илинден”- Тирана дава целосна подршка за Резолуцијата предложена од ВМРО-ДПМНЕ

Катерина Бојаџиева — Tue, 06 Jul 2021 19:53:51 +0000

Македонско друштво „Илинден”- Тирана дава целосна подршка за Резолуцијата за македонските црвени линии предложена од ВМРО-ДПМНЕ со кој се штити идентитетот, вели претседателот на „Илинден“ Никола Ѓурѓај. -Резолуцијата е плод на заедничките ставови на МАНУ, УКИМ и МПЦ – ОА ќе ги заштити националните црвени линии, околу кои не смее да има компромиси. Македонско друштво “Илинден”- Тирана ги повикува сите политички партии во татковината Македонија сите македонски организаци во светот ги повикува да ја подржат ова Резолуција. Македонскиот јазик, идентитет и историја и национална посебност не смеат да бидат дел од никакви преговори, подвлекуваат од Македонско друштво „Илинден”- Тирана.

Македонско друштво „Илинден“-Тирана: Воведениот карантин за секој кој влегува од Македонија во Албанија избрзана и погрешна одлука

Тале Кристо — Wed, 21 Apr 2021 19:21:10 +0000

Македонско друштво “Илинден”-Тирана, oдлуката на Техничкиот комитет на експерти за карантин на секое лице што ќе влезе на територијата на Република Албанија од Македонија е погрешна одлука. Одлуката на Техничкиот комитет на експерти за карантин за период од две недели на секое лице што ќе влезе на територијата на Република Албанија од Македонија е избрзана и погрешна одлука, бидејќи деновиве се намалува бројот на заразени. Оваа одлука економски ги погодува жителите кои живеат на албанско-македонската граница од Преспа до Голо Брдo, кои, искористувајќи ја близина на границата со Македонија своите животи ги имаат поврзано со сезонска работа и други активности во пограничните региони на Македонија. За овие жители, приходот обезбеден со сезонска работа во Македонија за неколку месеци, е единствен приход за нивните семејства. Техничкиот комитет на експерти треба што побрзо ова недела да ја ревидира ова одлука, бидејќи бројот на заразени лица во Македонија се намалува и не ја оправдува одлуката. – стои во реакцијата на Македонско друштво „Илинден“-Тирана.