македонско кредитно биро – Kurir.mk

Македонско кредитно биро со активности по повод Глобалната недела на пари

Ивона Петрова — Mon, 22 Mar 2021 10:02:32 +0000

Македонско кредитно биро од денеска до 28 март е дел од настанот „Глобална недела на пари“, заедно со над 63 000 организации од 174 држави. Темата на активностите е „Грижи се за себе, грижи се за своите пари“. ГНП е годишна глобална кампања за финансиска едукација на младите луѓе, почнувајќи од најраната возраст, сè со цел да ги поттикне и едуцира младите да станат финансиски свесни, да стекнат знаења, вештини, ставови и однесувања неопходни за донесување на здрави финансиски одлуки. Годинешното издание на настанот „Глобална недела на пари“, кое е осмо по ред, првпат се одржува во организација на ИНФЕ-ОЕЦД, додека пак координатор на настанот, како и секоја година, е Народна банка на Република Северна Македонија. Изминатата година настанот беше откажан поради ситуација со пандемијата. Периодот во кој ќе се одржи настанот за ГНП, Македонско кредитно биро организира редица настани. Ќе се организираат онјалн едукативни сесии на темата „Грижи се за себе, грижи се за своите пари“ за учениците од средното-економско училиште „Васил Антевски-Дрен”. Сесиите ќе се одржат преку Microsoft Teams платформата, а воедно ќе бидат и снимени, со тоа што дополнително снимките ќе се постават на YouTube каналот на МКБ и ќе се споделат на социјалните мрежи каде што ќе имате можност да ги проследите. Ќе се организира Facebook Life настан на кој ќе биде поканета целата FB и Instagram публика да земе учество во дискусијата и да постави прашања на истата тема. Настанот ќе се снима и ќе биде поставен на YouTube каналот на МКБ, кој ќе биде споделен на социјалните мрежи. Во текот на оваа недела, во духот на темата „ Грижи се за себе, грижи се за своите пари“, МКБ ќе им овозможи на младите да осознаат која е улогата на оваа институција, како да ги користат услугите и придобивките од нивното користење. Како граѓани и идни менаџери ќе осознаат како да управуваат со сопствените финансиски обврски, а притоа да не го оптеретат сопствениот буџет, најавуваат од МКБ.

Со Меѓународните извештаи на Македонско кредитно биро можете да добиете информации за над 200 милиони компании во 230 земји во светот

Магдалена Андонова — Thu, 11 Mar 2021 12:43:52 +0000

Донесувањето на вистински и сигурни деловни одлуки е од круцијално значење за развојот, функционирањето, напредокот и успешноста на една компанија. Значителен број на македонски компании имаат меѓународна соработка со партнери, клиенти и добавувачи од целиот свет. Увидот во деловната и финансиска способност на одредена компанија го олеснува одлучувањето за продолжување на соработката со постојните, односно изборот на Вашите нови соработници. Како да одлучите со сигурност за Вашите меѓународни соработници? Македонското кредитно биро во соработка со својот странски партнер, Италијанското кредитно биро CRIF S.p.A, нуди единствена можност на македонските компании да побараат меѓународни извештаи со бонитетни информации за повеќе од 200 милиони компании од над 230 земји од целиот свет достапни на англиски јазик. Меѓународните извештаи нудат можност да се намали ризикот во соработката со сегашните и идните деловни партнери. Овозможуваат брз и ефикасен увид во деловната и финансиска способност на странската компанија и го олеснуваат деловното одлучување. Содржината на извештаите се разликува во зависност од земјата од која пристигнуваат информациите за компанијата, а истите содржат детални финансиски податоци, профил на компанијата, кредитна оцена, процена на ризик, управувачка и сопственичка структура, историја на промени, негативни настани, банкарски сметки, регистарски информации, подружници и канцелариии. Овој извештај може да го добие било која компанија од Македонија со пополнување на Барање за меѓународен извештај на https://mkb.mk/. Извештаите се добиваат истиот ден или во рок од 2 до 10 дена, во зависност од земјата од која пристигнуваат информациите за компанијата. Повеќе информации за меѓународните извештаи на https://mkb.mk/megunarodni-izveshtai/

Фирмите од МКБ може да добијат информации за над 200 милиони компании од 230 земји

Ивона Петрова — Thu, 11 Mar 2021 09:29:46 +0000

Македонското кредитно биро во соработка со својот странски партнер, Италијанското кредитно биро CRIF S.p.A, нуди единствена можност на македонските компании да побараат меѓународни извештаи со бонитетни информации за повеќе од 200 милиони компании од над 230 земји од целиот свет достапни на англиски јазик. Меѓународните извештаи, како што информираат од МКБ, нудат можност да се намали ризикот во соработката со сегашните и идните деловни партнери. Овозможуваат брз и ефикасен увид во деловната и финансиска способност на странската компанија и го олеснуваат деловното одлучување. Содржината на извештаите се разликува во зависност од земјата од која пристигнуваат информациите за компанијата, а истите содржат детални финансиски податоци, профил на компанијата, кредитна оцена, процена на ризик, управувачка и сопственичка структура, историја на промени, негативни настани, банкарски сметки, регистарски информации, подружници и канцелариии. Овој извештај може да го добие која било компанија од државава со пополнување барање за меѓународен извештај на https://mkb.mk/. Извештаите се добиваат истиот ден или во рок од 2 до 10 дена, во зависност од земјата од која пристигнуваат информациите за компанијата. Повеќе информации за меѓународните извештаи на https://mkb.mk/megunarodni-izveshtai/.