Пендаровски прими претставници на Македонското лекарско друштво

Катерина Бојаџиева — Thu, 07 Oct 2021 12:05:08 +0000

Претседателот Стево Пендаровски денеска прими претставници на Македонското лекарско друштво (МЛД) коешто повеќе од 70 години функционира во нашата држава. На средбата претставниците на МЛД го информираа претседателот Пендаровски за тековните проекти и планираните активности во насока на подобрување на севкупниот квалитет на здравствените услуги, преку усовршување и развој на македонската медицина и сродните науки. Претседателот Пендаровски изрази поддршка на континуираната посветеност на Македонското лекарско друштво во воспоставувањето високи етички стандарди и заштита на лекарската професија, со крајна цел унапредување на здравствената нега на граѓаните во Република Северна Македонија. Оддавајќи признание на севкупниот ангажман на лекарите во справувањето со Ковид-19, Претседателот истакна дека пандемијата дополнително ја акцентира исклучително важната улога на здравствениот сектор, притоа нагласувајќи ја неопходноста идните стратегии да бидат градени во согласност со потребите и целите на науката, информираат од кабинетот на претседателот.

Д-р Димитров по повод светскиот ден на здравјето: Драги колеги, внимавајте на Вашето здравје во вашата професионална работа, вие сте чувари на здравјето

Магдалена Андонова — Wed, 07 Apr 2021 11:10:49 +0000

Почитувани колешки и колеги, дами и господа Денес е 7-ми април интернационален ден на здравјето За жал славењето и честитките околу овој наш празник е покриен со мрачниот вел на Пандемијата COVID 19 и Македонското лекарско друштво кое влегува во 76 година на своето постоење мораше да ги модифицира своите задачи и дејности. Со инсталацијата на модерното Веб студио минатата година се прејде на он-лајн континуирана медицинска едукација и покрај многуте стручни состаноци, вебинари беше одржан и 20-от Конгрес на Македонското Лекарско Друштво он-лајн со повеќе од 800 учесници кој е единствен во историјата на државата. Добитници на Повелбата Трифун Пановски највисокта професионална награда која ја доделува Македонското лекарско друштво се : Проф. д-р Јасна Богданска Проф . д-р Елена Трајковска Докиќ Проф. д-р Сашко Јовев Прим. Д-р Гордана Кузмановска Прим. Д-р Елизабета Зафировска А специјалната награда од Македонското лекарско друштво ја добива Македонското Здружение на инфектолози за секој поединец инфектолог како првите борбени столбови во пандемијата со COVID 19. Македонското лекарско друштво им оддава голема почит и благодарност на сите лекари и здравствен персонал кои се вклучени во борбата со COVID 19 и нашата порака и молба до Вас драги Колешки и Колеги, продолжете да вложувате надчовечки напори во борбата против пандемијата , внимавајте на Вашето здравје и на вашите најблиски во вашата професионална работа бидејќи вие сте чувари на здравјето на секој поединец во нашата држава. Ви благодарам Проф. д-р Горан Димитров Претседател на Македонското лекарско друштво

македонско лекарско друштво – Kurir.mk

Пендаровски прими претставници на Македонското лекарско друштво

Д-р Димитров по повод светскиот ден на здравјето: Драги колеги, внимавајте на Вашето здравје во вашата професионална работа, вие сте чувари на здравјето