макпетрол – Kurir.mk

Макпетрол: Вечерашниот настан во Илинден нема никаква поврзаност со компанијата

Ристе Здравков — Sun, 26 Feb 2023 08:25:30 +0000

Од компанијата „Макпетрол“ вечерва информираа дека во складиштето на компанијата лоцирано во населбата Илинден нема пожар, ниту експлозија, како што известија дел од медиумите. Инцидентот за кој што медиумите објавија информации се случил во близина, односно на железничката станица Илинден, но на никаков начин не е поврзан со складиштето на „Макпетрол“. Дел од медимите, вечерва пренесоа дека настанот во кој загина малолетно девојче се случил во склад на „Макпетрол“ во општината Илинден.

Бислимовски: Проблемот со „Макпетрол“ е надминат

Ивана Ефремовски — Fri, 23 Dec 2022 19:13:20 +0000

Проблемот со „Макпетрол“ е надминат и компанијата ќе си доставува понуди во текот на следните денови до сите потрошувачи, изјави претседателот на Регулаторната комисија за енергетика (РКЕ) Марко Бислимовски. Според него, гас ќе има, а конкурентоста ќе биде обезбедена од 1 јануари идната година од кога ќе важат новите правила на пазарот. Потрошувачите, како што рече Бислимовски во гостување на ТВ 24, треба да знат дека „Макпетрол“ како што функционирало досега нема да биде. „Макпетрол“ ќе им доставува номинации и доколку потрошувачите отстапуваат, земат повеќе, за тоа ќе си платат дополнително, но не на „Макпетрол“, туку на преносниот систем оператор ГА-МА. -„Макпетрол“ се согласи со овој пристап бидејќи на некој начин одредени ризици што беа кај снабдувачите се тргнати со вклучувањето на ГА-МА. Значи, ризиците кои што беа на снабдувачите, да не се соочат со проблеми со ликвидност доколку не плаќаат одредени потрошувачи ќе го преземе државата преку ГА-МА, но верувам дека тоа ќе бидат мали отстапуавња и оти на тој начин ќе го решиме проблемот, рече претседателот на РКЕ, која денеска организираше јавна расправа за новите правила за снабдување со природен гас, што треба да профункционираат од 1 јануари. На состанокот со државните компании НЕР и ГА-МА, како и трговците, снабдувачите и потрошувачите се усогласиле дека процесот како што е предвиден ќе почне. Но, посочи, за да се тргнат одредени ризици кои би се јавиле кај новите снабдувачи со природен гас, овозможивме поактивна улога да земе и ГА-МА, или новата компанија што ќе се формира наредната недела, да преземат обврска да им помогнат на потрошувачите да доставуваат номинации, при изработката и одредени технички работи, со што овозможивме трговците и снабдувачите заедно да работат со потрошувачите во јануари со цел да се релаксира ситуацијата. (МИА)

ЕСМ за ноември ќе набави природен гас од „Макпетрол“

Дарко Андоновски — Tue, 25 Oct 2022 10:54:05 +0000

АД ЕСМ од „Макпетрол“ ќе ги набави неопходните количини на природен гас за работа на топланите во ноември. Како што информираат од компанијата, на тендерот за набавка на гас добиле официјална понуда само од Макпетрол поради што се одлучиле гас за ноември да набават од македонската компанија. -За гасот имаме официјална понуда од Макпетрол. Втората понуда од странската компанија е информативна, треба да ја комплетираат со сите податоци и да ја испратат во официјална форма. За ноември за топланите ќе набавиме количини од Макпетрол, информираа денеска од АД ЕСМ за МИА. Рокот за доставување на понудите н тендерот на АД ЕСМ за набавка на природен гас за потребите на топалните во Скопје и евентуално за работа на ТЕ-ТО заврши во петокот, но од компанијата оставија време до денеска за евентуално да не пристигне некоја понуда по пошта. Од ЕСМ планираа да набават природен гас за следните шест месеци, односно за целата грејна сезона за топланите, но и за когенеративната електрана ТЕ-ТО доколку имаше понуда со прифатлива цена на природниот гас.

АД ЕСМ го повика Макпетрол и уште две фирми да обезбедат гас

Дарко Андоновски — Tue, 18 Oct 2022 14:09:42 +0000

АД ЕСМ денеска испрати допис до Макпетрол, и до уште две други фирми кои покажаа интерес да обезбедат гас за потребите на АД ЕСМ, во кој допис од истите е побарано до 20.10.2022г да достават понуда за гас за периодот ноември-април, велат од оваа компанија. -Понудата која треба да ја достават се однесува на количини, цена, услови на плаќање и обезбедување преку банкарски гаранции. Инаку, за периодот ноември-април АД ЕСМ има потреба од 225 милиони нм3 природен гас, со кои ќе се покрие максимално работење во наведениот период, на топланите Исток и Запад, Когел и на ТЕ ТО, доколку и оваа електрана биде интергрирана во електро-енергетскиот систем на ЕСМ, односно биде потпишан договор за деловно-техничка соработка со истата, велат од ЕСМ.

Во 2021 „Макпетрол“ вработи 150 лица и за целиот тим на компанијата исплати повеќе бонуси

Ивона Петрова — Fri, 24 Dec 2021 09:52:14 +0000

Трудољубивоста и професионалноста се карактеристики коишто се исклучително ценети, без коишто успесите и напредокот не се можни, поради што „Макпетрол“ постојано ги наградува своите вработени и редовно го проширува тимот со најквалитетниот кадар. Сето ова е дел од долгорочната стратегија на компанијата. - Изминативе две години, откако светот го зафати пандемијата со Ковид-19, којашто потоа се прошири и во економската и во енергетската сфера, условите за работа во речиси секој општествен и бизнис сектор се навистина отежнати. Можам со гордост да кажам дека сите овие предизвици ние ги пребродуваме полесно, најмногу поради исклучителниот кадар со којшто располагаме. За сето ова време, нашите вработени со нагласена професионалност и сестрано залагање помогнаа друштвото да ја зацврсти лидерската позиција на пазарот со нафта и нафтени деривати - вели директорката на одделот за човечки ресурси во компанијата, Марија Јосифовска-Спасовска. Во изминативе 12 месеци, „Макпетрол“ продолжи со имплементација на решенија коишто на сегашните, но и на новите членови на тимот им овозможуваат професионално да напредуваат и да се развиваат. И покрај вонредните услови за функционирање на целиот бизнис сектор, предизвикани од светската пандемија, на компанијата ѝ се приклучија 150 нови вработени. „Макпетрол“ ја заокружува 2021 година задоволен од доброто работење на компанијата. Имајќи ги предвид отежнатите услови за работа, предизвикани од светската пандемија на вирусот Ковид-19 и исклучителните залагања на вработените за извршување на работните обврски, „Макпетрол“ АД Скопје исплати регрес на сите вработени во вредност од 30.000 денари, како и дополнителен новогодишен бонус исто така во вредност од 30.000 денари. Компанијата распредели вкупно 85.250.000 денари од годишната добивка, со што секој од вработените доби паричен износ во просек од 60% од нивната плата. Со цел полесно и поефикасно справување со предизвиците од пандемијата со Ковид-19, „Макпетрол“ во соработка со Министерството за здравство организираше вакцинација за сите вработени. Компанијата воведе и практично имплементираше здравствени протоколи чија функционалност се потврди со фактот што досега, во рамки на колективот, не беше создаден ниту еден кластер на заразени. „Макпетрол“ и во 2022 година ќе продолжи да ги имплементира своите досегашни општествено одговорни практики, но и активно ќе бара решенија со коишто истите ќе бидат надградени и унапредени, со цел обезбедување што поголема поддршка на заедницата, како и на вработените во компанијата. Грижата за вработените е значајна за успешноста на Друштвото на долг рок и истата претставува дел од корпоративната политика на „Макпетрол“ АД – Скопје”.

На локациите на „Макпетрол“ од 1 декември пластичните ќеси нема да бидат достапни

Super Admin — Wed, 01 Dec 2021 10:56:57 +0000

- Новите измени во законот за отпад овозможуваат пластичните ќеси по одредена цена и понатаму да бидат во употреба на продажните локации, но нашето уверување е дека тоа не е долгорочно одржливо решение. За таа цел, како општествено одговорна компанија одлучивме ваквата амбалажа целосно да ја укинеме на нашите локации, а купувачите на располагање ќе ги имаат хартиените ќеси, кои што за значително пократок период се разградуваат во природата. Како и досега, зачувувањето на околината преку еколошки издржани чекори и во иднина ќе биде значаен дел од компаниската стратегија - истакнуваат од „Макпетрол“.

Последните податоци од Заводот за статистика укажуваат дека во 2020 во земјава се произведени над пет илјади тони вреќи и пластични ќеси, што е за 65 отсто повеќе споредено со 2010 година. Според „Иницијативата за забрана на пластичните ќеси“ македонските граѓани користат од 120 до 150 милиони вакви пакувања на годишно ниво иако неофицијално се проценува оти тоа количество достигнува и половина милијарда. Просечно, секој жител на државата користи околу две пластични ќеси дневно. Капацитети за рециклирање во Македонија нема, но и на глобално ниво, само помеѓу пет и 15 проценти од пластичните ќеси се рециклираат.

На локациите на „Макпетрол“ од 1 декември пластичните ќеси нема да бидат достапни

Ивона Петрова — Tue, 30 Nov 2021 12:33:55 +0000

Следејќи ги светските текови, како и новите измени во законот за отпад во земјава, на бензинските станици и сите останати продажни локации на „Макпетрол“ од 1 декември веќе нема да бидат достапни пластични, туку само хартиени ќеси. Со цел заштита на животната средина и давање придонес во намалувањето на количеството отпад што секојдневно се создава, на купувачите ќе им биде овозможено да користат амбалажа што е значително поеколошка. - Новите измени во законот за отпад овозможуваат пластичните ќеси по одредена цена и понатаму да бидат во употреба на продажните локации, но нашето уверување е дека тоа не е долгорочно одржливо решение. За таа цел, како општествено одговорна компанија одлучивме ваквата амбалажа целосно да ја укинеме на нашите локации, а купувачите на располагање ќе ги имаат хартиените ќеси, кои што за значително пократок период се разградуваат во природата. Како и досега, зачувувањето на околината преку еколошки издржани чекори и во иднина ќе биде значаен дел од компаниската стратегија - истакнуваат од „Макпетрол“. Последните податоци од Заводот за статистика укажуваат дека во 2020 во земјава се произведени над пет илјади тони вреќи и пластични ќеси, што е за 65 отсто повеќе споредено со 2010 година. Според „Иницијативата за забрана на пластичните ќеси“ македонските граѓани користат од 120 до 150 милиони вакви пакувања на годишно ниво иако неофицијално се проценува оти тоа количество достигнува и половина милијарда. Просечно, секој жител на државата користи околу две пластични ќеси дневно. Капацитети за рециклирање во Македонија нема, но и на глобално ниво, само помеѓу пет и 15 проценти од пластичните ќеси се рециклираат.

„Макпетрол“ со добивка од речиси 20 милиони евра во првите три квартали од годината

Super Admin — Mon, 29 Nov 2021 11:48:10 +0000

Акционерското друштво „Макпетрол“ од Скопје во периодот од први јануари до 30 септември 2021 година оствари добивка по оданочување од 1.227,6 милиони денари, односно речиси 20 милиони евра. Ова претставува неколкукратно зголемување споредено со истиот период лани, кога профитот беше 231,2 милиони денари или околу четири милиони евра. Зголемувањето на добивката во најголем дел е резултат на продажбата на акцијата во ГА-МА АД која се реализира на 25 август годинава преку „Македонската берза на хартии од вредност“. Со средствата од продажбата значително се подобри солвентноста на компанијата и се обезбеди значителен фонд за нови инвестиции.

- „Макпетрол“ оствари извонредно позитивен резултат што покажува дека Друштвото е во одлична состојба со очекувања истата и во следниот период да биде подобрена. Покрај добивката од продажбата на акцијата во ГА-МА, Друштвото оствари добивка од 8 милиони евра од своето редовно работење во првите три квартали од 2021 година, која е скоро дуплирана во споредба со 2020 година. Резултатите јасно покажуваат дека Друштвото успешно ја задржува својата лидерска позиција на пазарот и работи рентабилно во услови на пандемија, со тенденција на достигнување на пред-пандемските нивоа. „Макпетрол“ и во иднина ќе работи на остварување на својата долгорочна развојна стратегија со што ќе придонесе во зајакнувањето на домашната економија - истакнуваат од компанијата.

Во текот на првите три квартали од 2021 година „Макпетрол“ го продолжи силниот инвестициски циклус и вложи преку 210 милиони денари или 3,4 милиони евра, како во реконструкција така и во изградба на нови малопродажни и големопродажни објекти. Како општествено одговорна компанија, „Макпетрол“ во текот на 2021 година продолжи да ги подржува иницијативите кои ја зајакнуваат заедницата преку донации. Како најзначајни може да се издвојат донираните 1.000 таблет-уреди во вредност од шест милиони денари за учениците во основните училишта ширум државата, како и 1,5 милиони денари во гориво за екипите кои пожртвувано ги гаснеа пожарите во летниот период. Континуираниот успех на компанијата и задржувањето на лидерската позиција децении наназад е резултат на посветеноста на вработените, кои се основната сила на „Макпетрол“. Компанијата постојано инвестира во развојот на своите вработени, како и во обезбедувањето на безбедни и здрави услови за работа. За своите заложби и инвестиции во здравјето и безбедноста на вработените, компанијата во 2021 година доби и две награди во рамки на повикот „Добри практики во областа на БЗР во 2020 година“. Дополнително, во јули 2021 година, со одлука на Управниот Одбор, компанијата исплати регрес за годишен одмор во нето-висина од 30.000 денари, што е повисоко и од просечната исплатена нето-плата во државата.

Каратистите на „Макпетрол“ освоија шест медали на Балканскиот шампионат

Super Admin — Mon, 29 Nov 2021 11:41:14 +0000

Со четири сребрени и две бронзени медали се закитија каратистите на клубот „Макпетрол“ на Балканското првенство за кадети, јуниори и постари јуниори што викендов се одржа во Риека. Претставниците на екипата од Скопје, што се дел и од македонската репрезентација, беа дел од собирот на којшто учество зедоа 13 држави и 731 натпреварувачи.

- Задоволни сме од настапот на нашите каратисти кои ги бранеа боите на Македонија на ова елитно регионално натпреварување. Балканот е најквалитетен регион во светската карате-федерација и затоа тешко е да се освои медал, има навистина голема и квалитетна конкуренција. Можевме да постигнеме и повеќе во поединечните настапи на нашите каратисти, но за освојување на медал одлучуваа моменти. Генерално сме задоволни од нашиот настап, направивме одлична контрола пред државното првенство што треба да се одржи следниот викенд и ќе има изборен карактер за влез во репрезентацијата на следното европско првенство што ќе се одржи во Прага - изјави тренерот на „Макпетрол“, Петар Заборски.

Стефан Стојановиќ, којшто е и актуелен јуниорски шампион на Европа во категоријата над 84 килограми, освои две сребрени одличја во поединечна и екипна конкуренција во дисциплината борби. Марија Петровска зеде учество во категоријата под 50 килограми и се закити со бронзен медал во индивидуална конкуренција. Во екипната борбена дисциплина сребрени трофеи освоија Абдурахим Идризи и Глигор Петков, додека Викторија Јовановска се здоби со бронзено признание. Машкиот кумите-тим славеше против Косово (3-1), го победи домаќинот Хрватска (3-0) Хрватска и во финалето загуби од Босна и Херцеговина (0-2). Женската екипа го победи Косово, загуби од Словенија, а во борбата за бронзата славеше против Грција. На Балканскиот шампионат Македонија освои вкупно 13 медали и на табелата со вкупно освоени признанија се најде на петтата позиција. Со најмногу одличја се закити Босна и Херцеговина (26, од кои 12 златни), а потоа следуваа Турција и Србија.

Инвестицискиот циклус на „Макпетрол“ АД продолжува, реновирана и модернизирана бензинската станица во централното градско подрачје на Тетово

Ивона Петрова — Fri, 05 Mar 2021 10:26:38 +0000

Во изминатиот период, „Макпетрол“ АД, најголемиот дистрибутер на горива во државата, постојано инвестира во обнова на своите бензински станици како и изградба на нови, со цел подобрување и осовременување на својата мрежа на услужни објекти. И во овие отежнати економски услови предизвикани од Ковид-19 пандемијата, „Макпетрол“ АД вложува максимални напори кон задоволување на растечките потреби на своите потрошувачи и воедно, при тоа да им овозможи квалитетно, сигурно и економично снабдување со нафтени деривати, гас и био горива. Овој пат, својот инвестициски циклус компанијата го продолжи со реновирање на постојната бензинска станица, лоцирана во централното градско подрачје на Тетово. Станицата сега доби современ и функционален изглед, задоволувајќи ги највисоките технички и безбедносни стандарди. Достапност кон квалитетните производи и услуги потрошувачите имаат во текот на 24 часа, секој ден во неделата. Вкупната инвестиција за реконструкција на оваа бензинска станица изнесува околу 70 милиони денари. На бензинската станица се достапни квалитетните горива од ULTRA фамилијата на Макпетрол, вклучувајќи го и течниот нафтен гас за возила, а во продажниот објект на бензинската станица на потрошувачите им стои на располагање широк избор на производи од дополнителниот асортиман. „Макпетрол“ АД продолжува понатаму со инвестицискиот циклус, следејќи ги најновите достигнувања и иновации во делокругот од своето работење, со особена посветеност кон унапредување на високиот квалитет на производите и услугите наменети за своите лојални потрошувачи.