Макс Ферстапен – Kurir.mk

Макс Ферстапен славеше и на трката за ГН на Мексико

Бошко Тасиќ — Mon, 30 Oct 2023 05:12:06 +0000

Возачот на Ред Бул, Макс Ферстапен победи на трката за Големата награда на Мексико на патеката „браќа Родригез“, што е негова 16-та победа оваа сезона. Макс после победата во Остин дојде и до својата 50-та победа во кариерата, а сега запиша 51-ва победа после која се израмни со легендарниот Алан Прост. Ферстапен потврди дека за него не е проблем да победува и кога не стартува од првата позиција, па во САД победи тргнувајќи од шестото место, а во Мексико на стартот од трката беше трет зад возачите на Ферари. На второто место во Мексико заврши Луис Хамилтон, додека третото место на подиумот го пополни Леклерк од Ферари пред клупскиот совозач Саинц кој заврши на четвртото место. Британците Норис од Мекларен и Расел од Мерцедес завршија на петтото и на шестото место.

Макс Ферстапен победник на спринт-трката во Остин

Бошко Тасиќ — Sun, 22 Oct 2023 07:03:00 +0000

Макс Ферстапен е победник на спринт-трката за големата Награда на САД која се вожеше на патеката во Остин. Тој рано во трката успеа да го обезбеди предност пред Луис Хамилтон, стана првиот возач кој победил на сите спринт-трки во една сезона. Второто место му припадна на Луис Хамилтон, додека зад него заврши Шарл Лекер.Бодови од спринт трката освоија уште и Ландо Норис (Мекларен), Серхио Перез (Ред Бул), Карлос Саинц (Ферари), Пјер Гасли (Алпин) и Џорџ Расел (Мерцедес).

Ферстапен победи во Јапонија, Ред Бул ја завери титулата кај конструкторите

Бошко Тасиќ — Sun, 24 Sep 2023 07:21:55 +0000

Ред Бул ја освои титулата во конкуренција на конструктори, а пак Макс Ферстапен победи на трката за Големата награда на Јапонија, Мекларен имаше двајца возачи на подиумот. Макс Ферстапен дојде до 13. победа оваа сезона откако беше најбрз на „Сузика“ во Јапонија. Со неговите бодови Ред Бул ја завери титулата во конкуренција на конструктори. Успех слават и во таборот на Мекларен, двајцата нивни возачи обезбедија подиум. Ландо Норис беше втор, додека Оскар Пјастри беше трет. Четвртото место го освои Леклер, а во позициите кои носат бодови беа и Хамилтон, Саинц, Расел, Алонсо, Окон и Гасли.

Макс Ферстапен убедлив на трката за ГН на Унгарија

Бошко Тасиќ — Sun, 23 Jul 2023 15:19:14 +0000

Макс Ферстапен рутински стигна до победа и на трката за ГН на Унгарија, со што само ја зголеми и онака големата предност во генералниот пласман на Формула 1 шампионатот. Возачот на Ред Бул стартуваше од втората позиција, но уште на стартот го претрка Луис Хамилтон, за подоцна да нема никакви проблеми да ја задржи најпосакуваната позиција на патеката. Хамилтон долго чекаше на пол-позиција, но неговиот Мерцедес не беше конкурентен на Хунгароринг, бидејќи уште во првиот круг дозволи пред него да излезат Ферстапен и Норис и Пјастри од Мекларен. Британецот не успеа да избори подиум, за разлика од Серхио Перез кој со одлично возење и квалитетен болид стигна до третото место, зад клупскиот колега Ферстапен и Норис. Зад Хамилтон се најде Пјастри, а до десеттото место се пласираа Расел, Леклер, Саинц, Алонсо и Строл.

Нова победа на Ферстапен

Ивана Ефремовски — Sun, 09 Jul 2023 17:06:16 +0000

Актуелниот светски првак и лидер во генералниот пласман Макс Ферстапен (Ред Бул) победи на десетата трка сезонава во Формула 1 која попладнево се возеше на патеката Силверстон за Големата награда на Велика Британија. За 25-годишниот Холанѓанец ова е 43 победа во кариерата, од која осма оваа сезона, а шеста во низа. Воедно, Ред Бул по 11 пат во серија триумфираше со што го израмни досегашниот рекорд на Мекларен од 1988 година. - Единаесет во серија. Тоа е прилично лудо, порача Ферстапен преку тимското радио. Британецот Ландо Норис (Мекларен) мина втор низ целта, додека неговиот сонародник Луис Хамилтон (Мерцедес) беше трет. Трката за Големата награда на Велика Британија привлече 160.000 гледачи, а следната трка е на 23 јули за Големата награда на Унгарија. (МИА)

Макс Ферстапен ја освои пол- позицијата на Силверстон

Бошко Тасиќ — Sat, 08 Jul 2023 15:33:14 +0000

Макс Ферстапен од Ред Бул ќе тргне од пол-позицијата на утрешната трка за Големата награда на Велика Британија во Формула 1. Ферстапен доминираше на патеката Силверстоун, а најинтересна беше првата сесија од квалификациите, кога патеката беше влажна. Една од „жртвите“ на хаосот беше Серхио Перез кој ќе тргне од дури 16-тата позиција. Изненадија пилотите на Мекларен, Ландо Норис ќе тргне втор, а Оскар Пјастри трети. Зад нив се двајцата пилоти на Ферари, Шарл Леклер односно Карлос Саинс.

Ферстапен најбрз на првиот тренинг во Силверстон

Ивана Ефремовски — Fri, 07 Jul 2023 14:23:40 +0000

Возачот на Ред Бул, Макс Ферстапен, беше најбрз на денешниот прв тренинг пред трката во Формула 1 за Големата награда на Велика Британија. Холанѓанецот Ферстапен, кој води во генералниот пласман, на првиот тренинг оствари време од 1:28, 600 минути и за 0.488 секунди беше побрз од клупскиот колега Серхио Перез. Трето време оствари Алекс Албон во болидот на Вилијамс, а по него следуваа Фернандо Алонсо, Шарл Леклер, Естебан Окон, Карлос Саинц, Ландо Морис, Ленс Строл и Оскар Пјастри. Главните квалификации се на програмата в сабота, а трката за Големата награда на Велика Британија ќе стартува в недела од 16 часот. (МИА)

Макс Ферстапен славеше на спринт трката во Австрија

Бошко Тасиќ — Sat, 01 Jul 2023 17:17:45 +0000

Холандскиот возач во Формула 1, Макс Ферстапен славеше на спринт трката која денеска се одржа во Австрија. Актуелниот шампион уште еднаш потврди дека е без конкуренција во Ф1 шампионатот во овој момент, односно дека ривалите едноставно не можат да му застанат на патот. Ферстапен втора година по ред беше најдобар во спринтот на „Ред Бул Ринг“, поточно за него беше четвртата победа во овој формат. Зад него беше клупскиот голега од Ред Бул, Серхио Перез, додека трет беше асот на Ферари, Карлос Сајнц од Ферари. Меѓу возачите кои освоија поени на оваа спринтерска трка беа Ленс Строл, Фернандо Алонсо, Нико Хулкенберг, Естенбан Окон и Џорџ Расел. Трката за Големата награда на Австрија е закажана за в недела во 15 часот.

Макс Ферстапен најбрз во Мајами на трката за ГН на САД

Бошко Тасиќ — Mon, 08 May 2023 03:45:36 +0000

Актуелниот Ф1 шампион, Макс Ферстапен е победник на петтата овогодишна трка која се возеше за Големата награда на Мајами. Холанѓанецот тргна од деветта позиција, но тоа не му беше пречка да извози како што знае и умее, да ги остави зад себе ривалите и дојде до третото славје во актуелнава сезона или вкупно 38 во кариерата. Доминацијата на Ред Бул ја потврди Серхио Перез кој заврши како втор, додека одново место на подиумот имаше и за ветеранот Фернандо Алонсо. Ова за Шпанецот беше четврти победнички пиедестал, односно подобар од него кога е во прашање овој учинок е само Ферстапен со пет. Расел од Мерцедес заврши како четврти по што следуваа Саинц, Хамилтон, Леклер, Гасли, Окон и Магнусен.

Макс Ферстапен останува без победата во Австралија?

Бошко Тасиќ — Sun, 02 Apr 2023 13:59:19 +0000

Макс Ферстапен победи на денешната хаотична трка за Големата награда на Австралија. Трката беше проследена со три прекини, но и со неколку инциденти на патеката. Меѓутоа Холанѓанецот би можел да остане без победа на „зелена маса“ откако во Мерцедес поднесоа жалба која ако биде усвоена светскиот шампион ќе заработи казна. Причина за жалбата е грешката на Ферстапен при вториот рестарт на трката. Во Мерцедес посочија дека Ферстапен не бил добро наместен на линијата за старт, односно бил понапред од дозволеното. Треба да се потсети, дека за ваков инцидент на трката во Саудиска Арабија беа казнети Фернандо Алонсо и Естебан Окон. Германскиот тим очекува ФИА да го задржи истиот критериум. Ако Ферстапен биде казнет победата ќе му припадне на Луис Хамилтон кој заврши како второпласиран каде што во таква ситуација ви завршил Фернандо Алонсо.