Макс Верстапен – Kurir.mk

Макс Верстапен ја постигна 50-та победа во кариерата

Бошко Тасиќ — Mon, 23 Oct 2023 05:55:01 +0000

Актуелниот светски шампион во Формула 1, Холанѓанецот Макс Верстапен во тимот на Ред Бул победи на трката за Големата награда на САД во Остин, остварувајќи ја 15-та победа сезонава, а јубилејната 50-та во кариерата. Ова беше 18-та трка оваа сезона и дури 15-та прослава на 26-годишниот Холанѓанец, кој пред две седмици во Катар ја обезбеди третата светска титула. Остануваат уште четири трки до крајот на сезоната, во Мексико, Бразил, Лас Вегас и Абу Даби. Само четворица велемајстори во Формула 1 триумфираа повеќе патои од Холанѓанецот. На врвот е Хамилтон со 103 победи, втор е Германецот Михаел Шумахер со 91, трет Германецот Себастијан Фетел со 53, а четврти Ален Прост со 51 победа.

Верстапен: Мекларен ги има најдобрите возачи помеѓу сите конкуренти на Ред Бул

Дарко Андоновски — Mon, 16 Oct 2023 08:15:21 +0000

Актуелниот шампион во Формула 1, Макс Верстапен искажа комплименти за пилотите на Мекларен. Возачот на Ред Бул смета дека Ландо Норис и Оскар Пјастри се најдобриот тим меѓу ривалите. - Можеби ова е најстабилниот тим во споредба со другите гонители. Навистина верувам дека тимот го има најдобриот состав од сите нив. Возачите на Мекларен работат многу добро. Ќе биде интересно да се види што ќе се случи на крајот од сезоната. И ќе видиме каде се сите на почетокот на следната сезона, изјави Верстапен./ Холанѓанецот веќе ја обезбеди новата шампионска титула, трета во низа.

ГН на Јапонија: Деветта пол – позиција за Верстапен

Дарко Андоновски — Sat, 23 Sep 2023 09:36:34 +0000

Водечкиот во генералниот пласман во Формула 1, Макс Верстапен (Ред Бул) ќе стартува од пол – позицијата в недела кога ќе се вози трката за Големата награда на Јапонија. Холанѓанецот Верстапен дојде до својата деветта пол – позиција оваа сезона, откако беше најбрз на денешните квалификации на патеката Сузука. „Ова досега е неверојатен викенд, особено квалификациите. Болидот навистина убаво возеше“, рече Верстапен, кој беше најбрз и на сите три слободни тренинзи. Британецот Ландо Норис (Мерцедес) ќе стартува покрај Верстапен од првиот ред, а од вториот Ландо Норис (Мекларен) и Шарл Леклер (Ферари).

Верстапен на Големата награда на Јапонија ќе вози со посебна кацига, дознајте каква!

Ивана Ефремовски — Tue, 19 Sep 2023 09:28:40 +0000

Шампионот во Формула 1, Макс Верстапен ќе носи специјална кацига на претстојното Јапонското ГП. Двократниот шампион во Формула 1 зборуваше за „посебниот“ однос на Хонда со земјата, каде што го имаше своето прво деби како тест возач во Торо Росо во 2014 година и ја освои титулата минатата сезона. -Многу бела боја и црвено на врвот во суштина е обид да се претстави знамето на Јапонија, објасни возачот на Ред Бул за изборот на боите на новата кацига. Трката од Формула 1 шампионатот за Големата награда на Јапонија ќе се вози во Сузука претстојниот викенд. (МИА)

Ферстапен: Не верував дека се можни десет победи по ред

Ристе Здравков — Sun, 03 Sep 2023 17:29:05 +0000

Актуелниот светски шампион Холанѓанецот Макс Ферстапен победи на Монца, во 14. трка од Светскиот шампионат во Формула 1. Холанѓанецот ја постигна 47. победа во кариерата, 12. оваа сезона и рекордна десетта по ред. Ферстапен со тоа стана првиот возач во 73-годишната историја на Ф1 кој десетпати по ред се најде на највисокиот подиум. Минатата недела го израмни рекордот на Себастијан Фетел од девет победи од 2013 година, а сега отиде чекор понатаму. „Не верував дека се можни 10 победи по ред“, изјави со насмевка Верстапен. „Беше многу тешко да се доближам и да влезам во свиокот 1, морав да го натерам Саинц да направи грешка. Се обидов да останам трпелив, тоа е долга трка и требаше само да го изберам мојот момент“, додаде тој. „Браво пријателе, ти си сам, тоа е историја“, му рекол тимскиот шеф Кристијан Хорнер на Ферстапен преку радиото откако ја мина целта.

Директорот на Ред Бул импресиониран од Верстапен: Тој е недопирлив

Дарко Андоновски — Mon, 28 Aug 2023 15:46:41 +0000

Директорот на Формула 1 тимот Ред Бул, Кристијан Хорнер, рече дека нивниот возач Макс Верстапен е „недопирлив‘, ден откако Холанѓанецот ја забележа деветтата последователна победа оваа сезона. Верстапен победи во неделата на домашната патека во трката за Големата награда на Холандија и со деветтиот триумф во низа го израмни рекордот од 2013 година кој тогаш, исто така, во болидот на Ред Бул го постави Германецот Себастијан Фетел. Хорнер го пофали Верстапен и рече дека неговите достигнувања се импресивни, особено поради притисокот со кој се соочува од недела во недела. „Мислам дека, тивко во себе, е многу горд на тоа што го прави и остварува. Рекордот кој Себастијан го постигна во 2013 … Да се победи во девет едноподруго трки е лудост, мислам дека никој од нас не можеше да замисли дека некој друг возач во нашиот тим тоа ќе може да го повтори. Мислам дека Макс е во период од кариерата во кој е недопирлив и оти ниту еден друг возач не може да го повтори тоа што тој го постигнува во овој болид“, рече Хорнер.

Верстапен најбрз на холандското Гран при за деветта победа во низа

Бошко Тасиќ — Sun, 27 Aug 2023 16:26:20 +0000

Возачот на Ред Бул, Макс Верстапен попладнево победи на трката од Формула 1 шампионатот возена во Зандворт за Големата награда на Холандија. За 25-годишниот Холанѓанец и актуелен светски првак ова беше 46 победа, 11 во тековната сезона и деветта по ред со што го изедначи рекордот рекордот на четирикратниот светски шампион Себастијан Фетел по бројот на победи во низа (9 победи, 2013 година). Возачот на Астон Мартин, Фернандо Алонсо, заврши на второто место со заостанување од 3,744 секунди назад трет беше возачот на Алпин, Пјер Гасли (+7.058). Клупскиот колега на Верстапен, Серхио Перез заврши четврти. Тој доби казна од 5 секунди за пребрзо возење во боксот. Верстапен е убедлив лидер во генералниот поредок со 339 бодови, пред Перез со 201 и Алонсо со 168.

Верстапен ја освои пол-позицијата на Големата награда на Холандија

Ивана Ефремовски — Sat, 26 Aug 2023 16:22:58 +0000

Возачот на Ред Бул, Макс Верстапен победи во денешните квалификации за Големата награда на Холандија. Неговиот најбрз круг беше една минута и 10,567 секунди. Возачот на Мекларен, Ландо Норис (+0,537) го освои второто место на трката, а зад него беше возачот на Мерцедес, Џорџ Расел (+0,727). Седумкратниот светски шампион, возачот на Мерцедес, Луис Хамилтон отпадна по вториот квалификациски сегмент. Од 4 до 10 стартна позиција ќе тргнат: 4. Алекс Албон (Вилијамс) +0,852 5. Фернандо Алонсо (Астон Мартин) +0,939 6. Карлос Саинц (Ферари) +1,187 7. Серхио Перез (Ред Бул) +1.313 8. Оскар Пјастри (Мекларен) +1.371 9. Шарл Леклер (Ферари) +2.098 10. Логан Сарџент (Вилијамс) +6,181. (МИА)

Верстапен за Големата награда на Холандија: Возбуден сум што се враќам во татковината

Дарко Андоновски — Wed, 23 Aug 2023 09:35:15 +0000

Пилотот на Ред Бул, Макс Верстапен ги сподели своите очекувања за претстојната трка за Големата награда на Холандија. - Се радувам на вториот дел од сезоната и нема подобар начин да се започне од Холандија. Тоа е неверојатна патека и, се разбира, неверојатни фанови, па дефинитивно сум возбуден што се враќам во татковината. Ќе дадеме се од себе за да освоиме максимален број бодови, изјави Верстапен за клупскиот сајт на Ред Бул. Верстапен е двократен светски шампион во Формула 1. Оваа сезона, 25-годишниот холандски возач на тркачки автомобили води во поредокот кај возачите со 314 бодови. Трката за ГН на Холандија ќе се вози од 25 до 27 август.

ВИДЕО: Верстапен под истрага, полицијата има снимка како доказ

Ивона Петрова — Tue, 22 Aug 2023 18:36:12 +0000

Полицијата покрена истрага против холандскиот возач на Ред Бул Рејсинг и двократен шампион во Формула 1, Макс Верстапен поради пребрзо возење во Монако. Верстапен се најде под истрага откако неговиот пријател Марк Кокс ја објави снимката на социјалните мрежи. На видеото се гледа како Макс вози Aston Martin Valyrie, еден од најбрзите автомобили во светот, кој вреди повеќе од 2 милиони евра. Холанѓанецот наводно возел побрзо од дозволената брзина од 90 km/h на автопатот Ница Норд. Сега полицијата го користи видеото од возењето како доказ и го истражува случајот, а Верстапен треба да добие најмалку парична казна.