Ванда Нара: Икарди и Макси Лопез уште не можат да се поднесат!

Ристе Здравков — Wed, 22 Feb 2023 10:48:10 +0000

Една од најпопуларните фудбалски сапуници, веројатно уште долго ќе ги скокотка насловните страници, штом некој од актерите во „љубовниот тријаголник“ добие светло под медиумските рефлектори. Мауро Икарди, Ванда Нара и Макси Лопез беа интересни пред една деценија, но дека уште може да ја разбрануваат јавноста покажа русокосата Ванда, синоќа во интервју на Раи-2. Таа зборуваше за себе како жена фудбалски агент, но се разбира дека неодминлива тема беше тријаголникот со поранешниот сопруг Макси Лопес и актуелниот сопруг, Мауро Икарди. Девет години откако го остави едниот, за да почне врска со другиот, Ванда кажа дека тие уште не се мирисаат. „Имам добри односи со Макси Лопез сега, но тој и Икарди не можат да се поднесат“, рече 36-годишната Аргентинка. Неодамна избија гласини дека и неа ја снашла слична судбина, како што онаа што таа му ја приреди на Макси. Медиумите пишуваа дека Икарди ја изневерил со аргентинската пејачка и актерка Чина Суарес. Меѓутоа Ванда одби да падне на провокација и очигледно преминала преку тоа. „Не знам што се случило. Нашата приказна е така долга, па мало нешто како ова изгледа безначајно. Икарди е мој сопруг, ние сме заедно и ќе бидеме зааедно цел живот. Тој е со мене речиси цел негов живот. Тој се има заљубено во нормалната јас, во пижами, додека подготвувам паста со пармезан и путер“, изјави Ванда. Таа беше во брак со Макси Лопез до ноември 2013 и дотогаш имаше три деца со него. Во мај 2014 стапи во брак со Мауро Икарди, кој беше клупски другар на Макси Лопес од Сампдорија и соиграч уште од младинските редови на аргентинската репрезентација. Откако стапија во брак, Ванда му беше и агент на Икарди, а особено се прочу кога во 2019 „го продаде“ својот сопруг од Интер во ПСЖ за 70 милиони евра.

Ванда со провокација до Икарди: Објави фотографија со поранешниот сопруг Макси Лопез (ФОТО)

Ристе Здравков — Fri, 05 Nov 2021 20:34:37 +0000

Ванда Нара изненади со последната објава на социјалните мрежи, сподели фотографија со поранешниот сопруг Макси Лопез и нивните три деца Валентино, Константино и Бенедикто. Синоќа беше објавено за нов пресврт во сагата помеѓу Мауро Икарди и Ванда Нара, атрактивната блондинка решила да се раздели од фудбалерот на ПСЖ откако добила мејл со докази дека напаѓачот се сретнал со Чина Суарез во хотел во Париз. На социјалните мрежи сега има нови индикации дека работите одат во овој правец, Ванда Нара објави фотографија од поранешниот сопруг Макси Лопез и нивните три деца Валентино, Константино и Бенеденто, како и новата девојка на фудбалерот, моделот Даниела Кристиансон. Макси Лопез и Ванда Нара долго време беа во „војна“ поради начинот на кои се разделија, односно таа направи големо неверство, го остави и започна врска со неговиот добар пријател и колега Мауро Икарди. Сепак, двајцата сега се во добри односи, Макси Лопез направил голем гест, кога дознал за кризата помеѓу Ванда Нара и Мауро Икарди, веднаш отпатувал во Париз и со себе ги земал трите момчиња, за да им остави простор да ги надминат проблемите.

макси лопез – Kurir.mk

Ванда Нара: Икарди и Макси Лопез уште не можат да се поднесат!

Ванда со провокација до Икарди: Објави фотографија со поранешниот сопруг Макси Лопез (ФОТО)