Максимилијано Алегри – Kurir.mk

Алегри нема намера да го напушти Јувентус

Бошко Тасиќ — Sun, 28 May 2023 05:04:53 +0000

Масимилијано Алегри уште еднаш потврди дека нема намера да си замине од клупата на Јувентус, без разлика на катастрофалните резултати кои овој тим ги има под негово водство. 55. годишникот го најави утрешното дерби со Милан и рече дека плановите за новата сезона почнуваат од почетокот на јуни.

„Имам уште две години од мојот договор и ќе дадам се од себе за да го вратам Јуве на врвот. Од 5 јуни ќе почнеме да ја планираме следната сезона“, изјави Алегри и продолжи:

„Моментално сме втори на табелата оваа сезона. Тоа е подобрување во однос на минатата сезона со сите неволји што ги имаме. Имаме многу лоша недела зад нас, но мораме да се подигнеме и да останеме фокусирани на преостанатите два натпревари. Пласман во европските купови со оваа казна би било големо достигнување. Се зависи од нас и потребна ни е сила да го поминеме овој тежок период“, е пораката на тренерот на Јувентус.

Да потсетиме, пред неколку дена на „бјанконерите“ им беа одземени 10 бода поради финансиска измама за време на пандемијата на коронавирусот.

Алегри: Судијата беше одличен, мораме да ги прифатиме одлуките

Бошко Тасиќ — Mon, 24 Apr 2023 05:19:43 +0000

Италијанскиот фудбалски клуб Јувентус го претрпе третиот пораз во низа во Серија А во мечот со Наполи во Торино. Лидериот во Серија се избори за победа во 93 минута кое беше во режија на Елмас и Распадори, каде македонскиот репрезентативец испрати идеален центаршут, додека вториот шутираше директно од прва и ја погоди мрежата на Јувентус во овој натпревар. -Разочарувачки е вака да изгубиме натпревар, но требаше да бидеме подобри при голот. Престанавме да играме и апсолутно треба да бидеме подобри во таа смисла, -истакна тренерот Масимилијано Алегри кој не сакаше да ги коментира одлуките на судијата Фабри особено онаа во 83 кога Јувентус даде гол преку Ди Марија, но потоа со помош на ВАР тој гол беше поништен иако главниот арбитар при спорната ситуација беше добро поставен и не се реши ништо да досуди во прв момент. -Треба да останеме смирени, да прифатиме како што секогаш сме правеле со одлуките на судиите – добри или лоши. Во спротивно, ние трошиме енергија, затоа што сега не можеме да го промениме резултатот. Судијата беше многу добар денеска, му честитам за неговиот настап, -порача Макс за „ДАЗН“.

Алегри: Ова е прекрасен ден за Јувентус

Бошко Тасиќ — Fri, 21 Apr 2023 06:25:23 +0000

Италијанскиот фудбалски клуб Јувентус остана непоразен на гостувањето кај Спортинг во Лисабон, а ремито од 1-1 му овозможи пласман во полуфиналето на Лига Европа во кое ќе се соочи со Севилја која пак го декласираше Манчестер Јунајтед со 3-0 на „Рамос Санчез Писхуан“. Овој резултат како и позитивната вест која Јуве ја добие во однос на 15 поени кои му беа вратени во Серија А донесе радост и задоволство кое не го криеше тренерот Масимилијано Алегри кој порача: -Ова е прекрасен ден. Ова беше добар настап, особено во второто полувреме, но мора да бидеме подобри во завршницата. Момците се однесуваа добро и имавме малку среќа, -рече Алегри за „Скај Спорт Италија“ и додаде: -Ова е ден во кој ни ги вратија 15 поени, сега мора да се фокусираме на Серија А, бидејќи во последно време загубивме доста поени. Ние мора да ја консолидираме нашата позиција во Топ 4, -истакна стратегот кој не е изненаде што Севилја е нивен ривал во полуфиналето.Очекував да биде Севилја, бидејќи тие се силен тим и веќе освоија многу трофеи на Лига Европа, -завши предводникот на „бјанконерите“.