мал авион – Kurir.mk

Петмина загинати при уривање на мал авион во Јужна Каролина

Ивона Петрова — Thu, 06 Jul 2023 08:41:59 +0000

Пет лица загинаа при пад на мал авион во американската сојузна држава Јужна Каролина. Авионот се урна во близина на терен за голф во Норт Миртл Бич за време на викендот, а првичните информации беа дека само едно лице е повредено. Денеска е потврдено дека загинале сите на летот – четворица патници и пилотот, јавуваат локалните медиуми. Четири лица починале на лице место, а едно во болница. Денеска беа објавени и идентитетите на жртвите, две жени на возраст од 32 и 42 години и нивните синови на седум и 17 години, како и на 66-годишниот пилот.

Мал патнички авион се урна во Сан Диего

Ивона Петрова — Tue, 28 Dec 2021 07:46:41 +0000

Мал патнички авион, најверојатно „Лирџет 35“, се урна во градот Ел Кахон во областа Сан Диего во Калифорнија. Засега не е познат бројот на жртвите во оваа несреќа, а авионот при падот ги уништил електричните кабли, оставајќи стотици жители на овој град без струја. Авионот се урнал во близина на раскрсницата Пепер Драјв околу 19 часот по локално време и се запалил, јавуваат американските медиуми. Канцеларијата на шерифот во Сан Диего соопшти дека авионот летал кон аеродромот Гилеспи Филд и дека истрагата е во тек, додека други детали за несреќата не се познати. Луѓето се предупредени да го избегнуваат местото на несреќата.

Драма на грчки остров, исчезна мал авион

Ивана Ефремовски — Mon, 13 Sep 2021 19:24:06 +0000

Мал авион од типот Цесна 172 вечерва исчезна во морскиот дел во близина на грчкиот остров Самос, а според првичните информации од Грција полетал од Израел и над островот му се губи трагата, а во тек е операција за пронаоѓање, јави дописничката на МИА од Атина. Станува збор за приватен израелски авион со четири седишта, а засега е непознат бројот на патниците што се превезувале, ниту пак дали Самос била нивната крајна дестинација. Според локалните медиуми од островот, како и според грчката државна телевизија ЕРТ, авионот паднал во морето, а веќе биле пронајдени две безживотни тела, иако се уште нема официјална потврда. (МИА)

Мал авион падна врз зграда во село во близина на грчкиот град Серес

Магдалена Андонова — Mon, 03 Aug 2020 10:31:52 +0000

Мал едномоторен авион кусо по 9 часот утрово, падна врз зграда во село во близина на грчкиот град Серес, без да има жртви, јави дописничката на МИА од Атина. Според грчките медиуми, повреден е само пилотот на авионот, а причините за несреќата засега се непознати. (MИА)

Две жртви при уривање на мал авион во Русија

Ивона Петрова — Sat, 16 Jun 2018 14:34:49 +0000

Приватен авион од типот Јак-52 се урна на Алтајска територија, соопшти извор од службата за вонредни ситуации за руските медиуми. - Според прелиминарните податоци, во авионот имало двајца пилоти и двајцата загинале, навел изворот. Тој прецизирал дека авионот се урнал додека слетувал, а на земјата нема повредени луѓе ниту причинета материјална штета.