Мал битолски Монмартр – Kurir.mk

Коњановски: Општина Битола ќе ги исплати трошоците за малиот битолски Монмартр до крајот на оваа година

Дарко Андоновски — Wed, 24 Aug 2022 10:49:42 +0000

Општина Битола ќе ги исплати трошоците на малиот битолски Монмартр до крајот на оваа година, ова денеска преку статус на Фејсбук го објавија од општината Битола. „По објавата на „Апелот за спас на Малиот Битолски Монмартр“ на социјалните мрежи, во кој се вели дека Министерството за образование и наука ги укинува средствата наменети за оваа институција, општина Битола и Советот на општината, застануват зад делото на Коста Хаџиантоновски, творецот на најголемата и најзначајна детска ликовна колонија кај нас и во светот, која 41 година е македонски бренд во светот. Со ребалансот на буџетот, до крајот на оваа година, ќе бидат одвоени средства за исплата на плата на едно лице (технички секретар) и трошоците за струја, со што ќе продолжи функционалноста на оваа институција. Детското ликовно студио „Свети Кирил и Методиј", веќе 41 година е организатор на најстарата светска детска ликовна колонија „Мал Битолски Монмартр“. Во изминатите децении, илјадници детски цртежи од оваа колонија создадени од рацете на малите ликовни уметници, ги красат ѕидовите на престижни институции во државата, а секој мај, Битола е исполнета со џагорот на децата – ликовни уметници од целиот свет“, стои во нивниот пост на Фејсбук.

Откако МОН ги укина средствата: Општина Битола ќе ги исплати трошоците на „Мал Битолски Монмартр“

Ивана Ефремовски — Tue, 23 Aug 2022 17:06:12 +0000

По објавата на „Апелот за спас на Малиот Битолски Монмартр“ на социјалните мрежи, во кој се вели дека Министерството за образование и наука ги укинува средствата наменети за оваа институција, општина Битола и Советот на општината, застануват зад делото на Коста Хаџиантоновски, творецот на најголемата и најзначајна детска ликовна колонија кај нас и во светот, која 41 година е македонски бренд во светот.

Со ребалансот на буџетот, до крајот на оваа година, ќе бидат одвоени средства за исплата на плата на едно лице (технички секретар) и трошоците за струја, со што ќе продолжи функционалноста на оваа институција.

Детското ликовно студио „Свети Кирил и Методиј", веќе 41 година е организатор на најстарата светска детска ликовна колонија „Мал Битолски Монмартр“. Низ изминатите децении, илјадници детски цртежи од оваа колонија ги красат ѕидовите на престижни институции во државата, а секој мај, Битола е исполнета со џагорот на децата – ликовни уметници од целиот свет.

„Тоше има само ден на раѓање“ – „Мал битолски Монмартр“ продолжи со традицијата на одбележување на роденденот на Тоше Проески

Магдалена Андонова — Mon, 25 Jan 2021 14:05:45 +0000

Детското ликовно студио „Св.Кирил и Методиј“ – Битола, организатор и домаќин на меѓународната ликовна колонија „Мал битолски Монмартр“ продолжи со традицијата на одбележување на роденденот на Тоше Проески. И оваа година велиме – Тоше има само ден на раѓање!, посочија од „Мал битолски Монмартр“. – Според востановената традиција, токму на 25 јануари доделуваме награди за членови на детското ликоодвно студио „Св.Кирил и Методиј“, кои на наша адреса пристигнуваат од сите страни на светот, но, овој настан го одложивме, превентивно заради пандемијата. Затоа, пак, пред националната галерија ги слушаме и пееме песните на Тоше, и жалиме за големата загуба, кусо информираа од „Мал битолски Монмартр“. Инаку, во овој период од годината во Битола преку Пошта пристигнуваат пратки со колекции од ликовни цртежи за претстојната меѓународна ликовна колонија. – Заклучно со денешниот ден пристигнаа околу 1.000 цртежи на млади ликовни уметници од Хонг Конг, Словенија, Хрватска, Србија, Босна и Херцеговина, Бугарија и од Турција, а во најава се и други колекции затоа што рокот за учество на меѓународната детска ликовна колонија завршува на 20 февруари, потврдија од Детското ликовно студио „Св.Кирил и Методиј“ – Битола. (МИА)