мал фудбал – Kurir.mk

Пуштено во употреба игралиштето за мал фудбал во Кадино

Ивана Ефремовски — Thu, 07 Sep 2023 08:25:26 +0000

Со одигран спортски натпревар пуштено во употреба фудбалското игралиште за мал фудбал во Кадино, каде Општина Илинден изврши комплетна реконструкција. На фудбалското игралиште целосно е поставена нова вештачка трева, поставено е ново лед осветлување, променета е заштитната ограда, поставени нови голови, клупи, корпи за отпадоци, партерно уреден простор, такашто ова фудбалско игралиште доби комплетно нов лик. Со реконструкцијата на ова фудбалско игралиште жителите од Кадино добија комплетно убаво уреден простор каде младите ќе можат да го поминуваат слободното време во спорт и рекреација. Покрај игралиштето во Кадино во наредниот период Општината ќе продолжи со изградба на нови и реконструкција на постоечките спортски терени и во останатите населени места, со цел да се добие уреден простор, но и безбеден за рекреација и забава на жителите во Општина Илинден .

Заврши Турнирот во мал фудбал 8-ми Септевмри во Маџари, Триангла – Гази Баба за 2022 година

Дарко Андоновски — Tue, 27 Sep 2022 13:10:03 +0000

Заврши Турнирот во мал фудбал 8ми Септевмри во Маџари, Триангла – Гази Баба, Скопје за 2022 година. Турнирот траеше 45 денови, а учествуваа 50 екипи, со 600 натпреварувачи. Беа одиграни 158 натпревари на кои беа постигнати 811 голови. Финалето се одигра на 24.09.2022 година на игралиштето со вештачка трева во Маџари. Присутни беа над 3000 гледачи. Во спектакуларна атмофера со вклучена пиротехника. Химната беше во изведба на македонската естрадна пеачка Бојана Скендеровски. Најдобрите за 2022 година - 1 место - СОС ВИТА Здружение - 200 000 денари 2 место - Гостилница кај Џек – 90 000 денари 3 место - ИСО ПРОМ 2016 - 40 000 денари Најдобар играч на турнирот - Јакуп Рамадани 5 000 денари ваучер од Мултимоб Најдобар голман на турнирот - Мирко Соколов 5 000 денари ваучер од Мултимоб За секоја екипа имаше пехари и медали обезбедени од Астра Казино. Беа поделени 20 ваучери гратис технички преглед во Цертус ЦРЦ, за најдобрите 20 играчи во елиминациона фаза, 100 ваучери со 30% попуст на технички преглед исто така во Цертус ЦРЦ, 100 ваучери со 20% попуст на цела галантерија во мобиларата Мултимоб. Исто така беше поделен комплет дресови Хумел за една од екипите, а во текот на турнирот беа поделени маички и капи на помладите изработени од страна на 3С - МОДА од Маџари. За времетраењето на турнирот, натпреварувачите се разладуваа со ЛАДНА вода. Турнирот беше медиумски покриен од Спортско радио 90,3 како и од електронскиот медиум Курир. Здружение Солидарност М во соработка со здружението СОС ВИТА ја промовираат хуманоста, меѓусебното почитување и пријателството преку спортот, при што на денот на финалето беше подарено медицинско помагало. Оваа година особена поддршка беше дадена од Градоначалникот на Гази Баба – Бобан Стефковски, а помагатели беа Град Скопје, ЈКП Гази Баба, Црвен Крст Гази Баба, ПС ОН Гази Баба, Цертус ЦРЦ, Астра Казино, Ладна вода, ДИГИКОМ, Мултимоб, Евротип, Алекс Стојановски, КОЛАЈНС, Магари, М4М Инкропорејшн, Трак Партнер, Бормарк, Паркет Паркет, Чип Такси, Гостилница Софра, Компанија Атанасовски, Енергомонт, Мега Лифтови, Лоба, ЛОТО, КС Сервис, ЈК Травел, Два Брата Градители, Балкан Градба, Јакимовска, Нуне Брадерс, Клуб 77, Агенција за млади и спорт – европска недела на спортот, 3С МОДА и други, за што од организаторите беа доделени благодарници.

Турнир во мал фудбал во Кавадарци во чест на 7-ми Мај – Денот на македонската полиција

Тале Кристо — Wed, 04 May 2022 10:25:52 +0000

Во чест на овогодинешното одбележување на 7-ми мај – Денот на македонската полиција, ОВР Кавадарци спроведе превентивна активност под мотото „Полицијата и учениците се дружат“. Денеска (04.05.2022) од 10.00-12.00 часот на спортското игралиште во гимназијата „Добри Даскалов“ во Кавадарци се одржа турнир во мал фудбал со екипи од трите средни училишта и една екипа од младите полициски службеници при Полициската станица Кавадарци, а на која беа доделени дипломи и пехари на најдобрите. Бидејќи Кавадарци може да се пофали со спорт и спортски клубови, а ОВР Кавадарци е во постојана соработка со Сојузот на спортови на Кавадарци, како и со Сојуз на училишни спортови во Кавадарци и локалната самоуправа, преку денешниов турнир во мал фудбал под мотото „Полицијата и учениците се дружат“, ОВР Кавадарци имаат за цел да ја потврдат уште еднаш таквата соработка помеѓу сите овие субјекти со што ќе се подобри и комуникацијата и соработката со полицијата со цел превенирање на насилство помеѓу учениците во училиштата на какви било јавни собири и на спортски натпревари.

Заврши традиционалниот турнир во мал фудбал (футсал) „8-ми септември” – Маџари-Триангла за 2021 година

Дарко Андоновски — Fri, 01 Oct 2021 14:53:12 +0000

Заврши традиционалниот турнир во мал фудбал (футсал) “8-ми Септември” – Маџари- Триангла за 2021 година, кој се оддржа во време траење од еден месец и тоа од 08.08.2021 година до 25.09.2021 година. Местото на одржување на Традиционалнен турнир во мал фудбал (футсал) “8-ми Септември” – Маџари- Триангла за 2021 година беше игралиштето на вештачка трева на ул Модест Мусоргски, во дворот на градинката Детелинка во Маџари, Триангла, Гази Баба, Скопје. На Турнирот се одиграа 222 натпревари во 43 дена, а беа постигнати 1.168 голови. Прво место на Турнирот освои екипата на СОС ВИТА Здружение на инвалиди. Второ место на Турнирот освои екипата на КФ Шкендија. Трето место на Турнирот освои екипата на Буларт Констракшн. Четврто место на Турнирот освои екипата на Мобиленд. На турнирот за најдобар играч беше прогласен Халим Селаманај од СОС Вита, додека за најдобар голман беше прогласен Иван Стојановски од КФ Шкендија. На турнирот правдата ја делеа судиите Владимир Кипријановски и Симеон Стефков. Феноменалното финале на ден 25.09.2021 година беше уште еден доказ дека турнирот во мал фудбал „8-ми Септември“ во Маџари – Триангла е најдобриот турнир што се организира во Скопје и Македонија. Огромниот број на посетители низ текот на целиот турнир, професионалноста на екипите и големите награди покажаа дека овој турнир покрај традицијата, претставува и симбол на солидарност, дружење и меѓусебно почитување. Пред сè, организаторот изрази и голема благодарност за главниот покровител Град Скопје и Општина Гази Баба кои што со нивната помош овој турнир го достигна врвот во организација и натпреварување, нешто што досега не се случило во нашиот главен град. Организаторот изрази и благодарност и до сите помагатели и спонзори што најдоа начин и можност да ни помогнат во логистиката се да биде на врвно ниво, а исто така и до Црвен Крст на Гази Баба што секогаш беа тука да помогнат и интервенираат во случај на мали повреди и незгоди кај играчите. Помагатели на Турнирот: ЈКП Гази Баба, 90,3 , Mozzart, ЦРЦ Цертус, Астра Казино, COLINES, Magari enterprisec, Viza transport, Hype., Cheap Taxi, Паркет Паркет, Агенција за млади и спрот, BE ACTIVE, Европска недела на младите, multimob, law office Jakimovska, Вардар Градба, Енергомонт, Truck Partner, Дигиком, SANIK, Изворска, Zegin, Спортска Мрежа, Гостилница Дома, Гостилница Софра Хиподром, Компанија Атанасовски и други. Тие испратија и искрени честитки и пофалби до сите ученици што се пријавија да учествуваа за придонесот и организацијата на турнирот „8-ми Септември“ , со што се покажува и докажува дека е најдобрата манифестација во мал фудбал што некогаш се одржала во државата. Организацијата на Турнирот продожува и следната година, која ќе биде уште поголем спектакл имајќи предвид дека е јубилејна 15-та година по ред во одржување на турнирот во мал фудбал „8-ми Септември“ во Маџари – Триангла!

Јубилејно 30. издание на турнирот во мал фудбал „Јосифовско лето“

Тале Кристо — Mon, 12 Jul 2021 19:17:07 +0000

Традиционалниот турнир во мал фудбал „Јосифовско лето 2021“ годинава ќе се одржи по јубилеен 30. пат, а пријавувањето на учесниците е во тек, објавија организаторите. Традиционалниот турнир започнува на 4 август со вредни парични награди за најуспешните екипи, како и за најдобар стрелец, фудбалер и голман. Предвидени се натпреварувања и во женска и јуниорска конкуренција. Валандовско Јосифово годинава за прв пат има шампионски тим во мал фудбал, откако екипата на КМФ Проект беше најуспешна во Првата македонска футсал лига и во август ќе дебитира во елитното клупско натпреварување на УЕФА.

Скопјанец организирал фудбалски турнир, обвинет за непочитување на здравствените мерки

Ивона Петрова — Thu, 13 Aug 2020 09:37:03 +0000

Основното јавно обвинителство Скопје до Основниот кривичен суд Скопје денеска поднесе предлози за издавање казнени налози против вкупно 17 лица за кривично дело – Непостапување според здравствените прописи за време на епидемија од член 206 став 1 од Кривичниот законик. -Еден од обвинетите постапил спротивно на Одлуката за спроведување мерки на заштита од COVID – 19 при одржување тренинзи на клубовите и одигрување фудбалски натпревари без публика. Обвинетиот организирал и одржал турнир во мал фудбал на игралиште, каде покрај играчите била присутна и публика од околу 100 лица, информираат од Обвинителството. Останатите 16 обвинети не постапиле согласно Одлуката за забрана и посебен режим за движење на територијата на Република Македонија, па за време на тогаш важечки полициски час биле затекнати како се движат на различни локации. За сите обвинети надлежните јавни обвинители предложија парични казни од 100 дневни глоби со поединечна вредност на дневната глоба од 20 евра во денарска противвредност.