Малага – Kurir.mk

И ова е начин да се бориш со управата: Навивачите на Малага направија шоу на аеродром, потпишаа со турист!

Ристе Здравков — Thu, 24 Aug 2023 08:51:00 +0000

Оваа несекојдневна сцена ни ја пружија навивачите на шпанскиот фудбалски клуб. Фудбалскиот клуб Малага ова лето не е претерано активен на фудбалскиот пазар и по тој повод навивачите одбрале специфичен начин да пратат порака до управата. Група од неколку навивачи со транспаренти, лажни дресови и маркери налетала на турист на аеродромот и се правела дека тој е нов играч на нивниот клуб. Веднаш му дал дрес на патникот за да го потпише, додека еден од навивачите глумел дека е обезбедување. Веруваме дека снимката ќе ве воодушеви. Несекојдневен начин навивачите да пратат порака до управата на клубот, тоа мора да им се признае.

Malaga fans were so disappointed at the club not making a Summer signing that they picked a random tourist at the airport to greet as a new playerpic.twitter.com/0by5ny1uBR
— COPA90 (@Copa90) August 22, 2023

Серија мистериозни напади во ноќни клубови: Во Малага пријавени нови 11 случаи на убоди со шприц

Магдалена Андонова — Mon, 08 Aug 2022 13:22:20 +0000

Единаесет нови случаи на убоди со шприцови на јавни места се пријавени изминатиот викенд во шпанската провинција Малага, од кои во девет случаи нападнати се жени а двајца се мажи, пренесе во понеделникот радиото Cadena Ser повикувајќи се на извори. Во петокот шпанскиот министер за внатрешни работи Фернандо Гранде-Марласка изјави дека безбедносните агенции ширум земјата разгледуваат 60 пријави на случаи на инјектирање со шприцови на јавни места. Единаесетте новопријавени случаи се одиграле на локации каде се одвива ноќниот живот во Малага, како дискотеки, барови или концерти. Според сознанијата на Cadena Ser, случаите се пријавени на пет локации во покраината, шест случаи во Марбеља, два во градот Малага и по еден во местата Торемолинос, Беналмадена и Фуенгирола. Како одговор на зголемениот број напади си шприцови на јавни места ширум Шпанија, локалните власти во Малага ангажирале зголемен број припадниците на безбедносните служби и дронови пред почетокот на претстојниот саем во петок во историскиот центар на истоимениот главен град на покраината. Радиото објави дека повеќе од 1.500 припадници на полицијата и седум беспилотни летала ќе се користат за осигурување на безбедноста на учесниците и посетителите на манифестацијата. Во Шпанија од јули сериозен проблем станаа нападите со шприцови на локации на масовни собирања на луѓе. Првите такви случаи беа пријавени во текот на религиозниот фестивал Сан Фермин во Памплона, познат по уличните бркотници со бикови, каде годинава по двегодишната пазува поради пандемијата од коронавирусот допатуваа илјадници луѓе од целиот свет. Каталонската полиција, исто така, истражува серија пријави за напади со инјекции во ноќни клубови во покраината. И повеќе посетители на музичкиот фестивал во градот Сантандер и на дискотеки на Балеарските острови пријавиле дека со шприцови им била инјектирана непозната супстанца. Три девојки биле хоспитализирани во Валенсија, по такви напади.

Болоња, Глазгов, Хамбург и Малага домаќини на Дејвис купот

Тале Кристо — Thu, 17 Mar 2022 16:14:09 +0000

Меѓународната тениска федерација (ИТФ) соопшти денеска дека Болоња, Хамбург, Малага и Глазгов ќе бидат домаќини на групната фаза од Дејвис купот, кој е на програмата од 14 до 18 септември. Како што е соопштено, секој град ќе биде домаќин на една група со по четири репрезентации, а составот на групите ќе биде одреден со жрепка на 31 март. За титулата во Дејвис купот ќе се натпреваруваат Србија, Хрватска, Велика Британија, Германија, Аргентина, Австралија, Белгија, Јужна Кореја, Шпанија, САД, Франција, Италија, Казахстан, Канада, Холандија и Шведска. Специјални покани добија канадската и британската репрезентација, додека Србија е вклучена како замена за бранителот на трофејот Русија, која беше исклучена поради инвазијата на Украина.

Реал нема да се врати во Мадрид поради снежните врнежи

Ивона Петрова — Mon, 11 Jan 2021 07:24:50 +0000

Експедицијата на Реал нема да може да се врати во Мадрид во скоро време поради обилните снежни врнежи во Шпанија. Како што објави „Ас“, клубот е известен дека не е можно враќање на играчите во главниот град со авион. „Кралевите“ остануваат во Памплона по саботниот натпревар против Осасуна (0:0) во рамките на 18. коло во Ла Лига. Во оваа ситуација, раководството на Реал реши веднаш да замине во Малага, каде в четврток ќе се одржи натпреварот од Суперкупот на Шпанија со Атлетик. Поаѓањето се очекува за денес претпладне. Вреди да се одбележи дека поради безбедносните протоколи што ги регулираат постапките на играчите во контекст на пандемијата на коронавирус, фудбалерите беа принудени да не го напуштаат хотелот се до нивното заминување.