маларија – Kurir.mk

СЗО: Милиони деца ќе добијат нова вакцина против маларија до крајот на 2023 година

Ивана Ефремовски — Thu, 08 Dec 2022 14:03:15 +0000

Новата вакцина против маларија RTS, S ќе биде пошироко дистрибуирана од крајот на следната година, со што ќе се заштитат милиони деца во земјите каде што болеста е најраспространета, соопшти денеска Светската здравствена организација (СЗО). Повеќе од 20 земји планираат да ја користат RTS, S, а некои ќе почнат да ја користат следната година, информира Абдисалан Нур од програмата за маларија на СЗО. Некои влади ќе добијат пристап до вакцината со помош на меѓународната алијанса за вакцинација Гави, додаде тој. Според проценките на СЗО, околу 619.000 луѓе починале од маларија ширум светот во 2021 година, нешто помалку од 625.000 претходната година. Случаите на болеста достигнаа 247 милиони, но стапката на пораст е забавена, соопшти СЗО при објавувањето на својот годишен извештај за маларија. Околу 95 проценти од болестите и смртните случаи се регистрирани во Африка. Иако побавното ширење е охрабрувачко, СЗО предупреди дека паразитот што го пренесуваат комарците што ја предизвикува болеста станува сè поотпорен на лекови. Исто така, се шири еден вид комарец кој е отпорен на многу инсектициди. СЗО соопшти и дека комарците делумно се приспособиле на луѓето што користат мрежи против комарци над нивните кревети со напаѓање пред да се стемни и со напаѓање на добиток, наместо луѓе, што е понатамошен загрижувачки развој. Покрај тоа, луѓето често продолжуваат да користат оштетени мрежи за комарци и не се обезбедуваат замени, додаде СЗО. (МИА)

Ковид-19 би можел да доведе до дополнителни 100.000 смртни случаи од маларија

Тале Кристо — Mon, 30 Nov 2020 10:36:50 +0000

Пандемијата на коронавирусот и тешкиот пристап за лекување би можеле оваа година да доведат до дополнителни 100.000 смртни случаи од маларија во подсахарска Африка, проценува Светската здравствена организација (СЗО). Во годинешниот извештај за маларија е наведено дека намалувањето на пристапот за ефикасно лекување од 10 отсто, би можело да доведе до дополнителни 19.000 починати во регионот, а намалување од 50 отсто би значело 100.000 дополнителни смртни случаи до крајот на годинава. Регионалниот директор на СЗО за Африка, Матшидисо Моети изјави дека Ковид-19 се заканува да ги загрози напорите за спречување на маларијата.

Експерти предупредуваат на можен пораст на ХИВ, маларија и други болести за време на корона-кризата

Тале Кристо — Fri, 08 May 2020 15:10:26 +0000

Здравствени експерти предупредуваат дека е можно зголемување на случаите на заразени со ХИВ, маларија и други болести во светот во следните неколку месеци, додека националните влади се преокупирани со борбата против Ковид-19, јави Си Ен Ен. Експертите се загрижени поради заостанувањето во борбата против болести како што се туберколоза и морбили и предупредија на можно зголемување на гладта во светот, бидејќи хуманитарните организации се обидуваат да го урамнотежат одговорот на епидемијата на новиот коронавирус со своите напори во борба против тековните предизвици. – Ако не добиете Ковид-19, но починете од маларија, очигледно не сте во подобра позиција. Не може да се запре со сета работа бидејќи вниманието се префрлило на друго место. Мора да се продолжи, изјави Бил О`Киф, извршен потпретседател за мисија, мобилизација и застапување во католичките служби за помош. Претседателката на Уан кампњата, група која се бори против екстремна сиромаштија и превентивни болести Гејл Смит потенцира дека битката се води на повеќе фронтови и мора да се бараат одговори за сите нив. Таа потсети дека за време на епидемијата на ебола, дошло до пораст на заразените од морбили и маларија. – Нашата заедница е загрижена поради влијанието во земјите кои се борат против мали сипаници, колера, детска парализа, но во исто време мора да се борат и против ширењето на Ковид019, изјави Ноам Унгер, потпретседател за развојна политика, застапување и учење во ИнтерЕкшн, сојуз на меѓународни невладини организации.

СЗО: Поради Ковид-19 двојно би можел да се зголеми бројот на смртни случаи од маларија

Тале Кристо — Sat, 25 Apr 2020 14:00:58 +0000

Поради проблеми со дистрибуцијата на мрежи против комарци и на лекови предизвикани од пандемијата со новиот коронавирус, од маларија годинава би можеле да починат околу 400.000 луѓе повеќе во споредба со минатата година, соопшти Светска здравствена организација. СЗО наведе дека бројот на починати од маларија во Зимбабве бележи раст од речиси 50 проценти во однос на 2019 година. – Голема е веројатноста пациентите заболени од маларија да останат во своите домови наместо да одат во боница, бидејќи се плашат да не се инфицираат со Ковид-19, изјави претставничката на Здружението на лекари за човекови права во Зимбабве, Норман Матара. СЗО по повод Светскиот ден за борба против маларијата соопшти дека бројот на починати од маларија во африканскиот субсахарски регион годинава би можел да се искачи над 770.000, што е речиси двојно во споредба со 2018 година. Маларијата за разлика од новиот коронавирус посебно ги погодува децата. Таа е заразна болест што се добива од каснување на комарец, носител на паразитот „пласмодиум“, што е присутен во тропските краеви.

Почина скопјанец заразен со маларија

Ивана Ефремовски — Wed, 29 Jan 2020 15:55:39 +0000

Триесет и петгодишен скопјанец, кој се заразил со маларија најверојатно на службен пат во Гана, бил примен во крајно тешка здравствена состојба на Универзитетската клиника за инфективни болести во Скопје, по што во текот на вчерашниот ден починал. Ова за МИА го потврдија од Клиниката за инфективни болести од каде посочуваат дека по доаѓањето на Клиниката тој веднаш бил хоспитализиран, болеста му била дијагностицирана, но за жал не можело многу да направи, бидејќи бил во тешка состојба. (МИА)

СЗО: Борбата против маларијата е во застој

Ивона Петрова — Wed, 04 Dec 2019 06:28:54 +0000

Маларијата е болест од која и понатаму секоја година заболуваат милиони луѓе и од чии последици животи губат околу 400.000 луѓе, претежно деца во Африка, најмногу затоа што борбата против инфекцијата е во застој, соопшти Светската здравствена организација. СЗО предупреди дека се собираат средства против таа болест, од која едно дете умира на секои две минути, без пораст и дека половина од светската популација е под ризик да се зарази со маларија. Тие ги повикуваат донаторите земји и влади на државите кои се најпогодени од таа болест предизвикана од комарци да ја засилат својата борба против неа. „Светот покажа дека може да се постигне напредок. Но, напредокот значително забави“, рече експертот на СЗО за маларија Педро Алонсо. Тој ја потврди својата изјава со податоци на СЗО, според кои бројот на заболени од маларија се намали од 239 милиони во 2010 година на 214 милиони во 2015 година. Бројот на смртни случаи се намали од 607.000 во 2010 година на 500.000 во 2019 година.

Двајца мигранти од кампот „Мирал“ во БиХ заболеле од маларија

Ивона Петрова — Tue, 29 Oct 2019 10:11:24 +0000

Во прифатниот центар за мигранти „Мирал“ во велика Кладуша двајца мигранти се заразени со маларија, соопштија официјални претставници во БиХ. -И минатиот месец едно лице беше заразено со маларија, изјави министерката за за здравство на Унско-санскиот кантон Нермија Чемаловиќ. Меѓу мигрантите досега се регситрирани заболени од сида, хепатитис Б и Ц и туберколоза, пренсе дневниот весник Дневни аваз. Чемаловиќ навела дека ресоното минитерсвто секоја недела добива извептај за здравствената состојба на мигрантите од сите прифатни центри на подрачјето на овој кантон – „Мирал“, „Бира“, „Детскиот дом во Боричи“, „Сидра“ и „Вучјак“ . Според неа, заболените мигранти, штом малку заздрават на инфективно одделение, бегаат од болницата, па нивното сдвижење потоа е без надзор од властите. Таа предупредува дека овие лица потоа се сериозна опасност за локалното население.

Експерти: Маларијата може да се искорени до 2050 година

Дарко Андоновски — Mon, 09 Sep 2019 10:54:10 +0000

Маларијата може да се искорени до 2050 година и Светската здравствена организација (СЗО) не треба да бега од таа „цел од епски размери“, велат светските експерти за здравство. Во голем извештај, кој е во спротивност со заклучоците од минатомесечниот извештај на СЗО за маларија, 41 експерт рекоа дека маларијата, една од најстарите и најсмртоносни болести во светот, може да се искорени најрано до 2050 година, пренесува Хина. За да се исполни оваа цел, владите, научниците и лидерите во јавното здравство мора да вложат повеќе пари и иновации во борбата против болеста и комарците што ја пренесуваат, се вели во извештајот, додавајќи дека „потребни се амбиции, посветеност и партнерство како никогаш порано “. – Искоренувањето на маларијата предолго е далечен сон, но сега имаме докази дека може и треба да се искорени до 2050 година, рече Ричард Фикем, директор на Глобал Хелт Груп од Универзитетот во Калифорнија, Сан Франциско, и еден од авторите на анализата, побарана од стручното списание Лансет. Анализата на Лансет е објавена неколку недели откако СЗО го објави својот извештај за маларија и заклучи дека болеста не може да се искорени наскоро и дека поставувањето нереални цели со непознати трошоци и исходи може да доведе само до фрустрација и контрареакции. Во 2017 година, речиси 219 милиони луѓе биле заразени со маларија и скоро 435.000 починале, повеќето од нив бебиња и деца во најсиромашните делови на Африка. За да се искорени до 2050 година, експертите во анализата на Лансет дадоа неколку предлози. Тие велат дека треба попаметно да се користат мрежите за заштита од комарци, лекови и инсектициди треба да се користат попаметно, и дека треба да се развијат нови агенси, како што се вакцини.

СЗО: Маларијата зема замав во Венецуела

Ивона Петрова — Tue, 24 Apr 2018 16:01:06 +0000

Маларија брзо се шири во Венецуела, каде има 406.000 случаи во 2017 година, што е за 69 отсто повеќе отколку претходната година, соопшти Светската здравствена организација (СЗО). Организацијата наведе дека бројот на заразени е за петпати поголем отколку во 2013 година. Мигранти од Венецуела, кои заминуваат од земјата пораки економската и општествена криза, ја пренесуваат болеста во Бразил и други делови на Јужна Америка, соопшти СЗО и побара од властите да обезбедат бесплатно лекување без оглад на статусот, а со цел да се запре натамошно ширење на болеста. - Во Јужна и Северна Америка, не само во Венецуела, имаме извештаи за пораст на болеста, изјави директорот на програмата за борба против глобална маларија при СЗО Педро Алонсо. МИА