Малатија – Kurir.mk

Училиште во Турција ќе го носи името МАКЕДОНИЈА во знак на благодарност за солидарноста по земјотресот

Ристе Здравков — Tue, 05 Sep 2023 12:11:04 +0000

Во турскиот град Малатија, кој беше еден од погодените од катастрофалниот земјотрес во Турција во февруари годинава, ќе биде изградено училиште кое ќе го носи името на нашата држава, а училниците, 32 на број, ќе бидат именувани по македонските градови, информираат од Црвениот крст на РСМ. Училиштето ќе биде изградено со поголемиот дел од средствата кои македонските граѓани ги донираа во хуманитарната акција на Црвениот крст за помош на настраданото население во Турција и Сирија. Турција и Сирија на 6 февруари годинава беа погодени од катастрофален земјотрес во кој загинаа илјадници луѓе, а илјадници други беа повредени и оставени без покрив над главата.

ВИДЕО: Најмалку 23 повредени во земјотресот кој ја стресе Турција

Ивона Петрова — Fri, 11 Aug 2023 06:25:14 +0000

Најмалку 23 лица се повредени во јужна Турција во земјотресот со јачина од 5,2 степени, шест месеци откако катастрофалните земјотреси го погодија истиот турски регион. Центарот за регистрирање земјотреси во Истанбул соопшти дека потресот се случи вчера во 20:47 часот по локално време.

Imágenes del #sismo con epicentro en #Malatya, #Turkey 🇹🇷 M5.5 (USGS M5.3)#earthquake Agosto 10/17:48 UTC Vía @Top_Disaster pic.twitter.com/3IB42Yh9pR
— Geól. Sergio Almazán (@chematierra) August 10, 2023

Неговиот епицентар бил во малиот град Јесилјурт во провинцијата Малатија.

نزول الناس إلى الشوارع في ولاية #ملاطية التركية خوفاً من الهزة الأرضية التي ضربت الولاية قبل قليل #تركيا #زلزال #turkey #earthquake 🚨 pic.twitter.com/m91GeqO4Yd
— طقس_العالم ⚡️ (@Arab_Storms) August 10, 2023

Покраината Малатија беше меѓу тешко оштетените од земјотресот на 6 февруари. Градоначалникот Селахатин Гуеркан изјави дека во Малатија загинале околу 2.300 луѓе. На 6 февруари, два големи и последователни потреси ја разурнаа југоисточна Турција и северна Сирија, при што загинаа повеќе од 50.000 луѓе.

Земјотреси ја потресоа турската област Малатија

Ивона Петрова — Mon, 13 Mar 2023 09:41:04 +0000

Земјотрес со јачина од 4,7 степени е регистриран денеска во југоисточниот турски округ Малатија, соопшти владината Дирекција за управување со катастрофи и вонредни состојби (АФАД). Епицентарот на земјотресот, кој се случи во 4 часот и 34 минути, бил во градот Путурге. Бил на длабочина од 10 километри. Во 5 часот и 13 минути е регистриран уште еден земјотрес со јачина од 4,5 степени. Нема информации за повредени лица или материјална штета. Малатија беше меѓу најтешко погодените области во Турција во разорните земјотреси од 6 февруари.