малинка ристевска јорданова – Kurir.mk

Ристевска Јорданова: Бугарскиот диктат е внесен во целиот преговарачки процес, уставните измени се само дел од целината на бугарски барања

Ивона Петрова — Tue, 30 May 2023 19:48:39 +0000

Во вечерашното гостување во емисијата „24 Отворено“ на Телевизија 24 гостуваше Малинка Ристевска Јорданова. Таа посочи дека уставните измени се само дел од целината на барања од страна на Бугарија и таа апсолутно ќе продолжи и понатаму да блокира. „Уставните измени се само дел од целината на бугарските барања кој не се видоизменети во суштина од 2019-та година. Проблемот е во тоа што Бугарија не го признаа постоењето на македонскиот народ и идентитет и тоа постојано се повторува“, истакна Ристевска Јорданова. „Во тие услови кога тие не го признаваат нашиот идентитет воопшто, а да не зборуваме за правата на Македонците во Бугарија тогаш притисокот за вметнување на Бугарите во Уставот како еден од методите за исполнувања на сите барања не доведува во една постојана позиција на неизвесност бидејќи ние дефинитивно немаме гаранција дека овие барања ќе престанат“, вели Ристевска Јорданова. Ристевска Јорданова е децидна дека Република Бугарија апсолутно ќе продолжи да блокира и понатаму затоа што таа ги има внесено своите барања секаде во процесот. Таа додаде дека и те барања Бугарија ги внесува во преговарачкиот процес и тоа најмногу во кластери темели, а целиот проблем, во целата оваа работа е што бугарскиот диктат е внесен во целиот преговарачки процес.

Ристевска Јорданова: Поставеното европско знаменце на коридорите кое е со цел да се избегне дебатата и филибастерингот од опозицијата не доведува во ситуација воопшто да не разговараме за усогласување со правото на ЕУ

Тале Кристо — Fri, 19 May 2023 17:38:01 +0000

Во вечерашното гостување во Централниот Дневник на Телевизија Сител во „Тема на денот“ гостуваше Малинка Ристевска Јорданова од институтот за европски политики. Во однос на законските измени за коридорите 8 и 10Д кои се во Собранието по скратена постапка, таа посочи дека тие измени под никој случај не смеат да бидат под европско знаменце. „Овие измени под никој случај не можат да бидат под европско знаме затоа што со нив практично не се врши усогласување со правото на ЕУ, напротив дури се оди чекор назад на одредени решенија на одредени закони“, рече Ристевска Јорданова. Таа истакна дека се има една негативна спирала на злоупотреба на европската агенда за чист политички прагментизам. „Не може да стане воопшто тука збор за усогласување со правото на ЕУ, туку за една веќе поставена лоша практика на користење на злоупотреба на знамето на ЕУ за од политички прагментизам да се помогне нешто за да се избегне дебатата и филибастеринг од опозицијата“, кажа Ристевска Јорданова. Таа посочи дека со злоупотребата на ЕУ знаменцето се доведува во прашање и усогласувањето со правото на ЕУ. „Начинот на кој сега се користи тоа ЕУ знаменце не доведува во ситуација не да разговараме со усогласување со правото на ЕУ туку за буквално користење на знаменцето по потреба, а воопшто не станува збор за едно сеопфатно усогласување со правото на Европската Унија“, вели Ристевска Јорданова.

Ристевска Јорданова: Агендата, пропагандата и машинеријата која ја диктира Владата за Уставните измени е чисто политичка и ја злоупотребува стратешката цел за членство во ЕУ

Дарко Андоновски — Tue, 14 Feb 2023 19:30:47 +0000

„Мислам дека денес сме многу по поделени од колку што бевме тогаш и поларизацијата во општеството е на многу по повисоко ниво и таа тлее и тлее и понатаму и поделбите само се зголемуваат и од таа причина не мислам дека денес сме поблиску до ЕУ од кога што бевме порано а тоа можеби беше најниската точна кон нашиот пат кон ЕУ“ изјави Малинка Ристевска Јорданова од институтот за европска политика во вечерашното гостување во емисијата „Топ Тема“ на Телевизија Телма. Таа посочи дека се киднапира процесот со Уставните измени. „Не беше проблемот само во делот на Уставните измени туку во целиот Француски предлог односно сите отстапки што мораше да се направат. Пропагандата и машинеријата на Владата чисто политички ја злоупотребува стратешката цел членство во ЕУ. Во овој момент принципот на свршени чинови така делува. Свршен чин прифативме преговарачка рамка и сега свршен чин Уставни Измени“, децидна е Ристевска Јорданова. Ристевска Јорданова истакна дека ова е агенда која ја диктира Владата во која Уставните измени се преставуваат како последната пречка во процесот, и притоа сите оние кои не се согласуваат со владината пропаганда ги прогласува за државни непријатели и антиеу структури. Таа рече дека кога се споменува борбата на корупција таа се сеќава на изјавите кога претставници од власта велеа прво да се затворат големите прашања и после да се бориме против корупција. „Ова е една безмислена теза која ни се пласира, која не знам како мислат да се оправдаат за лошите резултати воопшто во реформите особено во делот темели. Ние можеме да зборуваме таму за одреден напредок итн. Но во период кога најмногу се фалеа со некаков почеток практично тогаш ние доживеавме во борбата со корупцијата и правосудството најголеми регреси и најголеми враќања назад со именувањата и со новите скандали“, посочи Ристевска Јорданова.