Малме – Kurir.mk

Најмалку тројца приведени по немири во Малме

Тале Кристо — Mon, 04 Sep 2023 13:13:18 +0000

Најмалку три лица се приведени по судирите во делот на шведскиот град Малме каде што се наоѓаат имигранти, до кои дојде откако антиисламскиот активист Салван Момика запали копија од Куранот Полицијата во третиот по големина град во Шведска соопшти дека нејзините припадници биле гаѓани со камења, а десетици автомобили биле запалени. Полицијата ги опиша овие настани, кои почнаа вчера и продолжија во текот на ноќта, како „насилни немири“.

Уапсен тинејџер кој уби едно лице во пукање во трговски центар во Малме

Тале Кристо — Sat, 20 Aug 2022 08:07:55 +0000

Шведската полиција уапси тинејџер осомничен дека вчера убил едно лице, а ранил друго во пукање во трговски центар во Малме. Првично беше соопштено дека во пукањето се повредени две лица, но повредениот маж од здобиените повреди починал, додека жената по инцидентот во Емпора центарот е испратена во болница, соопшти полицијата. „Нема непосредна опасност за граѓаните. Во овој момент се смета дека инцидентот е поврзан со криминалното милје“, се вели во полицискиот извештај. Убиствата во судирите меѓу кланови и банди од неодамна се во пораст во Шведска и стануваат една од главните грижи на гласачите пред претстојните избори. Годинава во Шведска се убиени 44 лица, а речиси сите се поврзани со криминал, соопшти полицијата. Минатата година во Шведска имаше 46 убиства.

ФОТО: Пукање во трговски центар во Малме, полицијата на терен

Ристе Здравков — Fri, 19 Aug 2022 17:40:05 +0000

Две лица се повредени во трговски центар во шведскиот град Малме, а на местото на несреќата излегле неколку полициски патроли. „Од трговскиот центар излегоа расплакани луѓе и рекоа дека слушнале истрели“, рекол еден од очевидците, пренесуваат тамошните медиуми. Портпаролот на полицијата потврди дека имало пукање и дека во трговскиот центар имало голем број вооружени полицајци.

#Breaking: Just in - Reports of a shooting at a shopping center #Emporia #Malmo in #Sweden, at least 2 people shot and 5 people injured. pic.twitter.com/aKqPGOdRrY
— Sotiri Dimpinoudis (@sotiridi) August 19, 2022

ФОТО: Фудбалер на Малме ја пропушти сопствената свадба поради натпревар

Ивона Петрова — Fri, 05 Aug 2022 11:36:43 +0000

Новиот напаѓач на шведскиот прволигаш Малме, Мохамед Буја Туреј, ја пропушти сопствената свадба за да дебитира синоќа за својот нов клуб на натпреварот од квалификациите за Лига Европа против Дуделанж, јавија шведските медиуми. Фудбалерот од Сиера Леоне обелодени дека тој воопшто не се појавил на свадбата, а на церемонијата го претставувал неговиот брат. – На венчавката ме застапуваше мојот брат. Се венчавме на 21 јули во Сиера Леоне, но јас не бев таму, бидејќи Малме ме замоли да дојдам порано, изјави Туреј. Новото засилување на Малме од Сиера Леоне на социјалните мрежи објави фотографии од свдабата, појаснувајќи оти тие биле направени претходно.

🌟🐐🦁🇸🇱 I married my sweetheart, wife and my Best friend today!!! What an amazing human being!!! And What a blessing!!! Mrs SBT💞💍 Suad Baydoun I can’t wait to enjoy life with you together soboti 😃🤦🏾‍♂️. pic.twitter.com/nEw4siV0QF
— Mohamed Buya Turay 🇸🇱 (@turay_buya) July 31, 2022

Пожари и насилство во Шведска по десничарските протести против мигрантите

Ивана Ефремовски — Sun, 17 Apr 2022 12:01:37 +0000

Шведскиот град Малме во текот на ноќта беше место на неколку насилни инциденти по собирите против крајно десничарската организација која најави палење на Куранот, соопшти полицијата. „Во текот на ноќта избувнаа неколку пожари во Малме“, се наведува во соопштението во кое се додава дека се запалени автомобил, автобус и канти за ѓубре, а поднесени се и повеќе пријави за вандализам. Насилството избувна по митингот на антимигрантското и антиисламското движење „Тврда линија“. Движењето го предводи Расмус Палудан, кој е со данско-шведско потекло. Тој во моментов организира собири во Шведска, каде во повеќе градови избија судири меѓу полицијата и демонстрантите. Во Малме, каде демонстрантите ја гаѓаа полицијата со камења, ситуацијата се смири по три часот наутро. Дванаесет полицајци беа повредени во судирите со демонстрантите против Палудан во четвртокот и петокот. (МИА)

Расте бројот на мртви во престрелката во Малме

Даниел Василев — Tue, 19 Jun 2018 14:36:12 +0000

Тројца од шестмината ранети мажи во вооружената пресметка во шведскиот град Малме им подлегнаа на повредите, соопштија властите во Шведска. Полицијата соопшти дека двајца мажи на возраст од 18 и 29 години за време на ноќта им подлегнале на повредите здобиени во пукотниците, а здравствените претставници рекоа дека третиот маж кој бил на возраст од 30-тина години исто така починал. Уште тројца мажи се ранети во пукотниците кои се случија вчера вечер, од кои еден е во потешка здравствена состојба. Очевидци велат дека мажите се ранети додека излегувале од едно интернет-кафе во југоисточниот дел на Малме. Шведските медиуми пишуваат дека пукотниците се слушнале во близина на полициска станица така што полицајците веднаш биле на местото на инцидентот. Полицијата вели дека се уште никој не е уапсен поради поврзаност со пукотниците и оти полицајците се во потрага по едно темно возило. Обвинителството денеска соопшти дека овој инцидент нема „терористички предзнак“. Иако во Шведска стапката на криминал е релативно ниска, сиромашните делови на Стокхолм, Гетеборг и Малме во последните години бележат раст на насилство кои власитите им ги препишуваат на групи поврзани со трговија на дрога и проституција.

Еден убиен и четворица ранети во престрелка во Малме

Ивона Петрова — Tue, 19 Jun 2018 06:12:24 +0000

Едно лице загина, а четири други се ранети синоќа при престрелка во третиот по големина град во Шведска, Малме, соопшти шведската полиција, нагласувајќи дека не станува збор за тероризам. Во соопштението се посочува дека при престрелката биле ранети пет лица, од кои едно, на возраст од 18 години, подоцна в болница им подлегнало на повредите. Според весникот „Афтонбладет“, во престрелката учествувале неколку лица кои непосредно пред инцидентот излегле од едно интернет кафуле во центарот на Малме. На местото на престрелката полицајците пронашле 18 чаури. Најголемиот број од учесниците во престрелката и претходно и биле познати на полицијата како сторители на кривични дела.

Престрелка во Малме, има повредени

Даниел Василев — Mon, 18 Jun 2018 20:10:30 +0000

Во престрелка што се случи во вечерните часови во Малме, трет по големина град во Шведска, четворица беа повредени, соопшти полицијата. Во краткото соопштение не е наведено каква е состојбата на ранетите. - Нема причина за загриженост на јавноста по пукањето во Малме, велат од полицијата, која не соопшти кои биле мотивите за пукањето.