малолетни деца – Kurir.mk

Битолчанец нападнал неколку малолетни деца

Магдалена Андонова — Sun, 17 Jul 2022 15:40:36 +0000

На 16.07.2022 во 09,00 часот СВР Битола, З.Н.(57), М.П.(44), Т.А.(40), В.М.(56) и Д.М.(49) сите од Битола пријавиле дека претходниот ден на 15.07.2022 околу 21.00 часот нивните малолетни деца биле вербално и физички нападнати од Г.М. од Битола. За настанот е известен Јавен обвинител и се превземаат мерки за расчистување на случајот.

Приведени 5 скопјани, со своите малолетни деца питачеле на улици

Магдалена Андонова — Sat, 12 Mar 2022 10:40:23 +0000

Одделенијата за криминалистички работи во единиците за внатрешни работи при СВР Скопје, во содејство со Јавната установа Меѓуопштински центар за социјална работа - Скопје, во текот на изминатата недела преземаа мерки и активности за спречување на „питачење“. Притоа, лишени од слобода биле Л.А.(32), С.М.(24), Ш.К.(30), Џ.С.(30) и И.М.(33), сите од Скопје, кои биле затекнати заедно со своите малолетни деца при питачење на улици, булевари и пред верски објекти на подрачјето на Скопје. Со нив бил извршен службен разговор и по целосното документирање на случајот против нив ќе следат кривични пријави, поради постоење основи на сомнение за сторено кривично дело по чл.201 од Кривичниот законик.

Се степале нивните малолетни деца, а истото го направиле и нивните татковци – еве ги деталите

Дарко Андоновски — Sun, 23 Jan 2022 16:30:30 +0000

На 22.01.2022 во 21.00 часот во ПС Гостивар С.Х. (39) од село Горна Бањица гостиварско пријавил дека околу 19.00 во селото откако се сретнал со М.Д (37) од истото село а поради претходна вербална расправија меѓу нивните малолетни деца, истиот физички го нападнал пријавителот. Се преземаат мерки за расчистување на случајот.

Полицијата протера двајца малолетни Срби кои нелегално влегле во Македонија

Дарко Андоновски — Sun, 10 Oct 2021 10:18:19 +0000

Полициски службеници синоќа половина час по полноќ ги привеле И.Е.(19) и 17-годишник, двајцата од Србија, кај наплатната рампа Градско, на автопатот Гевгелија-Скопје. Министерството за внатрешни работи денеска информираше дека при проверка на возило „Ауди“, со велешки регистарски ознаки, во кое биле двајцата патници, констатирано е дека тие нелегално влегле во државата. -Поднесен е соодветен поднесок од страна на Регионалниот центар за Гранични работи Југ-Кавадарци, а од Основен суд Велес изречена им е глоба и мерка „протерување на странец од територијата на Република Северна Македонија“, по што полициските службеници ги спровеле до Граничниот премин Табановце, се вели во соопштението од МВР.

НОВО СВЕДОШТВО – мајка раскажува за кампот со с*ексуални активности: Мојот син е згрозен од тоа што го видел, имало многу вулгарни игри(АУДИО)

Магдалена Андонова — Fri, 01 Oct 2021 19:00:42 +0000

Голем скандал се обелодени откако средношколци се вратиле дома од извиднички камп организиран во близина на Скопје, насловен како „Есенски бакнежи и прегратки, секс скаутс и рок енд рол“. Потресното сведоштво од родител беше пренесено од СЛОБОДЕН ПЕЧАТ, а истото можете да го слушнете ТУКА. -Требало да глумат секс пози во пар и со „клецање“ да се пукне надуван кондом. „Клецање“ е зборот што го употребиле. Друга точка било да обојат гол дел од телото и да остават отпечаток на хамер. Секој учесник морал да остави различен дел од телото. Отпечатоците биле бодувани – рака 10 поени, нога 10 поени, стомак 15 поени, задник 40, гради 60, машки полов орган 80, женски полов орган 80 бодови. Децата се соблекувале, само во нивната мала група од четири луѓе, си ги боеле половите органи и го оставале отисокот. Таа видела отисоци од машки и женски полов орган, што значи дека се соблекле, го обоиле половиот орган и го ставиле на хамер пред таа мала група малолетни деца, изјави родителот. Според девојчето, кое се обратило до училишниот психолог со писмена изјава, а која родителот ја образложи во аудио разговорот со „Слободен печат“, активностите биле несоодветни, вклучувале соблекување на облеката и прашање колку сексуални партнери имале децата, глумење секс пози, сликање панорамска слика со секс пози до манастир. КУРИР истражуваше од кого е финансиран овој одред, кој дозволил вакви активности? Прв Скопски Извиднички одред е поддржан финансиски од Град Скопје и ХЕРА уште во 2019-та година. Тоа значи дека камп од ваков скандалозен вид, не се одржува прв пат. Зошто никој до сега не реагирал – не е познато. Но, алармот, секако, е веќе вклучен. Само неколку денови по овој скандал, голем број на родители го пријавуваат овој скандалозен камп за сексуална едукација каде имало активности после кои децата побарале психолошка помош. Мајка за Слободен Печат сведочи за овој скандалозен настан кој може да го слушнете ТУКА. -Нас како родители само усно ни беше кажано дека ќе биде акција за сексуална едукација. Но тоа беше се освен едукација. Син ми е згрозен од целиот настан и се што видел како машко, а камоли девојчињата. Имало многу вулгарни зборови, игри, кои не ги оправдувам и првенствено син ми беше иницијатор да пријавиме за да се крене свеста и кај другите деца, да не премолчуваат и да не ја заташкуваат работата, рече меѓу другото мајката во изјавата.

Му исчезнале двете малолетни деца – татко очајно бара помош, еве каде се сомнева дека би можеле да отидат

Дарко Андоновски — Fri, 10 Sep 2021 15:05:42 +0000

На 08.09.2021 во 10.00 часот во СВР Скопје, Ш.С.(38) од Скопје пријавил дека од домот се оддалечиле неговите две деца Р.С.(16) и Р.С.(15), кои според него заминале едното во Прилеп, а другото во Велес. Се преземаат мерки за пронаоѓање на лицата.

Две малолетни деца силувани во Штип и Кочани

Магдалена Андонова — Wed, 25 Nov 2020 15:42:08 +0000

Две малолетнички во Штип и Кочани биле силувани, а случаите ги пријавиле нивни роднини. Според крими билтенот на СВР-Штип вчера во 13.20 часот во Полициска станица-Штип, 57 годишна жена од Штип пријавила дека претходниот ден околу 16 часот малолетно лице извршило обљуба врз нејзината малолетна внука. Вториот случај е во Кочани пријавен е вчера во 14.30 часот. -Четирисет и две годишен маж пријавил дека околу 00.30 часот, Х.Н. извршил обљуба врз неговата малолетна ќерка. Се работи на комплетирање на случајот по што против Х.Н. ќе биде поднесена соодветна пријава, се вели во соопштението на СВР-Штип. (МИА)

Влегувале во градинка во Охрид, па си јаделе од храната од кујната – уапсени тројца малолетници

Магдалена Андонова — Mon, 09 Nov 2020 14:28:54 +0000

Непоканети гости, повеќе од две недели, влегувале во детската градинка „Росица“ во Охрид. Земале од храната во кујната, готвеле јадење, а празните чинии и останатиот прибор го оставале во занималните, каде што престојуваат децата. Вработените за Алсат раскажале каква била сликата во градинката секое утро. „Секое утро кога доаѓаме, наоѓаме отворени прозори, отворени врати, потоа искористена храна од сите наши занимални. Искористувани некои предмети од кујната, како тенџериња, лажици. Изнесувани надвор од градинката, што за нас е навистина страшно во ова време на пандемија. Нашиот главен страв е што се случува со креветчињата, со масичките, каде нашите деца јадат и спијат и за тоа сме многу загрижени. Многу храна е земено од кујната, како млеко, вареле чоколино, бисквити. Столчињата каде што седевме забележавме дека се изгазени“, вели Венера Јоноска- учителка во градинката за Алсат. Таа рекла дека секое утро градинката била дезинфицирана, а случајот пријавуван во полиција. „Имаме катинари на вратите, но пак наоѓаат начини да влезат. Во две недели беа влезени четири пати“, вели Весна Јорданоска- одговорна на клон Росица. Полицијата ги уапсила викендов. Станува збор за трoјца малолетници од Охрид, кои биле затекнати при вршење кражба во детската градинка. Тие биле повикани во полициска станица каде во присуство на нивните родители и претставници на Центарот за социјални работи, бил извршен разговор. Од градинката велат дека ќе се обидат со сопствени средства да ангажираат чувар или да постават аларм.

19 годишник со Голф удрил две малолетни деца на „Партизанска“ и избегал- еве ги деталите

Дарко Андоновски — Sat, 25 Jul 2020 08:33:47 +0000

На 24.07.2020 во 22.00 часот на крстосница од бул.„Партизански Одреди“ и ул.„Аминта Трети“ во Скопје, патничко возило „фолксваген голф“ со скопски регистарски ознаки, управувано од М.Х.(19) од Скопје, удрил во две деца на возраст од 13 и 12 години, по што го напуштил местото. По незгодата децата биле пренесени во Комплексот клиники „Мајка Тереза“, каде што на 12-годишникот му биле констатирани тешки телесни повреди, а на 13-годишникот телесни повреди. Увид на местото извршила екипа од СВР Скопје. Се работи на расчистување на случајот.

Две лица уапсени во Битола: Полицијата дознала на што ги присилуваат децата

Ивана Ефремовски — Fri, 12 Jul 2019 14:14:49 +0000

На 11 јули во 10:30 часот на улица „Широк сокак” во Битола полициски службеници ги лишиле од слобода И.Р.(37) од Велес и В.Д.(32) од Прилеп поради тоа што биле добиени оперативни сознанија дека присилуваат малолетни лица да вршат продажба на разни предмети во центарот на Битола. По целосно документирање и расчистување на случајот, против нив ќе бидат поднесени соодветни пријави.