малолетници – Kurir.mk

Унгарија им забрани на малолетниците да ја посетат изложбата на „Ворлд прес фото“ поради ЛГБТ содржина

Дарко Андоновски — Wed, 01 Nov 2023 12:52:59 +0000

Унгарската влада им забрани на лицата помлади од 18 години да ја посетат овогодинешната изложба на „Ворлд прес фото“ (“World Press Photo) во Будимпешта, бидејќи со некои од фотографиите се прекршува Законот кој ограничува ЛГБТ содржина. Престижната светска изложба на фотографии, отворена во Националниот музеј на Унгарија, годишно ја гледаат повеќе од четири милиони луѓе од целиот свет. Изложувајќи ги најдобрите дела на фоторепортерите, неговата мисија е визуелно да и ги претстави на публиката важни светски настани. Меѓутоа, поради петте фотографии на филипинската фоторепортерка Хана Рејес Моралес, унгарски пратеник поднесе жалба до Министерството за култура, кое утврдило дека тие го прекршуваат законот со кој се забранува прикажување на ЛГБТ содржини на малолетници. Поради оваа причина, лицата помлади од 18 години не смеат да ја посетат изложбата, дури и со согласност на нивните родители.

Приведени пет малолетници во Скопје поради сомнение за извршени кражби

Катерина Бојаџиева — Sun, 29 Oct 2023 11:10:23 +0000

Полициски службеници од Одделението за криминалистички работи при ЕВР Аеродром и Драчево синоќа лишиле од слобода пет малолетници од Скопје. Како што информираат од МВР, кај нив биле пронајдени и одземени повеќе предмети за кои постои сомнение дека потекнуваат од кривично дело „тешка кражба“, а кај еден од нив бил пронајден и одземен нож. По целосно расчистување и документирање на случајот ќе биде поднесена соодветна пријава.

Малолетници сакале да прегазат полицаец кој им дал знак за запирање

Ивана Ефремовски — Sat, 21 Oct 2023 15:02:03 +0000

На 20.10.2023 во 13:00 часот во с.Желино, тетовско од полициски службеници од СВР Тетово биле лишени од слобода малолетник од с.Копачиндол, тетовско и малолетничка од с.Добарце, тетовско. Приведени се поради тоа што околу 12:00 часот во Тетово со патничко возило „бмв“ без регистарски ознаки, кое го управувало малолетникот, не застанале на даден знак за запирање од полициски службеник и се обиделе да го прегазат. По целосно документирање на случајот ќе следи соодветен поднесок.

Малолетник и тинејџер тепале дете во Чаир, го раниле со остар предмет

Ивана Ефремовски — Fri, 20 Oct 2023 19:30:01 +0000

На 19.10.2023 во Скопје, полициски службеници од Единицата за насилен криминал при СВР Скопје го лишиле од слобода С.Б.(19) од Скопје и, во присуство на родител, извршиле службен разговор со малолетник од Скопје. Тие се сомничат дека на 18.10.2023 околу 15:00 часот пред средно училиште на подрачјето на Чаир физички нападнале друг малолетник од Скопје, при што С.Б. со остар предмет му нанел повреди. С.Б. бил задржан во полициска станица и по целосно документирање на случајот против него ќе биде поднесена соодветна пријава

Слики од глава на девојчиња монтирале на голи тела: Малолетници направиле злоупотреба, се огласи полицијата

Ивана Ефремовски — Thu, 19 Oct 2023 13:30:25 +0000

Полицијата поднесе писмено известување до ОЈО за настанот со злоупотребени фотографии на малолетни девојчиња од страна на деветтоодделенци во Кавадарци, потврди попладнево за МИА портпаролката на СВР Велес, Биљана Ѓаковска. - Ве известуваме дека во врска со случајот, Надворешната канцеларија за криминалистички работи при ОВР Кавадарци поднесе Писмено известување до Основно јавно обвинителство Кавадарци, се вели во писмениот одговор. Настанот со злоупотребени фотографии на малолетни девојчиња од страна на деветтоодделенци во Кавадарци се случил надвор од училиштето, потврдија пред два дена од ДПИ за МИА. - Според информациите кои ги добивме од надлежен просветен инспектор, настанот се случил надвор од училиштето, а на случајот работи Министерството за внатрешни работи по пријава на родителите, се вели во писмениот одговор од Државниот просветен инспекторат. МИА минатиот петок информираше дека шест малолетници од основно училиште се пријавени во кавадаречката полиција, злоупотребиле фотографии од малолетни девојчиња. Тогаш побаравме одговор за ова од портпаролката на СВР Велес, Биљана Ѓаковска. - Ве известуваме дека во ОВР Кавадарци, заедно со нивните родители, повикани се шест малолетници од Кавадарци и со нив бил извршен службен разговор во врска со претходна пријава од родители дека биле злоупотребени лични податоци, односно фотографии од нивните малолетни ќерки. Според пријавеното, фотографии биле преземени од социјални мрежи и на нив биле измонтирани фотографии со недолична содржина, одговори тогаш Ѓаковска. Таа тогаш рече дека се работи на расчистување на случајот, по што ќе бидат поднесени соодветни поднесоци. Родител на едно од девојчињата за МИА рече дека деветтоодделенците правеле монтажи, главите од фотографии преземени од фејсбук на повеќе девојчиња, помлади и постари од нив, ги монтирале со апликација на експлицитни фотографии од голи тела и ги споделувале по групни чатови. (МИА)

Тројца малолетници избегале од СОС Детско Село

Ивана Ефремовски — Tue, 17 Oct 2023 18:19:41 +0000

На 16.10.2023 околу 03:30 часот во СВР Скопје од СОС Детско Село било пријавено дека од установата се оддалечиле нивните штитеници Л.З.(17) и Џ.Д.(16) и М.П. (16). Се преземаат мерки за пронаоѓање на лицата.

Шест малолетници пријавени во полиција во Кавадарци за злоупотреба на фотографии од девојчиња

Тале Кристо — Fri, 13 Oct 2023 20:45:55 +0000

Шест малолетници од основно училиште од Кавадарци се пријавени во полиција, за злоупотреба на фотографии од малолетни девојчиња од истото училиште. За случајот, МИА побара одговор од портпаролката на СВР Велес, Биљана Ѓаковска, која информира дека децата се повикани на разговор во полиција заедно со нивните родители. - Ве известуваме дека во ОВР Кавадарци, заедно со нивните родители, повикани се шест малолетници од Кавадарци и со нив бил извршен службен разговор во врска со претходна пријава од родители дека биле злоупотребени лични податоци, односно фотографии од нивните малолетни ќерки. Според пријавеното, фотографии биле преземени од социјални мрежи и на нив биле измонтирани фотографии со недолична содржина, се вели во писмениот одговор од Ѓаковска, добиен попладнево. Таа рече дека се работи на расчистување на случајот, по што ќе бидат поднесени соодветни поднесоци.

Малолетник нападнат од врсници, насилниците го снимале тепањето

Ивана Ефремовски — Fri, 29 Sep 2023 17:08:53 +0000

На 28.09.2029 во 13:30 часот во Полициската станица Чаир, Ф.И.(41) од Скопје пријавил дека на 25.09.2023 околу 18:00 часот на ул.„Костурска“ во Скопје, неговиот малолетен син бил физички нападнат од повеќе малолетници. Еден од насилниците нападот го снимал со мобилен телефон. Се преземаат мерки за расчистување на случајот.

Нападнале малолетници: Тинејџери и нивните родители на разговор во полициска станица

Ивана Ефремовски — Wed, 27 Sep 2023 17:00:00 +0000

Денеска (27.09.2023) во 10:00 часот во Полициската станица Карпош биле повикани А.З.(18) и уште тројца малолетници, сите од с.Сингелиќ, скопско, поради сомнение дека на 26.09.2023 околу 13:35 часот во двор на средно училиште на подрачјето на Карпош физички нападнале двајца малолетници. Со нив бил извршен службен разговор во присуство на нивните родители, известен е Јавен обвинител и по целосно документирање на случајот ќе следи соодветна кривична пријава.

Меѓу нив и малолетници: 28 мигранти пронајдени во товарно возило

Ивана Ефремовски — Mon, 25 Sep 2023 18:44:07 +0000

Регионалниот центар за гранични работи Југ поднесе кривична пријава против Р.К.(32) од Струмица, поради постоење основи на сомнение за сторено кривично дело „криумчарење мигранти“. На 08.09.2023 на автопатот Гевгелија-Скопје, кај наплатна станица Демир Капија, полициски службеници извршиле контрола на товарно возило „мерцедес спринтер“, управувано од пријавениот, при што пронашле 28 лица мигранти од Сирија, меѓу кои четири малолетници.