малолетник – Kurir.mk

Малолетник нападнат во кругот на скопско училиште

Ивана Ефремовски — Fri, 20 Oct 2023 14:28:42 +0000

На 19.10.2023 во 18:35 часот во СВР Скопје, Н.Ј.(52) од Скопје пријавила дека околу 13:20 часот во кругот на средно училиште на подрачјето на Ѓорче Петров нејзиниот малолетен син бил физички нападнат од едно лице. Се преземаат мерки за расчистување на случајот.

Приведен малолетник во Тетово, се обидел да украде автомобил

Тале Кристо — Tue, 17 Oct 2023 09:09:32 +0000

Вчера (16 октомври) околу 20 часот и 30 минути на улица „133“ во Тетово, полициски службеници на СВР Тетово лишиле од слобода малолетник од Тетово. Тој бил затекнат при обид да одземе патничко моторно возило „фолксваген пасат“ со скопски регистарски ознаки, при што оштетил и друго возило со тетовски ознаки, паркирано во близина. Подоцна, кај малолетникот било пронајдено патничкото возило „опел астра“ со тетовски ознаки, кое вчера (16 октомври) беше пријавено за одземено на улица „Борис Кидрич“ во Тетово. Пронајденото возило му е вратено на сопственикот М.И.(63) од Тетово, а малолетникот е задржан во Полициската станица Тетово. Инаку, претходно во 13 часот и 35 минути малолетникот бил пријавен од неговата 44-годишна мајка дека се оддалечил од дома.

Малолетник нападнат од соученик и неговата мајка

Ивана Ефремовски — Mon, 16 Oct 2023 19:17:18 +0000

На 15.10.2023 во 14:30 часот во СВР Скопје, Д.В.(39) од Скопје пријавил дека на 14.10.2023 околу 18:30 часот на подрачјето на Кисела Вода неговиот малолетен син бил физички нападнат од негов соученик и од неговата мајка А.Ј. Се преземаат мерки за расчистување на случајот.

МВР со детали за несреќата во која загина малолетник кај Пластичарска: Го удрил со автомобилот и побегнал – уапсен 21-годишен скопјанец

Катерина Бојаџиева — Thu, 12 Oct 2023 18:25:35 +0000

Во 16.47 ч. на бул.„Никола Карев“ во Скопје патничко возило „Мерцедес“ удрило во малолетник, по што возилото го напуштило местото на настанот. Малолетникот е пренесен во УЦ-Скопје, каде била констатирана смрт. По кратко време, полициски службеници го пронашле возилото и возачот З.Ш. (21), кој е приведен, велат од МВР за Курир.

Автомобил удрил во малолетник кај Пластичарска: Момчето го загубило животот, а возачот избегал

Тале Кристо — Thu, 12 Oct 2023 17:57:18 +0000

Попладнево околу 17:00 часот на бул.„Никола Карев“ во Скопје автомобил удрил во малолетник и го напуштил местото на несреќата. Момчето било пренесено во Ургентен Центар - Скопје, каде била констаирана смрт. Како што дознава Курир од извори во МВР, уапсен е З.Ш (21) од Скопје кој се сомничи за предизвиканата несреќа со смртни последици. На местото на несреќата кај пластичарска и во моментов има полициски возила и припадници на МВР, а трагите од крв сведочат за крвавата несреќа во која животот го загуби малолетник.

Малолетник тешко повреден откако паднал од мотор

Ивона Петрова — Tue, 10 Oct 2023 10:46:07 +0000

На 09.10.2023 во 19.30 часот во СВР Битола било пријавено дека на патот Новаци-Добрушево, во с.Дедебалци, општина Могила, малолетник од с.Дедебалци, управувајќи мотоцикл без регистарски ознаки, изгубил контрола и паднал на коловозот, информира МВР. Во несреќата, малолетникот се здобил со тешки телесни повреди констатирани во Клиничка болница Битола. Увидот на местото извршила увидна екипа на СВР Битола.

Седумнаесет годишник со аутизам бил врзуван во психијатриската болница во Демир Хисар и има рани, обвинува мајката

Ивона Петрова — Mon, 02 Oct 2023 13:57:12 +0000

Салка Абдуловска, мајка на 17-годишно момче со аутузам, се жали дека нејзиниот син бил врзуван во Психијатриската болница во Демир Хисар и дека од тоа има рани на рацете и нозете. Таа низ солзи кажува дека пред еден месец, поради агресивното однесување на момчето побарале помош од здравствената установа да го опсервираат, а кога вечера го зеле дома имал рани по телото. „Го однесовме таму пред еден месец за да го опсервираат и да му се погоди терапијата, зашто навистина беше агресивен и не можевме да фунцкинираме. Детето е со аутизам. Што да правиме, баравме спас. Го однесовме во Психијатриската болница во Демир Хисар. Таму го држеле врзан. Сега е со рани на телото. Вчера го зедовме дома, не може да стои на нозе. Дали е тоа метод? Има рани на рацете, на нозете. Што да правиме за понатаму? Кому да се обратиме? Од сите инстутуции бараме спас. Никој не слуша. Не е само тој, има многу деца како моето. Вака не се смирува дете, ова е насилство“, вели Абдуловска за САКАМДАКАЖАМ.МК. Од Психијатриската болница во Демир Хисар за СКД.мк изјавија дека пациентот е лекуван во таа установа во текот на изминатиот месец. „Станува збор за лице со нарушување од аутистичен спектар во изразито влошена состојба. Претходно бил одбиен за третман од повеќе установи. Актуелниот прием е реализиран на упорно инсистирање на родителите, иако притоа беа запознаени со условите во установата и дека не станува збор за соодветна институција за негов третман. Лекувањето е согласно медицина базирана на докази и во текот на третманот се бележеа одредени ситуации за кои е неопходно физичко ограничување. Истите се изведуваа согласно протоколите. Тоа се ситуации кои се поврзани со ризично однесување во смисла на автодеструктивност или агресивност кон другите. Родителите во текот на целиот третман беа навремено и редовно известувани за неговата состојба“, велат од Психијатриската болница во Демир Хисар за САКАМДАКАЖАМ.МК. Одговарајќи на новинарско прашање денеска министерот за здравство Фатмир Меџити рече дека детето со аутизам било лекувано според сите протоколи што ги даваат експертите по психијатрија.

Малолетник нападнат од врсници, насилниците го снимале тепањето

Ивана Ефремовски — Fri, 29 Sep 2023 17:08:53 +0000

На 28.09.2029 во 13:30 часот во Полициската станица Чаир, Ф.И.(41) од Скопје пријавил дека на 25.09.2023 околу 18:00 часот на ул.„Костурска“ во Скопје, неговиот малолетен син бил физички нападнат од повеќе малолетници. Еден од насилниците нападот го снимал со мобилен телефон. Се преземаат мерки за расчистување на случајот.

Малолетник нападнат во Центар

Ивана Ефремовски — Tue, 26 Sep 2023 17:20:31 +0000

На 25.09.2023 во 16:00 часот во СВР Скопје, И.М.(49) од Скопје пријавил дека околу 12:40 часот во близина на средно училиште на подрачјето на Центар, по претходно недоразбирање, неговиот малолетен син бил физички нападнат од едно лице. Се преземаат мерки за расчистување на случајот.

Малолетник нападнат во близина на училиште

Ивана Ефремовски — Tue, 26 Sep 2023 16:27:31 +0000

На 25.09.2023 во 16:45 часот во СВР Скопје, А.А.(35) од Скопје пријавила дека во кругот на основно училиште на подрачјето на Аеродром нејзиниот малолетен син бил физички нападнат од друг малолетник.

Се преземаат мерки за расчистување на случајот.