малолетно дете – Kurir.mk

ВОЗ ВО НИШ УДРИЛ ВО МЛАДО МОМЧЕ: Малолетникот носел слушалки и не го слушнал возот

Магдалена Андонова — Tue, 08 Nov 2022 09:27:04 +0000

Воз удри 15-годишно момче од Ниш на шините во улицата Димитрија Туцовиќа. - Во Ургентниот центар на Универзитетскиот клинички центар (УКЦ) е донесен малолетник со стабилни витални параметри. Повредениот млад човек е свесен и комуникативен, соопшти УКЦ. Оттаму додаваат дека повредениот млад човек е испратен на скенер за понатамошна дијагностика. Според неофицијални информации, оваа несреќа се случила бидејќи младиот човек имал слушалки и не го слушнал возот. Полициското одделение во Ниш се уште не соопштува детали за оваа тешка сообраќајна несреќа,пренесуваат српските медиуми.

Приведена млада скопјанка, со своето малолетно дете питачела на булевар

Магдалена Андонова — Sat, 30 Apr 2022 10:17:43 +0000

Одделенијата за криминалистички работи во единиците за внатрешни работи при СВР Скопје, во содејство со Меѓуопштински центар за социјална работа - Скопје, во текот на изминатата недела преземаа мерки и активности за спречување на „питачење“ на најпогодените подрачја - ЕВР Центар и Бит Пазар, ЕВР Карпош, ЕВР Гази Баба, ЕВР Ѓорче Петров, ЕВР Чаир и ЕВР Аеродром и Драчево. Притоа, лишена од слобода била Е.С.(30) од Скопје, која била затекната со своето малолетно дете како питачи на булевар на подрачјето на Центар. По целосно документирање на случајот против неа ќе биде поднесена кривична пријава, поради постоење основи на сомнение за сторено кривично дело по чл.201 од Кривичниот законик.

По убиството во Кавадарци, мајка со малолетно дете го напуштила градот

Магдалена Андонова — Tue, 16 Nov 2021 16:39:10 +0000

По убиството во Кавадарци за кое 45-годишен кавадарчанец доби 30 дневен притвор за убиство на 59-годишен сограѓанин,во јавноста излегоа информации дека расправијата на повеќе луѓе била околу старателство врз дете од вонбрачна заедница. Од Центарот за социјални работи информираат за МИА дека ја контактирале мајката на детето Е.Р. која ги известила оти по сознанието за настанот што се случил, уште истата вечер, заедно со малолетното дете ја напуштила територијата на Општина Кавадарци и се наоѓа на друга територија каде се чувствувала безбедно. – ЦСР Кавадараци ќе преземе мерки согласно Законот за семејството, a кои се во интерес на правата на детето, посочуваат за МИА од Министерството за труд и социјална политика. Според МВР, денеска околу 04:30 часот во Кавадарци, полициски службеници од Полициската станица Кавадарци го лишиле од слобода Х.С.(45) од Кавадарци. Тој се сомничи дека околу 23:30 часот, при физичка пресметка помеѓу повеќе лица на ул.„Методија Џунов“ во „Брушанско Маало“ во Кавадарци, при што биле употребени остри и тврди предмети, со остар предмет му нанел убодна рана на З.П.(59)од Кавадарци, кој подоцна починал во болницата во Кавадарци. Во врска со настанот во Полициската станица Кавадарци досега бил извршен разговор со С.А.(37), А.А.(63), А.М.(42) и Џ.Х.(19), сите од Кавадарци. Се преземаат мерки за расчистување на случајот. (МИА)

СКОПЈЕ: Уапсена мајка за запуштање и малтретирање на малолетно девојче

Ивона Петрова — Sun, 17 Jan 2021 12:42:47 +0000

Полициски службеници од Единицата за внатрешни работи Карпош, пред два дена по претходно добиени сознанија и со наредба од истражен судија, а во присуство на претставници од Првата детска амбасада „Меѓаши“ и од Меѓуопштинскиот центар за социјална работа Скопје, влегле во домот на Н.К. на подрачјето на Карпош, каде што биле затекнати Н.К.(44) и нејзината 16-годишна ќерка. Притоа било констатирано дека малолетничката била подолго време заклучувана во домот и не добивала соодветна нега од родителот. -На малолетничката веднаш ѝ е пружена соодветна помош и истата е сместена во здравствена установа, каде што е згрижена, а по службена должност ќе ѝ биде определен старател. Н.К. е приведена во полициска станица, а на 16.01.2021 е пренесена во психијатриска установа „Бардовци“, каде е задржана до понатамошна постапка, информира МВР. Сите преземени мерки се извршени со судска наредба, а за настанот е известен надлежен Јавен обвинител. Против Н.К. првично ќе биде поднесена кривична пријава по чл.140 став 5 и по чл.201 од Кривичниот законик, а се преземаат и дополнителни мерки и активности.

Возрасен маж извршил обљуба врз малолетно дете

Магдалена Андонова — Mon, 19 Oct 2020 15:20:27 +0000

Силувано дете во Куманово, а делото го пријавил таткото на жртвата. „На 17.10.2020 во СВР Куманово, 43 годишен жител од Куманово пријавил дека машко лице извршило обљуба врз неговото малолетно дете“ информираат од полиција. Известен е јавен обвинител и се преземаат мерки за расчистување на случајот.