малолетно девојче – Kurir.mk

Маж фотографирал малолетничка во автобус и се допирал по гениталиите

Ивона Петрова — Thu, 12 Oct 2023 09:40:19 +0000

Фотографија на маж за кој се вели дека во автобус вчеравечер фотографирал малолетничка и се допирал по гениталиите, кружи на социјалните мрежи. -Таа ми јави вознемирено за да ми каже. И реков слободно и таа да го слика (алал да и е, одлично го сликнала) и да му каже да ги избрише сликите. Тој рекол дека ја слика затоа што била убава. Се фаќал за гениталии, се масирал... забележале и другите во автобусот почнале да реагираат. Веднаш, тој се симнал на истата станица со неа. За 3 минути на истата станица стигнав и јас за да ја земам ќерка ми, тој беше се уште таму, стои во дел од објавата на мајката на Фејсбук. Од МВР за Курир велат дека вчеравечер во 20.30 часот во полициската станица Карпош добиле пријава за ваков настан. -М.М.А.(42) од Скопје пријавила дека на 11.10.2023 околу 19.10 часот, додека нејзината малолетна ќерка се возела во градски автобус бр.24 од Градежен факултет кон ТЦ Лептокарија, едно лице ја фотографирало и се допирало по гениталиите, велат од МВР. Од Министерството посочуваат дека за случајот е известен и јавен обвинител и се преземаат мерки за расчистување.

Малолетничка на плоштадот Скендербег повредена со остар предмет

Магдалена Андонова — Sun, 14 Aug 2022 15:12:23 +0000

Денеска во 02.50 часот во Полициска станица Бит Пазар, Б.Ш. пријавила дека нејзината малолетна ќерка била повредена на плоштадот Скендербег. - Б.Ш. од Скопје пријавила дека на 13.08.2022 околу 23.00 часот на плоштад Скендербег, едно лице фрлило со тврд предмет којшто ја погодил нејзината малолетна ќерка, информираат од МВР. Се преземаат мерки за расчистување на случајот.

На малолетно девојче и покажувал делови од телото на Вибер од мобилниот на неговиот татко, па ги фатила мајката на девојчето – еве ги деталите

Дарко Андоновски — Wed, 13 Oct 2021 15:23:44 +0000

СВР Тетово поднесе кривична пријава против Ж.Т.(19) од с.Туденце, општина Јегуновце, поради постоење основи на сомнение за сторено кривично дело „прикажување на порнографски материјал на дете“. На 25.06.2021, мајка на малолетно девојче од Скопје пријавила дека на мобилниот телефон на нејзината ќерка на апликацијата Вибер од машко лице ѝ биле покажувани делови од машко тело. По преземени мерки било откриено дека пријавениот ги испраќал пораките од телефонот на неговиот татко. Пријавениот го признал делото.

Биле во угостителски објект во Маџари, па се скарале – истепано малолетно девојче

Дарко Андоновски — Mon, 11 Oct 2021 15:02:03 +0000

На 10.10.2021 во 22.00 часот во СВР Скопје Е.И.(55) од Скопје пријавила дека на 09.10.2021 околу 23.45 часот нејзината малолетна ќерка била физички нападната од С.С., откако претходно со него, Д.Н., И.Н. и нејзината малолетна другарка биле заедно во угостителски објект во Маџари. Се преземаат мерки за расчистување на случајот.

Обид за обљуба на малолетничка во Скопје

Ивона Петрова — Sun, 15 Nov 2020 15:55:32 +0000

На 14.11.2020 во 20.30 часот во СВР Скопје, 35 годишен жител на Скопје пријавил дека околу 13.30 часот Н.М. во својот дом се обидел да изврши обљуба врз малолетната ќерка на пријавителот, информира МВР. Се преземаат мерки за расчистување на случајот.

Осумдесетгодишен старец извршил обљуба на малолетно девојче во велешко

Тале Кристо — Fri, 16 Oct 2020 17:10:29 +0000

Во СВР Велес синоќа 28-годишна жена од велешко пријавила дека 80 годишен старец од велешко село извршил обљуба врз нејзината малолетна ќерка. Како што информира портпаролот на СВР Велес Верољуб Додевски, се работи на расчистување на случајот и превземање на соодветни санкции за сторителот на делото.

Превидено лице од Тетово кое извршил обљуба врз малолетно девојче

Магдалена Андонова — Thu, 01 Oct 2020 11:04:59 +0000

Тетовската полиција во изминатите 24 часа приведе едно лице по пријава за обљуба. -Вчера 30 септември во СВР Тетово мајка пријавила дека пред околу шест месеци над нејзината малолетна ќерка била извршена обљуба од Б.Р. (25) од Тетово. Пријавениот е лишен од слобода и се преземаат мерки за целосно расчистување и документирање на случајот, соопштија од СВР Тетово.

Притвор за наставник од Гостивар кој во училница бакнал малолетничка

Ивона Петрова — Fri, 31 Jan 2020 10:00:01 +0000

Одделението за внатрешни работи Гостивар-Надворешна канцеларија за криминалистички работи, до Основното јавно обвинителство Гостивар, поднесе кривична пријава против 54-годишниот Х.Р, наставник во основно училиште во гостиварско. -На 29 јануари во периодот од 15.30 до 15.45 часот во училница во училиштето повикал малолетно девојче, ја затворил вратата, го прегрнал и бакнал, информира МВР. Пријавениот Х.Р. е лишен од слобода, по што бил изведен пред судија во претходна постапка на Основниот суд Гостивар, кој му определил мерка притвор од 30 дена.