малолетно лице – Kurir.mk

Уапсен малолетник кој крадел во зградата на Пошта

Магдалена Андонова — Thu, 25 Aug 2022 07:54:23 +0000

На 24.08.2022 во 23.15 часот на ул.„Орце Николов“ во Скопје, полициски службеници од Полициската станица Центар лишиле од слобода малолетник од Скопје. Тој бил затекнат при обид да одземе предмет од управна зграда на Дирекција на „Пошта на Северна Македонија“. Малолетникот бил приведен во полициска станица и по целосно документирање на случајот против него ќе биде поднесена соодветна пријава.

Мајка пријавила дека нејзиниот син бил претепан во Драчево со тврд предмет

Магдалена Андонова — Mon, 21 Mar 2022 16:11:01 +0000

На 20.03.2022 во 16.30 часот во Полициската станица Драчево, С.С.(39) од Скопје пријавила дека на 19.03.2022 околу 21.30 часот на подрачјето на Драчево нејзиниот малолетен син, по претходно недоразбирање, бил физички нападнат со тврд предмет од П.А.(63) од Скопје. Се работи на расчистување на случајот.

Малолетник претепан во Гази Баба – случајот го пријавила неговата мајка

Магдалена Андонова — Tue, 08 Feb 2022 16:06:36 +0000

На 07.02.2022 во 19.45 часот во Полициската станица Гази Баба, В.Д.(51) пријавила дека околу 18.25 часот на подрачјето на Гази Баба нејзиниот малолетен син бил физички нападнат од две лица. Се преземаат мерки за расчистување на случајот.

16 годишник заврши зад решетки – еве што пронашла полицијата кај него

Дарко Андоновски — Wed, 29 Dec 2021 14:43:53 +0000

Јавен обвинител од Основното јавно обвинителство Скопје до судијата за деца при скопскиот Основен кривичен суд достави барање за поведување подготвителна постапка со предлог за определување мерка притвор за дете на возраст од 16 години за кое постои основано сомнение дека ги сторило кривичните дела „неовластено производство и пуштање во промет наркотични дроги, психотропни супстанции и прекурсори“ од член 215 став 3 во врска со став 1, како и „недозволено изработување, држење, посредување и тргување со оружје или распрскувачки материи“ согласно член 396 став 3 во врска со став 1 од Кривичниот законик, соопшти ОЈО Скопје. – На 10 ноември, во гаража на улицата „Бојмија“ во Скопје, заедно со уште две полнолетни лица за кои веќе се води постапка, осомниченото дете држело 149 таблети психотропна супстанција – 3,4 метилен диометамфетамин (МДМА), стимуланс на ценатралниот нервен систем. Во стан на улицата „Венјамин Манчуковски“, пак, кај осомничениот била пронајдена дигитална вага со остатоци од дрога и психотропна супстанција, но и експлозивна материја која на граѓаните им е забранета – околу 200 грама тринитротолуен, велат од скопското обвинителство. Проценувајќи дека доколку му биде дозволено да се брани од слобода осомничениот би можел да се даде во бегство, јавниот обвинител на Судот му предложи да определи притвор за детето во судир со законот.

Приведени 19. годишник и малолетно дете од Србија, полицијата во нивното возило пронашла мигранти

Магдалена Андонова — Sun, 05 Dec 2021 10:00:05 +0000

На 04.12.2021 во 21.30 часот кај наплатна рампа Смоквица, полициски службеници од Полициската станица за граничен надзор и Граничен премин „Богородица“ ги лишиле од слобода Ф.Д.(19), кој управувал патничко возило „опел вектра“, со штипски регистарски ознаки и 16-годишен совозач, двајцата државјани на Р.Србија, бидејќи при контрола во возилото биле пронајдени 9 лица мигранти. Од нив, шест биле кубански, а три индиски државјани. Поради постоење основи на сомневање за сторено кривично дело по чл.418-б од Кривичниот законик, возачот и совозачот биле приведени во полициска станица, за случајот е известен Јавен обвинител од ОЈО за гонење на организиран криминал и корупција и ќе се соочат со законски превидените поднесоци, додека лицата мигранти биле спроведени во Транзитниот центар „Винојуг“ Гевгелија за понатамошна постапка.

Приведен малолетник во Скопје, признал дека извршил кражба

Ивона Петрова — Wed, 28 Jul 2021 08:23:35 +0000

На 27.07.2021 од полициски службеници од Единицата за внатрешни работи Аеродром е приведен 17-годишник од Скопје, кој непосредно пред тоа извршил тешка кражба во продажен објект на подрачјето на Аеродром. -Во координација со Јавен обвинител за малолетници и во присуство на родител со него е извршен разговор, при што тој во целост го признал делото и го појаснил начинот на извршување, информира МВР. По комплетно документирање на случајот против него ќе биде поднесен соодветен поднесок.

Трагедија во Гостивар: Малолетник ја пронашол мајка си почината

Ивона Петрова — Fri, 13 Nov 2020 11:00:28 +0000

Седумнаесетгодишник од Гостивар вчера околу 21 часот, во СВР Тетово пријавил дека во кујната од куќата во која живееле под закуп на улица „ЈНА“ во Гостивар, без знаци на живот ја пронашол неговата мајка Х.И.(45), информира портпаролот на СВР Тетово Марјан Јосифоски. Повикана е Брза помош, Х.И. била пренесена во гостиварската Општа болница „Ферид Мурад“ каде била констатирана смрт. -Увид извршила екипа од Одделението за внатрешни работи Гостивар, a по наредба на Јавен обвинител ќе се врши обдукција. Се преземаат мерки за расчистување на случајот, додава Јосифоски.

Трагедија во кумановско: Во сообраќајка загина малолетник кој управувал мотор

Ивона Петрова — Sun, 02 Aug 2020 08:45:27 +0000

Малолетник го загуби животот во сообраќајна несреќа која вчера вечерта се случила на регионалниот пат Куманово-Свети Николе кај кумановското село Доброшане. Од полицијата информираат дека во несреќатта учествувале моторцикл „јамаха“, управуван од 16- годишен малолетник од с.Доброшане, автомобил „БМВ“ со кумановски регистарски ознаки управуван од М.М.(24) од Куманово, кој првично го напуштил местото на настанот, а потоа сам се пријавил во СВР Куманово и паркирано патничко моторно возило„југо“ со кумановски регистарски ознаки, сопственост на Т.Т. од Куманово. -Во незгодата возачот на моторциклот починал на лице место, а од екипа на итна медицинска помош била констатирана смрт, велат од МВР. Увид на местото на настанот извршиле јавен обвинител и екипа од СВР Куманово.

Обљубена малолетничка од струмичко

Ивона Петрова — Sat, 01 Aug 2020 13:05:10 +0000

На 01.08.2020 во 06.00 часот во СВР Струмица, 40 годишна жителка од струмичко село пријавила дека С.К. (23) извршил обљуба врз нејзината малолетна ќерка, информира МВР. Се преземаат мерки за расчистување на случајот.

Дете тешко повредено во сообраќајна несреќа во Штип

Ивона Петрова — Mon, 17 Feb 2020 09:31:10 +0000

Тринаесет годишно момче од Штип кое управувало мопед „гарели гсп 50“ е тешко повредено во сообраќајна несреќа која се случила вчера на крстосница помеѓу ул.„Драги Крупишки“ и ул.„Кратовска“ во Штип. Од полицијата информираат дека во несреќата учествувале мопедот и „југо корал 55“, со штипски регистарски ознаки, управувано од Р.Ѓ.(24) од с.Долни Балван, општина Карбинци. -Во незгодата малолетникот се здобил со тешки телесни повреди и бил пренесен во Клиничката болница Штип за укажување лекарска помош, информира МВР. За настанот бил запознаен јавен обвинител, а увид на местото на настанот извршила увидна екипа од СВР Штип.