малопродажба – Kurir.mk

Евростат: Малопродажбата во јуни во ЕУ порасна за 5,2 отсто, а во еврозината за 5,7 проценти

Магдалена Андонова — Wed, 05 Aug 2020 12:27:44 +0000

Обемот на трговијата на мало во Европска унија зво јуни забележа раст од 5,2 проценти во споредба со мај, а во еврозоната порастот е за 5,7 отсто, соопшти денеска Евростат. Податоците покажуваат дека обемот на малопродажба во ЕУ и во еврозоната се врати на новото од февруари, кога не беа во сила мерките за затворање на економијата поради пандемијата со Ковид-19. Додека во мај обемот на малопродажбата во еврозоната се зголеми за 20,3 проценти, а во ЕУ за 18,3 отсто. На годишно ниво, малопродажбата и во еврозоната и во ЕУ во јуни 2020 година забележа раст за 1,3 проценти. Најголем раст на промет во еврозоната во јуни е забележана во продажбата на горивата за 20,4 проценти, додека на месечно ниво прометот на непрехранбените производи порасна за 12,1 отсто. Од друга страна, месечниот промет на храната, пијалаците и цигарите се намали за 2,7 проценти. Сличен тренд имаше и во ЕУ, каде продажбата на горивата за автомобилите во јуни порасна за 16,9 проценти во однос на мај, додека прометот на непрехранбени артикли се зголеми за 10,6 отсто, додека храната, пијалаците и цигарите забележаа пад од 2,2 отсто. Најголем месечен пораст на прометот на мало е регистриран во Ирска (21,9 проценти), пооа следат Шпаниај (16,5) и Италија (13,8 отсто), а накјголем пад има во Австрија (2,5) и Германија (1,6 проценти). (MИА)

Рекорден пад на прометот во малопродажниот сектор на САД

Дарко Андоновски — Wed, 15 Apr 2020 15:22:17 +0000

Прометот во малопродажбата во САД забележа рекорден пад минатиот месец, бидејќи обврската за затворање на фирмите поради контрола на ширењето на Ковид-19 ја намали побарувачката за артикли за широка потрошувачка. Министерството за трговија на САД денеска соопшти дека прометот во трговијата на мало се намалил за 8,7 проценти, што е најголем пад од 1992 година, кога е воведен таков показател во евиденцијата. Пометот во малопродажбата во фебруари беше намален за 0,4 отсто. Потрошувачката на населението изнесува повеќе од две-третини од американската економска активност. Економистите очекуваат помал пад на потрошувачката во вториот квартл пред се поради фискалниот пакет за поддршка на економијата и граѓаните во висина од 2,3 билиони долари.

Трговците кои се занимаваат со малопродажба со барања до Владата и надлежните институции

Катерина Бојаџиева — Sun, 29 Mar 2020 10:44:43 +0000

Трговците кои се занимаваат со малопродажба бараат од Владата и наделжните институции да не ги заборават и во пакетот мерки да бидат вклучени и нивните мали бизниси. -Во Македонија од вкупно регистринани фирми, 80% се микро и мали претпријатија. Тоа покажува дека сме значителен дел од економијата на земјата. И владата треба сериозно да размисли. Сите вие, кога се движите по улица каде и да се свртите гледате мали, малопродажни продавници. Тоа е Македонија, тоа сме ние, а од средина на март сите имаме клуч на врата и со овие загуби ни се заканува целосен колапс и отпушрање на повеќе од 20 000 работници, а за голем дел од нас ова е основен и единствен начин на егзистенција, велат трговците и додаваат: „Затоа бараме: -бруто плати, додека траат мерките од страна на владата, да бидат на товар на државата (март, април, мај) ; - да се замрзнат ратите за кредитите во деловните банки како и плаќањето на тековните сметки за електрична енергија, вода итн. ; - субвенционирани не повратни средства ; Сите овие мерки бараме да имаат важност се до престанокот на важноста на мерките предложени од страна на владата“. Исто така, велат тие, сакаме да апелираме до сопствениците на објектите, во знак на солидарност да се откажат од закупнината за овие месеци, бидејќи не работиме и молба до Владата да ги употреби сите мехинизми во вонредна ситуација, преку уредба да им наложи на истите да ги замрзнат или олеснат околностите во однос на плаќањето. Товарот треба сите заеднички да го понесеме.

Загрозен е работниот однос на 3.800 лица: Малопродажбата бара итна средба со Владата за да предложат сет мерки за спас

Ивана Ефремовски — Sun, 22 Mar 2020 11:19:58 +0000

Не е едноставно, клуч на врата, а вработените дома, со ова се соочивме по затворање на моловите од пандемијата предизвикана од COVID-19, велат 17 холдинзи со над 200 продавници и со околу 1700 вработени. Тие бараат итна средба со Министерство за економија и Министерство за финансии за идните итни мерки. -Сите ние, кои сме во малопродажба на брендови, мали и големи, се наоѓаме пред најголемата финансиска криза во нашата историја на постоење. Бараме итна средба со министрите кои се одговрни за финансии и економија да дискутираме за сет мерките кои би се донеле. Со неработењето на продавниците имаме проблеми со ликвидноста, зголемување на корпоративните долгувања, неможноста за исплата на плати и придонеси, неплаќање на јавни и царински давачки, како и неможноста за исплата на камати и кредити. Исто така имаме проблем и за сервисирање на трошоците кон домашните трговски центри и домашни добавувачи на стоки и услуги. Сакаме отворено да дискутираме и на маса да ги изнесеме нашите барања, потенцираат претставниците од 17-те холдинзи. За надминување на моменталната состојба треба да се имплементираат низа економски и финансиски мерки кои треба да овозможат конкретна помош на приватниот сектор. Особено во услови кога примарната дејност и прилив на тековни парични средства е стопирана. Потребно е сите заедно да ги разгледаме проблематиките со кој се соочуваме во малопродажбата на текстил и обувки коишто функционираат долги години и помагаат во економскиот раст и развој на Република Македонија, додаваат претставниците од малопродажба. Само во Скопје егзистираат повеќе од 300 специјализирани продавници на текстилни и спортски модни марки, вклучувајќи ги и модните марки за обувки. Паричните текови реализирани преку малопродажбата ќе изостанат со што се намалуваат и приливите во државните буџети по основ на даноци. Многумина од овие продавници се спречени да ја вршат дејноста, а како резултат на мерките за криза и превенција и директно е загрозен работниот однос на повеќе од 3.800 вработени. Ова барање за итна средба е иницирано од 17-те холдинзи, Фешн Груп, ЦМ Делта, Сорт М, Спорт Висион, Катер КМ, Пеко, Нептун, Нени-Компани, Мега Спорт, Матекс, Магнетик, Кристиана, Котон, Квазар Петар, Делта Спорт, Мај Тајм, Божиновски.

Paket.mk – Нов играч во онлајн малопродажбата на македонскиот пазар

Super Admin — Tue, 18 Jun 2019 09:55:05 +0000

На македонскиот пазар од неодамна постои нов онлајн супермаркет Paket.mk. На корисниците им нуди можност да порачаат најразлични производи: од свежо месо, широк избор на свежо овошје и зеленчук, па до детергенти за алишта, а купените производи им ги доставува на домашна адреса во термин по избор на корисниците. Во моментот Paket.mk располага со асортиман од над 4.000 производи. Испораката на нарачката е бесплатна за купување на производи во износ од над 500 денари. Во Македонија овој пазар започна да се развива од пред неколку години. Со зголемување на динамиката на секојдневниот живот најограничен ресурс на современиот човек станува времето. Затоа од Paket.mk сметаат дека нудат одлично решение за моментите кога граѓаните немаат време за одење до супермаркет и чекање ред на каса. Повеќе информации на www.paket.mk