малта – Kurir.mk

Историјат: Македонија знае како со Малта, така нека биде и вечерва! (ВИДЕО)

Ристе Здравков — Tue, 12 Sep 2023 06:13:03 +0000

Вечерва на Националниот стадион на Малта од 20:45 часот, нашата најдобра репрезентација ќе оди на победа против домашната селекција во меч од групата – Ц во квалификациите за ЕВРО. Кога сме кај минатото, тогаш традицијата апсолутно е на наша страна. Македонија знае како со Малта, па така нека биде и вечерва. На минатите седум средби имаме шест победи и само едно реми, без пораз, со гол разлика 17:3, навистина импресивно. На последниот меч во Скопје во март оваа година, со головите на Елмас и Чурлинов, Македонија победи со 2:1 и го освои трите бода во нашата група. Инаку од овие седум меча дури четири се пријателски. Се започна во таа 1996 година, кога на 27 март дома ја победивме Малта со 1:0. СИТЕ ДОСЕГАШНИ ДУЕЛИ СО МАЛТА 27.03.1996: Македонија – Малта 1:0 27.11.1996: Малта – Македонија 0:2 06.09.1998: Македонија – Малта 4:0 18.11.1998: Малта – Македонија 1:2 21.08.2002: Македонија – Малта 5:0 11.08.2010: Малта – Македонија 1:1 23.03.2023: Македонија – Малта 2:1 извор: sportsport.mk

Зајков: Малта има квалитет и не треба да се потцени

Ивона Петрова — Mon, 11 Sep 2023 15:43:53 +0000

Македонската фудбалска репрезентација со ремито во Скопје против Италија ја прекина серијата од три порази во евроквалификациите, а на утрешното гостување во Малта ќе се обиде да ја забележи втората победа во петтиот натпревар во рамки на групата Ц. Централниот дефанзивец Ѓоко Зајков посочи пред утрешниот дуел дека иако противникот е последен на табелата без освоен бод, Малта поседува квалитет и не треба да се потцени. -На натпреварот во вторник треба да одиграме одговорно и сите да го дадеме максимумот, бидејќи Малта не е наивен противник, има доста квалитет и не треба да се потцени, изјави Зајков. Црвено – жолтите на дуелот против Италија одигра подефанзивно, а според Зајков за победа против Малта ќе биде потребна офанзивна игра. -Со Италија беше друг натпревар со квалитетен противник против кој мораш да одиграш подефанзивно. Но, утре ако сакаме да победиме, треба да нападнеме со сите сили, додаде Зајков. Натпреварот во вторник е со почеток од 20:45 часот на Националниот стадиум „Та Кали“.

Фудбалерите пред нов предизвик: Малта не смее да се потцени

Ристе Здравков — Mon, 11 Sep 2023 12:38:42 +0000

Дефанзивецот, Ѓоко Зајков смета дека пристапот треба да биде одговорен и вистински во намерата да победиме против Малта. Македонската репрезентација во Малта денеска ќе го има официјалниот тренинг пред утрешниот квалификациски натпревар за пласман на ЕП 2024 против домашната селекција. „Малта не е наивен противник. Треба да одиграме одговорно и фокусирано. Во денешниот фудбал не постојат аутсајдери. Ни треба вистински пристап и максимален ангажман од сите во тимот”. извор: sportm.mk

Повикани 29 играчи за Италија и Малта, има и двајца дебитанти

Ристе Здравков — Wed, 30 Aug 2023 09:23:53 +0000

На списокот очекувано го нема капитенот Стефан Ристовски кој претходно објави дека нема да игра поради недоразбирања со селекторот Милевски. Нови имиња се Ахмет Иљазовски од данскиот тим Хвидовре и Димитар Митровски од Вараждин. На списокот на селекторот Милевски се наоѓаат следните 29 фудбалери: ГОЛМАНИ: Столе ДИМИТРИЕВСКИ - Рајо Ваљекано, Шпанија Дамјан ШИШКОВСКИ - Докса, Кипар Игор АЛЕКСОВСКИ - Работнички ОДБРАНА: Висар МУСЛИУ - Падерборн, Германија Ѓоко ЗАЈКОВ - Универзитатеа Крајова, Романија Никола СЕРАФИМОВ - Фехервар, Унгарија Јован МАНЕВ - Адана Демирспор, Турција Езѓан АЛИОСКИ - Ал-Ахли, Саудиска Арабија Бојан ДИМОСКИ - Акрон Тољати, Русија Ахмет ИЉАЗОВСКИ - Хвидовре, Данска Стефан АШКОВСКИ - Ламија, Грција Дарко ВЕЛКОВСКИ - Ал Етифак, Саудиска Арабија СРЕДЕН РЕД: Енис БАРДИ - Трабзонспор, Турција Јани АТАНАСОВ - Краковија, Полска Агон ЕЛЕЗИ - Вараждин, Хрватска Аријан АДЕМИ - Пекинг Гуан, Кина Елиф ЕЛМАС - Наполи, Италија Давид БАБУНСКИ - Мезоковешд, Унгарија Давор ЗДРАВКОВСКИ - Мадервил, Шкотска Љупче ДОРИЕВ - Согдиана, Узбекистан НАПАД: Илија НЕСТОРОВСКИ - Асколи, Италија Милан РИСТОВСКИ - Спартак Трнава, Словачка Бојан МИОВСКИ - Абердин, Шкотска Александар ТРАЈКОВСКИ Дориан БАБУНСКИ - Грасхоперс, Швајцарија Димитар МИТРОВСКИ - Вараждин, Хрватска Марјан РАДЕСКИ - Струга Трим Љум Ваљон ЕТЕМИ - Истанбулспор, Турција Дарко ЧУРЛИНИВ - Барнли, Англија

Малта усвои закон со кој се легализира абортусот, но само доколку постои ризик по здравјето на жената

Дарко Андоновски — Wed, 28 Jun 2023 18:05:46 +0000

Парламентот на Малта денеска едногласно усвои Закон за легализирање на абортусот, но само доколку постои ризик по здравјето на жената, што се смета за голем чекор за претежно римокатоличката нација. Со тоа се олеснува најстрогиот закон за абортус во Европска Унија, но активистите ја повлекоа својата поддршка, тврдејќи дека промените во последен момент го прават законот „нејасен, нефункционален, па дури и опасен“. Според одредбите на новиот Закон, на лекар му е дозволено да ја прекине бременоста без дополнителна консултација само доколку животот на мајката е во непосредна опасност. Жената чие здравје е во голема опасност може да добие пристап до абортус само по согласност на тројца специјалисти. Илјадници Малтежани протестираа против Законот во декември минатата година. Владејачката Лабуристичка партија, која го поднесе првичниот предлог-закон, ги поддржа амандманите, додека опозицијата исто така излезе со поддршка по измените. Коалицијата 14 групи за избор истакна дека барањето за тројца специјалисти е „неостварливо и опасно“ и предупреди дека дури и во случаи кога животот на жената е загрозен, „голема е веројатноста лекарите да бараат одобрение поради страв од кривично гонење“. Малта е единствената од 27-те земји на ЕУ каде беше забранет абортусот од која било причина, пропишувајќи казна затвор од три до четири години ако и се помогне на жената да абортира. Законот ретко се спроведуваше, а последниот познат случај на некој да биде затворен датира од 1980 година. Сепак, претходно овој месец една жена беше обвинета според Законот против абортус, но не беше приведена.

Во ЕУ живеат 446,7 милиони луѓе: Најмногу во Германија, најмалку во Малта

Ивона Петрова — Sun, 14 May 2023 08:39:20 +0000

Во Европската унија (ЕУ) во 2022 година живееле 446,7 милиони луѓе. Најнаселена земја-членка е Германија (83,2 милиони, 19% од вкупниот број во ЕУ), втора е Франција (67,9 милиони, 15%), а во првите пет се и Италија (59,0 милиони, 13%), Шпанија (47,4 милиони, 11%) и Полска (37,7 милиони, 8%), соопшти Евростат. Овие пет земји-членки сочинуваат вкупно две третини од населението на ЕУ. Најмалку населени земји-членки на ЕУ, пак, се Малта (521.000 луѓе, што е 0,1% од вкупниот број на ЕУ), Луксембург (645.000, исто така 0.1%) и Кипар (905.000, 0.2%). Во периодот од 2001 до 2020 година, вкупното население на ЕУ се зголемило од 429 милиони на 447 милиони, што претставува раст од 4%. Седумнаесет земји-членки имале пораст на населението во овој период, а десет евидентирале намалувања. Најголеми релативни зголемувања се забележани во Луксембург (43%), Малта (31%), Ирска (30%) и Кипар (27%), додека најголемо намалување имаат Литванија (-20%) и Летонија (-19%). Меѓутоа, меѓу 1 јануари 2020 година и 1 јануари 2022 година, населението на ЕУ се намалило за 585 000 луѓе. Највисоки намалувања во апсолутни бројки се забележани во Италија (-611 000, што одговара на -1,0%) и во Полска (-304 000, -0,8%), а во релативна смисла во Хрватска (-4,8%, -196 000) и Грција (−2,4%, −259 000). Севкупно, десет земји членки на ЕУ имале намалување на нивното население во текот на двегодишниот период 2020-2021 година, додека останатите забележале зглемување. Најголем апсолутен пораст има Франција (552 000, 0,8%), а Луксембург највисок релативен пораст (3,1%, 19 000).

У15: Македонските фудбалери втор пат подобри од Малта

Тале Кристо — Fri, 12 May 2023 13:35:05 +0000

Македонската фудбалска репрезентација до 15 години успеа да слави нова победа над соодветната селекција на Малта во рамките на вториот контролен натпревар во Скопје. На тренинг центарот „Петар Милошевски“, избраниците на селекторот Драган Начески денеска остварија убедлива победа со 4:1. Македонските фудбалери и на овој натпревар доминираа од самиот почеток и покажаа дека се поквалитетна селекција од Малта. Головите за Македонија ги постигнаа Јаков Стојковски, Михаил Митревски, Антонио Сталески и Мартин Џангаровски. Во првиот контролен дуел помеѓу овие две селекции, избраниците на Начески славеа минимална победа со 1:0.

Силен земјотрес ја погоди Малта, почуствуван бил дури во Либија

Тале Кристо — Sat, 22 Apr 2023 13:09:29 +0000

Земјотрес со интензитет од 5,3 степени според Рихтерова скала изутрината ја погоди Малта, соопшти Универзитетот во Малта. Земјотресот ги разбуди жителите во неколку градови, објави порталот „Тајмс оф Малта“. Нема информации дали има повредени во земјотресот. Американскиот геолошки институт регистрираше дека земјотресот бил со јачина од 5,5 степени. Земјотресот е почувствуван и во Сицилија и Либија. Неколку часа подоцна е регистриран уште еден потрес во близина на либискиот брег, со јачина од 4,7 степени. Од почетокот на годината Малта е погодена од десетици земјотреси, но научниците велат дека повремените бранови на зголемена сеизмичка активност се нормална појава.

Во Малта отворено Европското првенство во снукер, македонската репрезентација со петмина играчи

Тале Кристо — Tue, 14 Mar 2023 07:34:02 +0000

Двократниот првак Берат Јашари е предводник на новата македонската репрезентација на Европското првенство во Малта. Заедно со него се уште и: Петар Панов, Владо Матоски, Петар Колоски и Влатко Јанев. - Сите играат на добро ниво. Во овој момент Берат Јашари се издвојува и мислам дека тој може да изненади некого во Малта. Има капацитет за тоа. И Петар Панов има природен талент, а другите се веднаш зад нив. Генерално, нема потреба да учат за техниката, туку повеќе за меч тактиката. Би типувал дека Берат ќе добие шанса да влезе во елиминациските дуели, изјави Најџел Бонд, прославениот снукер играч, кој минатата година се повлече од професионалните настапи и ги предводеше подготовките на македонските репрезентативци. Своите очекувања од ова ЕП ги искажа Лазар Лазаревски, претседател на снукер асоцијацијата. - Нашите момци имаа напорна недела со подготовките, па потоа со патувањето до Малта. Им посакувам да останат фокусирани и сконцентрирани, во снукерот шансата доаѓа кога некој најмалку се надева. Ова е силен турнир, но цврсто верувам дека како федерација направивме сѐ што можевме за одлично да се презентираме. Минатата година на ЕП во Албанија ниту еден играч не успеа да ја мине групната фаза, оваа година очекувам дека ќе имаме претставник и во елиминацискуте дуели. Европското првенство во Малта е во комплетна организација на европската федерација ЕБСА.

НА МАЈКА МИ ПРВО И УДРИЈА ИНЕКЦИЈА, А ПОТОА И КАЖАВМЕ ДЕКА БРАТ МИ ЗАГИНАЛ – телото на Мартин од Малта ќе биде донесено во сабота

Дарко Андоновски — Wed, 16 Nov 2022 12:51:53 +0000

Телото на Мартин Костов од Чешиново, момчето кое минатиот вторник загина во сообраќајна несреќа на Малта, ќе биде донесено во сабота. Од аеродромот во Скопје ќе биде однесено дирекно во капелата во Кочани, а вечерта ќе биде пренесено во неговиот дом во Чешиново. Погребот е во недела. Ова за ММС го раскажаа неговите браќа Иван и Драган, кои од минатиот вторник, кога Мартин загина, до денес собираат средства за последното патување на нивниот брат. Овие денови се објавија многу информации околу средствата, бидејќи транспортот на телото на Мартин од Малта во Македонија е скап, а семејството ги нема тие пари. Конзулот на Малта во Македонија, Кочо Анѓушев рече дека ќе се погрижи за тоа, но подоцна се упати и апел за донации, а фирма за погребални услуги од Кочани, објави дека ќе го превземе транстпортот на телото од Мегународниот аеродром во Скопје до Кочани, како и трошоците околу погребот. Што конкретно се случувало овие десетина дена за ММС објаснија неговите браќа Иван и Драган. -Нам ни се јави Анѓушев и ни кажа дека ќе покрие дел од средствата за транспорт. Му го дадовме бројот од Ивица, другарот на Мартин во Малта, за да се слушнат за да се види колку ќе чини транспортот. Анѓушев подоцна се јавил на брат ми Драган и рекол дека ќе пушти пари на наша сметка. Ивица во Малта прво се обратил во една фирма, каде му рекле дека транспортот ќе чини 4.750 евра. Ние се јавивме кај Анѓушев и му ја кажавме сумата. Но, во меѓувреме Ивица, зборувал со газдата на Мартин, кој му рекол дека има Агенција која може телото за 3.000 евра да го донесе. Ние и тоа го кажавме на Анѓушев. На Ивица веќе му стасала посмртницата од брат ми, но имало направено грешка, на брат ми му згрешиле ден на раѓање и треба да се корегира. Затоа сите овие денови бевме во исчекување кога ќе се средат докуметите, рече Иван за ММС. Утрово Драган, другиот брат на Мартин, ни рече дека Анѓушев им пуштил на сметка околу 2.000 евра, а остатокот до 3.500 евра, колку што со сигурност веќе се знае дека ќе чини транспортот, ќе ќе го покријат со донациите. -Веќе се стасани парите од Анѓушев, останатото ќе го покриеме со донациите. Средени се и документите во Малта и веќе со сигурност се знае дека телото на брат ми Мартин во Скопје ќе биде донесено во сабота во 10 часот наутро. Потоа погребалната фирма ќе го пренесе во капелата во Кочани, а вечерта ќе го превземеме ние во нашиот дом во Чешиново. Погребот го закажавме во недела, вели Драган. И Иван и Драган велат „камо среќа да не требаше да се собираат пари. Камо среќа нивниот среден брат да беше жив“. -Од минатиот вторник сме ниту на небо ниту на земја. Ние сме тројца браќа. Иван е најстар, потоа е Мартин, а јас сум најмал. Родени сме на по две години. Иван има 34, Мартин имаше 32, а јас имам 30. Мартин работеше тука келнер во рибник, и само што замина за Малта за подобар и посреќен живот, но не ете се врати. Околу 25 дена беше на Малта. Првите пет-шест дена немаше работа, а потоа почна да работи исто како и тука, келнер. Ни се јави и беше пресреќен, дека ете конечно ќе почне да печали. Мартин беше голем оптимист, секогаш насмеан. По се што се случува во државава, живот нема тука, така да ќе бараме излез во странство и ние. Ете Мартин беше нјахрабар од семејството, прв да тргне, нему му се укажа прилика. Требаше и Иван да замине ама ете што се случи сега, вели Драган. Тие биле шокирани кога минатиот вторник се јавила сопругата на другарот на Мартин од Малта да им каже дека загинал. Особено мајка им, која и без оваа трагедија била со нарушено здравје. -Татко ми е починат, а мајка ми не е добра со здравјето. Ова сега што се случи уште повеќе ја потресе. Беше навистина шок кога дознавме, не можевме да си дојдеме на себе. На мајка ми прво и удрија инекција, па потоа кажавме што се случило со Мартин. А планот му беше да остане, да заработува. Кога стаса ни каже дека е презадоволен, дека тргнал на работа, му се допаднало. Навистина се пронајде. Ама судбината до тука била, рече Драган за ММС.