малтретирање – Kurir.mk

Жена малтретирана и вознемирувана од маж кој имал судска забрана да се доближи до неа

Ивана Ефремовски — Tue, 25 Jul 2023 15:19:41 +0000

СВР Штип поднесе кривична пријава против А.М.(62) од Штип поради постоење основи на сомнение за сторени три кривични дела „демнење“ и три кривични дела „неизвршување на судска одлука“. Во периодот од мај до 21.06.2023, пријавениот во повеќе наврати се движел во просторот каде што живее М.Ѓ.(65) од Штип и со разни предмети и упатувал закани и на тој начин постапувал спротивно на привремената мерка за забрана да и се заканува на жртвата, да ја малтретира, вознемирува, контактира и да и се приближува на растојание помало од 100 метри од нејзиниот дом.

Ја оставал ќерката (14) сама дома без храна, кога ќе се врател од патување во странство ја тепал со каиш

Ивона Петрова — Fri, 07 Apr 2023 09:14:34 +0000

Основното јавно обвинителство Скопје поведе постапка против 45 – годишен државјанин на Босна и Херцеговина со привремен престој во Скопје за кого постои основано сомнение дека сторил кривично дело – Запуштање и малтретирање дете од член 201 став 1 од Кривичниот законик. Во периодот од септември 2022 до 28 март годинава, со грубо запоставување на својата должност за грижа и воспитување, осомничениот ја запуштил и ја малтретирал сопствената ќерка. -Како татко и единствен родител со кој живеело детето родено во 2008 година, тој редовно патувајќи во странство ја оставал својата ќерка сама, без соодветна родителска грижа и без обезбедена храна и хигиена во домот. Кога ќе се врател од своите патувања, тој вршел психичко и физичко насилство врз детето, користејќи каиш и удирање како средство за нејзино воспитување, а во една прилика се обидел да ја прободе со нож. Осомничениот ја вработил 14-годишната ќерка во слаткарница за време на викенди, а остварениот приход ѝ го земал за да ги надомести сопствените долгови. На 22 март девојчето се разболело само дома и не отишло на училиште, а осомничениот и се јавил од странство и ѝ се заканил дека кога ќе се врати ќе ја претепа затоа што отсуствува. Ваквото однесување, кај жртвата прдизвикало постојан страв и стрес, како и чувство на напуштеност и на отсуство на родителска грижа, информираат од Обвинителството. Бидејќи постојат околности кои укажуваат на опасност од бегство, како и особени околности укажуваат на тоа дека осомничениот ќе ја попречува кривичната постапка со влијание врз сведоците или ќе го повтори кривичното дело, јавниот обвинител до судијата на претходна постапка од Основниот кривичен суд Скопје достави предлог за определување мерка притвор.

ВИДЕО: Медицинските сестри кои ја малтретираа старицата спроведени во суд

Ристе Здравков — Fri, 04 Nov 2022 07:30:53 +0000

Пред судот во Косово се појавија трите медицински сестри осомничени за насилство врз постарата жена. На видеото што го обезбеди Клан Косова, се гледаат трите осомничени како влегуваат во судницата. Во средата Косово беше шокирано од снимката од физичкото насилство што медицинска сестра го правела на една постара жена во Домот за стари лица во Пеќ. Во врска со случајот се уапсени три лица, осомничената која се гледа како врши насилство, одговорното лице и уште една медицинска сестра. Останатите двајца се осомничени за делата „давање помош при насилство“, како и „Неовластено фотографирање или снимање“

ВИДЕО: Несовесен посетител ги малтретира животните во скопската ЗОО

Ристе Здравков — Tue, 01 Feb 2022 08:47:39 +0000

Дали со вознемирување и малтретирање на животни може да станете популарни на социјалните мрежи? Деновиве уште еден таков случај ја вознемири јавноста, а станува збор за видео на кое се гледа дека посетител ги малтретира магарињата во скопската ЗОО. Тина Мицковска, заменик-директорката на ЗОО Скопје не ја крие разочараноста од ваквите постапки. -Ваквите снимки треба да не едуцираат како не треба да се однесува еден возрасен човек, разочарано вели Мицковска. Таа додава дека иако се ретки инцидентите, тие реагираат. -Ние секогаш несовесни посетители фатени на дело ги бркаме, а кај оние каде што има и законска рамка пријавуваме во полиција заедно со снимката. Инаку ваквите видеа кога ги споделуваме често влијаат врз многу други да не се осмелат да направат глупост. Затоа се поретки и инцидентите, но и несовесното однесување е многу намалено, а свеста зголемена. За жал ова е еден од начините да се свестат некои несовесни, појаснува Мицковска.

ВИДЕО: Девојка м*лтретира животни во скопската зоолошка градина

Магдалена Андонова — Thu, 28 Oct 2021 09:42:18 +0000

На социјалната мрежа ТикТок се појави видео коешто предизвика лавина негативни реакции од страна на корисниците. Имено, на видеото е видливо дека девојка ги малтретира животните во Зоолошката градина во Скопје, прескокнувајќи ги оградите. Како што информираат од Зоолошката градина, девојката ќе добие соодветна пријава затоа што, како што велат оттаму, ваквото однесување е недозволено. Понекогаш доволно е и една минута да немало никој во близина и да се случи ваков инцидент. Токму преку едукативни кампањи успеавме да ја покренеме свеста и поголемиот број на посетители се културни и совесни, но ете има и по некој ваков изолиран случај кој заслужува казна, стои во нивната објава на Фејсбук.

Наставник малтретира дете во скопско училиште (ВИДЕО)

Ивана Ефремовски — Fri, 22 Oct 2021 19:57:24 +0000

Вознемирувачко видео од наставник кој малтретира дете се појави на социјалните мрежи. Според објавата, немилиот настан се случува во скопско училиште. Станува збор за училиштето „Панајот Гиновски“ во населбата Бутел 2. „Мила Царовска ШТО Е ОВА знаеш ли? Каде е ова? Можно ли е да е во Македонија? Можно е. Снимката е од „Панајот Гиновски“ — основно училиште во населбата Бутел 2, општина Бутел“, пишува во објавата на видеото.

Полицаец удрил малолетник во полициска станица, ќе одговара за малтретирање

Ивана Ефремовски — Fri, 08 Oct 2021 13:10:51 +0000

Одделот за внатрешна контрола,криминалистички истраги и професионални стандарди до ОЈО ГОКК поднесе кривична пријава против А.М., вработен во СВР Штип, поради основано сомнение дека сторил кривично дело „Малтретирање во вршење на служба“ по член 143 од КЗ на РСМ. Имено на 29.09.2021 околу 21 часот во просториите на ПСОН Штип пријавениот полициски службеник делото го сторил на начин што неповикано влегол во просторијата на полициската станица каде од друг полициски службеник било обезбедувано повикано малолетно лице и го удрил малолетникот кој се здобил со повреди. Била повикана итна медицинска помош која ги констатирала повредите и му пружила медицинска помош. Против полицискиот службеник поведена е и постапка за утврдување на дисциплинска одговорност.

Детали за случајот со претепаното бебе од Скопје: Очувот обвинет за малтретирање

Катерина Бојаџиева — Thu, 23 Jan 2020 12:57:02 +0000

По спроведена истражна постапка, Основното јавно обвинителство Скопје до Основниот кривичен суд Скопје поднесе обвинителен акт против 34-годишен скопјанец за кривично дело запуштање и малтретирање дете од член 201 став 1 од Кривичниот законик. Јавното обвинителство денеска соопшти дека обвинетиот се товари оти го сторил делото на 23.12.2019 година, околу 12 часот, кога неговата вонбрачна партнерка му го оставила нејзиното едногодишно дете за да го однесе кај претходно ангажирана дадилка. -Обвинетиот очув, додека бил сам со детето во домот и додека го превезувал во возило, го малтретирал удирајќи го со тупаници во пределот на главата и лицето, при што му нанел телесни повреди изразени во вид на крвни подливи, се појаснува во соопштението. Надлежниот јавен обвинител до Основниот кривичен суд Скопје поднесе и посебен предлог за продолжување на мерката притвор за обвинетото лице, проценувајќи дека неговото присуство во текот на кривичната постапка и непреченото водење на постапката не би можеле да се обезбедат со друга мерка. Инаку, од Комплексот клиники „Мајка Тереза“ на 25 декември во 12:50 часот во СВР Скопје било пријавено дека кај нив било донесено 16- месечно женско бебе од Скопје со повреди. Во разговор со полициските службеници, мајката на бебето, 21-годишната А.М.С. од Скопје изјавила дека дека на 23.12.2019 околу 12:00 часот нејзиниот партнер, 34-годишниот С.И. од Скопје, со кого живеела вонбрачно, го ставил бебето во детско седиште и со своето возило го однел кај дадилката, 55-годишната Л.Д. од Скопје. Според нејзината изјава, истиот ден дадилката ѝ пријавила дека кога го земала бебето од И.С. забележала дека има повреди.

Едвај ја преживеа војната, а сега го мачат на училиште: На дете од Сирија цел живот му е хорор

Ивана Ефремовски — Wed, 28 Nov 2018 21:09:42 +0000

На интернет се појави вознемирувачка снимка која покажува како британски тинејџери малтретираат сириско дете, со кое инаку, одат заедно на училиште. Тие му истурале вода во уста, толку што почнал да се дави. Младиот Сириец некое време е на мета на своите школски другари кои веќе му ја скршија раката. Се се случи во средното училиште во Хадерсфилд. Работата да биде полоша, истиот ден некој ја нападнал неговата сестра и и ја извадил марамата од глава. Целиот случај на врсничко насилство ја вознемири британската јавност па е покрената и кампања за помош на семејството кое побегнало од Хомес. Засега се собрани 53.000 фунти, а парите уште пристигнуваат. Семејниот адвокат рече дека братот и сестрата преживуваат тешко злоставување во училиште и дека се пријавиле во полиција. Девојчето инаку, веќе еднаш се обидело да се самоубие поради малтретирањето на училиште. Видеото, поради вознемирувачката содржина, беше отстрането.