МАН – Kurir.mk

МАН: Целосна поддршка за Канал 5 ТВ, осуда за неоснованите обвинувања од советникот на владата Исмет Рамадани

Тале Кристо — Wed, 01 Nov 2023 19:50:19 +0000

Македонската асоцијација на новинари (МАН) целосно застанува во одбрана и поддршка на Канал 5 ТВ, реакцијата на директорот Иван Мирчевски и новинарот водител Александар Видиновски како и колегата гостин во емсијата Горан Момироски, по вечерашната дебата во емисијата “Само вистина“ каде политичарот и советник во владата Исмет Рамадани неосновано ги обвини за предизвикување национална нетрпеливост. -Со етикетирањето на национална основа, Исмет Рамадани ја загрозува безбедноста на новинарите учесници во дебата, како на Канал 5 ТВ. -МАН ги осудува сите политичари, советници и владини функционери, како и аналитичари кои со години полесно или потешко, и без одговорност јавно навредуваат цели медиуми, новинари, ги етикетираат, па дури и ги обвинуваат за сторени кривични дела како говор на омраза или национална нетрпеливост. Канал 5 секогаш покажува висок степен на професионализам и конструктивно етичко дебатирање во своите емисии. Го повикуваме Исмет Рамадани веднаш да се извини до редакцијата на Канал 5 ТВ. Доколку не се извини, МАН заедно со Канал 5 Тв ќе ги преземе сите правни мерки за заштита на новинарите и медиумот, се вели во соопштението на МАН.

МАН: Говор на омраза од Ковачевски – ОЈО да реагира, Битиќи да се извини

Катерина Бојаџиева — Sat, 14 Oct 2023 07:58:41 +0000

Македонската асоцијација на новинари (МАН) бара јавното обвинителство веднаш да преземе мерки против премиерот Димитар Ковачевски по скандалозниот одговор на прашање од новинарот на Алфа ТВ Матеја Петровски, по повеќе основи, меѓу кои прекршување на член 16 од Уставот, прекршување на член 382 од Кривичниот законик, досегашниот член 319 од кривичниот законик, како и прекршување на препораките на Совет на Европа за борба против говор на омраза. „Прашањето беше апсолутно некоректно…Ќе повторам нешто што го кажав на мојот говор на 11 Октомври во Куманово. Денес во нашата држава имаме концепт за европска Македонија, којшто го предводи Владата и СДСМ. Што ги третира сите граѓани еднакво според нивната етничка, верска и која било друга припадност. Меѓутоа, имаме појава е еден популизам, којшто во својата основа има етно-национализам и ксенофобија, што за мене е форма на модерен фашизам“, рече премиерот Димитар Ковачевски како одговор на новинарско прашање од Матеја Петровски од Алфа ТВ. Со овој одговор, за Премиерот Ковачевски – новинарот Матеја Петровски е фашист, што преставува не само вербален напад со низа клевети и ширење говор на омраза (дефиниран во досегашниот член 319 од КЗ - тој којшто делото од ставот (1) на овој член го врши со злоупотреба на положбата или на овластувањето), туку и спречување на службено лице во вршење на својата дејност (член 382 од КЗ). Македонската асоцијација на новинари (МАН) очекува јавното обвинителство по јавно допрен глас, веќе во понеделник да поднесе обвинителен акт против премиерот Ковачевски за прекршување на член 16 од Уставот, ширење говор на омраза и спречување на службено лице во вршење на својата дејност согласно Кривичниот законик, како и прекршување на препораките на Советот на Европа. Слободата на говор гарантирана со Уставот (прашањето на Матеја Петровски) и со недавањето на одговор (наместо одговор, премиерот Ковачевски даде низа клевети, деградирачки квалификации кон новинарот и говор на омраза) – со што го оневозможи јавното информирање. Европска регулаторна рамка за „говорот на омразата“ наведува детали во препорака бр. R (97) 20 во врска со „говор на омраза“ и особено ги повикува владите, да одредат јавните власти и јавните институции на национално, регионално и локално ниво, како и нивните службеници да имаат посебна одговорност за воздржување од изјави, особено пред медиумите, кои разумно може да се сфатат како говор на омраза, или како говор кој би можел да создаде ефект на озаконување, ширење или промовирање расна омраза, ксенофобија, антисемитизам или други форми на дискриминација или омраза базирани на нетрпеливост. Таквите изјави треба да бидат забранети и јавно отфрлени секогаш кога ќе се појават, стои во препораката. Ова не е прв пат премиерот Ковачевски со тешки клевети да им одговара на новинарите, да шири говор на омраза и да повикува да бидат санкионирани преку своите јавни настапи. Тој од собраниска говорница побара Обвинителството и Судот да го санкционираат новинарот и уредник Драган Павловиќ Латас, неговото обезбедување му се закануваше и претходно на новинарот Матеја Петровски дека може да биде приведен зошто му поставува прашање на премиерот. Ковачевски неодамна посочи дека има медиуми чија што уредувачка политика личи на компанија која што тргува со енергенси. Ковачевски посочи и дека има медиуми чија што уредувачка политика личи на партиски сектор за комуникација. Ковачевски беше и арогантен со новинарите клеветејќи ги дека доаѓаат од телевизија што може поблиску да се информира за цената на гасот. Ова не е првпат Ковачевски да има лош однос со медиумите. Речиси на секое јавно обраќање наместо конкретно да одговара на прашањата, им поставува контра-прашања на новинарите и прашува од кои медиуми доаѓаат на настанот. Безброј пати новинари се спречени да известуваат од настан на кој присуствувал премиерот Ковачевски, како на пример новинарите Љупчо Златев и Предраг Кукиќ. Безброј пати новинарите и медиумите имале забрана да присуствуваат на настани каде е и тој. Исто така, во однос на истиот настан, МАН (Македонска асоцијација на новинари) бара министерот Фатмир Битиќи да му се извини на новинарот на Алфа ТВ и потпретседател на МАН Матеја Петровски. -Се додека прима државна плата, министерот е должен да го слуша секое новинарско прашање и доколку се однесува на него – да одговара на секое новинарско прашање. Ако не сака да слуша и одговара, министерот Битиќи слободно може да се откаже од функцијата и државната плата и да стои настрана. Нема некоректни новинарски прашања, има само носители на јавни функции кои не се подготвени да и одговорат на јавноста она што е во интерес на граѓаните, па прстот постојано го вперуваат во новинарите правејќи од нив дежурни виновници за лошата состојба во која е државата, благодарение токму на истите тие носители на јавни функции. Ваков наратив инициран од премиерот и министерот претставува сериозна форма на притисок кон новинари и медиуми која служи истите да ги дискредитира, но обид и да се одвратат новинарите да се бават со теми кои се од јавен интерес. Ваквата пракса на непримерна комуникација ја загрозува безбедноста на новинарите и медиумските работници, а со тоа се поттикнува насилство и цензура во поширок контекст, имајќи ја во предвид содржината на изразот; политичкиот и социјалниот контекст во моментот на изразувањето; намерата на говорникот; улогата и статусот на говорникот во општеството; извештај на којшто изразот се шири или засилува; способноста изразот да донесе до толку последици, вклучувајќи ја и непосредноста на таквите последици; природата и големината на публиката, и карактеристиките на целната група. Македонската асоцијација на новинари (МАН) ќе ја извести Светската федерација на новинари за ваквиот некоректен однос на власта и притисокот кон независните и професионални новинари. Воедно, правните тимови на МАН веќе оформија засебни предмети, чија разврска ќе се бара пред надлежен Суд.

Ивона Талевска е реизбрана за претседател на Македонската асоцијација на новинари

Тале Кристо — Tue, 05 Sep 2023 19:13:29 +0000

Македонската асоцијација на новинари (МАН) денеска 05.09.2023 година, го одржа изборното Собрание, на кое Ивона Талевска беше реизбрана за Претседател, за потпретседатели избрани се Цветин Чилиманов и Матеја Петровски, а за генерален секретар Драган Павловиќ Латас. На покана на Талевска, специјален гостин на изборното Собрание беше и заменик генералниот секретар на Меѓународната федерација на новинари (ИФЈ) Тим Даусон, кој дојде од Лондон, како и доскорешниот претседател на УНС и главен уредник на свиркачтата платформа Пиштаљка, Владимир Радомировиќ. Генералниот секретар на ИФЈ Тим Даусон во својот говор истакна дека се радува во тек е процесот на прием на МАН како полноправна членка на ИФЈ. Тој посочи дека преку членството во ИФЈ може да се слушне гласот на новинарите во Македонија, кои очигледно се наоѓаат во тешка состојба. -Верувајте дека вашето членство во ИФЈ нема да биде тешко како што беше влегувањето во НАТО и процесот за започнување преговори со ЕУ, добредојдени сте. Известен сум за состојбата во Македонија, и за проблемите и за притисоците, состојбата очигледно е тешка. Еден од начините да се справите со оваа ситуација е вашиот глас да биде слушнат и надвор, посочи Даусон. На истата тема, Владимир Радомировиќ посочи дека состојбата во Србија со факт- чекерите е иста како и во Македонија и дека речиси на сите балкански земји им е потребно гласот да биде слушнат и надвор. Тој посочи дека со МАН има одлична соработка во изминатиот период на повеќе проекти, меѓу кои беше и обезбедувањето вакцини за новинарите од Македонија. Радомировиќ најави дека македонските новинари секогаш ќе ја имаат неговата поддршка во сите натамошни активности преку МАН. Свои телеграми со поддршка за работата на МАН испратија и пријателските здруженија од Бугарија, Грција, Република Српска, а претседателката на МАН најави и нова соработка со здруженијата од Албанија и Црна Гора.

МАН со реакција по заканите врз животот за новинарот Горан Момироски

Тале Кристо — Wed, 09 Aug 2023 20:56:47 +0000

Македонската асоцијација на новинари МАН остро ja осудува последната желба зРеакцијата се однесува на пораката на Јовановска „Уште тебе да те снема“, за сатиричниот пост на новинарот на емисијата „Заспиј ако можеш“, на новинарот на телевизија Алфа, Горан Момироски.а ликвидација од новинарката која посака смрт за колегата Горан Момироски. Реакцијата се однесува на пораката на Јовановска „Уште тебе да те снема“, за сатиричниот пост на новинарот на емисијата „Заспиј ако можеш“, на новинарот на телевизија Алфа, Горан Момироски. „Независно од психолошките мотиви на провладината новинарка на сајтот „Независен“ Слободанка Јовановска, таа со оваа своја објава на социјалните мрежи, директно преку компјутерски систем повикува на ликвидација на независниот новинар, што само по себе е закана по животот и безбедноста на Горан Момироски. Точно е дека Јовановска има блиски релации со врвни функционери во власта, а нејзината порака да го снемаМомироски може да го поттикне било кого од нејзините следбеници и поддржувачи на СДСМ да преземат насилничекори против Момироски“, се наведува во соопштението. Затоа, МАН смета дека оваа порака од Јовановска, е порака од владејачката СДСМ да се пресмета со сите независни новинари кои известуваат за криминалот и корупцијата во власта, што е пракса преку правосудниот системи цензорите на социјалните мрежи во изминатите 7 години. „Да потсетиме, под кривичен прогон од разни основи се над 80 независни, професионални медиумски работници коиобјавуваат афери за криминалот и корупцијата на власта. Провладините цензори на социјалните мрежи досега немаат ниту една пријава, блокада на владините, провладинитеактивисти и апологети на власта за било која закана која ја имаат упатено до независните и професионални медиумииновинари. МАН ќе биде пријатно изненадена ако јавното обвинителство и МВР по службена должност преземат мерки противЈовановска, бидејќи врз основа на повеќегодишната пракса, тоа досега не е случај и со многу други претходнидиректни и јавни закани упатени до независните новинари од видни функционери на СДСМ, членови и симпатизеринавласта. – Очигледно е дека организациите во чие основање и работење учествувал колегата Момироски, без неговиот ангажман даваат резултат кој во последните 7 години е целосно поразителен за новинарството како професија. Ја поздравуваме смирената и разумна реакција на почитуваниот колега Момироски, кој иако не е член на МАН, има отворена покана да се придружи на МАН и вистински заеднички да работиме за заштита на новинарите и медиумските реформи. МАН ќе продолжи со своите напори за законски реформи кои ќе овозможат поголема заштита на новинарите од секој вид на закани, бидејќи тоа е единствениот цивилизиран, етички, законски и Уставен начин на делување“, реагира МАН.

МАН: Мицкоски да продолжи со борбата против лажните вести

Ивона Петрова — Wed, 01 Mar 2023 11:43:42 +0000

Македонската асоцијација на новинари МАН го охрабрува претседателот на ВМРО-ДПМНЕ Христијан Мицкоски да истрае во борбата против лажните вести и креаторите на истите. -На увид на неговиот правен тим ќе му доставиме пресуди против новинари, членови на МАН за пренесен текст и/или изјава, што е судска пракса воспоставена благодарение токму од овие креатори на јавен линч кои сега се ставаат во улога на наводни жртви, велат од МАН.

МАН: Сочуство до семејствата на настраданите, од утре почнуваме со хуманирани акции за помош на преживеаните во катастрофалниот земјотрес во Туркије

Ристе Здравков — Mon, 06 Feb 2023 18:40:44 +0000

МАН изразува сочувство до Република Туркије и пријателскиот турски народ за катастрофалната трагедија која се случи од ударот на силниот земјотрес од 7.9 степени по Рихтеровата скала во која животот го загубија најмалку 1900 луѓе, а над 6.000 лица се повредени. – Изразуваме сочувство до семејствата на настраданите и поддршка на спасувачките екипи во овие тешки моменти за Република Туркије. Истовремено, најавуваме дека МАН и Канал 5 ТВ, веќе организираме серија хумантирани активности за помош на преживеаните од катастрофалниот земјотрес, велат тие. Во таа насока, МАН ги повикува своите членови и медиуми да ги објавуваат на видни места и во ударни термини сите вести поврзани со укажување материјална и нематеријална помош за преживеаните во земјотресот. 1.Најпрво, ве известуваме дека во тек е отворање сметки за донации во Халк банка на кои од утре ќе можете да уплатите финансиски средства за помош на преживеаните и семејствата на настраданите, а бројот на сметките дополнително ќе го објавиме. 2.Воедно, од утре е отворен склад за материјални донации во дворот на поранешен Охис, на улица Борис Трајковски 75Б, (лице за контакт: Ѓуре: 071242170) каде граѓаните и компаниите можат да донесат она што им е најпотребно на погодените во земјотресот: – вода – храна – конзервирана храна – млечни производи – лекови – топла облека – ќебиња – осветлување – средства за лична хигиена – батерии – пелени – бебешка храна – горна и долна облека – обувки – екстерни батерии – свеќи Складот за материјални донации ќе биде отворен утре и во среда, а потоа донациите ќе бидат транспортирани во местата во Туркије каде е најпотребна. 3.Под покровителство на К5 ТВ ќе се одржи Телетон конференција на која сите граѓани ќе можат со свои јавувања за донираат финансиска помош на преживеаните во земјотресот и семејствата на настраданите. Телетон конференцијата ќе се одржи во недела на Канал 5 ТВ, а со јавување на телефоните кои ќе бидат на екраните, ќе донирате финансиска помош на преживеаните во катастрофалниот земјотрес во Туркије. МАН и Канал 5 ги повикуваме сите јавни личности и општествено одговорни лица кои сакаат да учествуваат во Телетонот да се јават на следните емаилови: [email protected] [email protected] или нека направат личен контакт со официјалните лица на МАН и Канал 5. Република Туркије и турскиот народ се големи пријатели на Македонија и македонскиот народ и во овие тешки моменти, ние сме со нив.

МАН со целосна поддршка на „Медиум Објектив“ во одлуката да започнат со штрајк

Курир — Sat, 23 Apr 2022 14:45:12 +0000

Македонската асоцијација на новинари (МАН) му дава целосна поддршка на здружението на електронски медиуми “Медиум Објектив“ во одлуката да започнат со штрајк преку прекин на програмата. - На лошата економска состојба во локалните и регионалните медиуми, МАН предупредува со години. Ние уште пред 2020 година предложивме решение преку буџетско субвенционирање на надоместокот за дозвола (лиценца) за работа, како и дефинирање механизми за реализирање кампањи од исклучителен јавен интерес, а тоа значи и соодветна измена на член 102 од Законот за Законот за аудио-визуелни услуги. - За ова сме разговарале повеќепати со преставници на претходните влади. Се даваат над 7 милиони евра за НВО од буџетот на РМ, а не се обезбедуваат субвениции за медиумите кои остваруваат дејност од јавен интерес за сите граѓани. Владата финансира несуштински дејности, наместо да обезбеди законска рамноправност за сите медиуми. Мора да дефинираат механизми за кампањи од јавен интерес, бидејќи Македонија е единствената земја во Европа која со закон ги забранува. МАН ќе продолжи да ги поддржува локалните и регионалните медиуми борејќи се за регулирање на нивниот статус и и финансиска независност пред надлежните институции, се вели во соопштението на МАН.

МАН даде поддршка за штрајкот на медиумите

Дарко Андоновски — Sat, 23 Apr 2022 12:17:35 +0000

Македонската асоцијација на новинари (МАН) му дава целосна поддршка на здружението на електронски медиуми “Медиум Објектив“ во одлуката да започнат со штрајк преку прекин на програмата. – На лошата економска состојба во локалните и регионалните медиуми, МАН предупредува со години. Ние уште пред 2020 година предложивме решение преку буџетско субвенционирање на надоместокот за дозвола (лиценца) за работа, како и дефинирање механизми за реализирање кампањи од исклучителен јавен интерес, а тоа значи и соодветна измена на член 102 од Законот за Законот за аудио-визуелни услуги. – За ова сме разговарале повеќепати со преставници на претходните влади. Се даваат над 7 милиони евра за НВО од буџетот на РМ, а не се обезбедуваат субвениции за медиумите кои остваруваат дејност од јавен интерес за сите граѓани. Владата финансира несуштински дејности, наместо да обезбеди законска рамноправност за сите медиуми. Мора да дефинираат механизми за кампањи од јавен интерес, бидејќи Македонија е единствената земја во Европа која со закон ги забранува.

МАН: Сочуство до семејствата за загинатите, медуимите да се воздржат од сензационализам

Катерина Бојаџиева — Tue, 23 Nov 2021 12:11:03 +0000

Во мое лично име и во име на членовите на МАН изразувам длабоко сочувство за болката и страдањето на семејствата и роднините на загинатите во страотната сообраќајна несреќа во Република Бугарија, и посакувам брзо закрепнување на повредените во оваа тешка катастрофа, наведува претседателката на МАН Ивона Талевска. Таа истовремено, ги повика медиумите да се воздржат од сензационализам при известувањето за оваа трагедија. - МАН ги повикува медиумите при известувањето да ги почитуваат професионалните новинарски стандарди и принципи, односно информирањето да биде ослободено од сензационализам и новинарите да ја почитуваат личната болка и жалост. Воедно, информациите треба да бидат точни и проверени, а доколку не можат да се потврдат или станува збор за претпоставка тоа треба да се каже или објави.

МАН: Го повикуваме обвинителството да ги заштити новинарските екипи од насилниците од една политичка партија

Катерина Бојаџиева — Sun, 17 Oct 2021 13:14:49 +0000

Македонската асоцијација на новинари МАН не е изненадена од односот на членовите на една политичка партија кои во текот на повеќе денови, а особено вчера, масовно го кршења изборниот молк, вршеа поткуп на избирачи и насилство врз новинарски екипи. МАН го повикува јавното обвинителство да ги заштити новинарските екипи по јавно објавени видео материјали и информациите за делење изборен поткуп, кршење на изборниот молк и насилството од членовите на една политичка партија врз новинарски екипи. -Го повикуваме јавното обвинителство во најкус можен рок да поведе соодветна постапка против насилниците врз новинарските екипи, членови на една политичка партија, кои се прекршители на изборниот молк и кои делеа поткуп. Истовремено, ги известуваме набљудувачите на ОБСЕ, како и дипломатските преставништва во земјава, дека новинарските екипи на терен забележаа и јавно објавија извештаи за кршење на предизборен молк, поткуп на гласачи од членови на една политичка партија, за што беа физички нападнати, им беше скршена опрема, добија закани, навреди и сето тоа под закрила на една политичка партија и полицијата. -Бараме да се изврши влијание врз обвинителството да го спречи насилството врз новинарите со постапување против насилниците и бараме да се изврши влијание врз политичката партија која спроведува насилство врз новинарите, за истото да престане. Медиумите мораат да известуваат објективно и непристрасно за изборниот процес, а не да работат под постојан страв и закани за нивната сигурност и објективност.