манастир – Kurir.mk

„ПО ПОСЕТАТА НА ОВОЈ МАНАСТИР МИ СЕ ПРОМЕНИ ЖИВОТОТ ОД КОРЕН“ – Ацо Пејовиќ откри каде го пронашол својот мир, без една работа од таму не се враќа дома!

Дарко Андоновски — Mon, 21 Aug 2023 09:39:26 +0000

Српскиот пејач Ацо Пејовиќ со јавноста сподели како заминувањето на Света гора му го променило животот и како посетата влијаела врз него како човек. Како што и самиот вели по посетата на манастирот Хиландар се започнало кон подобро. -Верата ти помага да го сочуваш семејството, па така се трудев на семејството и децата да им објаснам што се вистински, а што погрешни вредности. Се трудам секоја година да одам на Хиландар, а гледам дека многу млади луѓе заминуваат на Света гора. Таму е добро да се отиде, бидејќи човек за 4,5 дена се преиспитува себе си, тоа е некој издувен вентил кој никој не може да ми го пружи, ни скијањето кое го сакам многу не може да ми го надомести тоа. Не постои ниту еден одмор кој може да ми ја одмори главата од тој таму, вели пејачот. Тој вели дека како пејач по кафеани видел се и сешто, но дека душевниот мир му дава сила да се воздржи и да биде исправен човек иако тоа во денешно време не е ниту малку лесно. Пејовиќ вели дека од манастирот секогаш се враќа препороден, а темјан секогаш зема за да го запали во домот.

Полицајци убедуваат монахињи да напуштат манастир во близина на пожарот во Атина (Видео)

Катерина Бојаџиева — Tue, 18 Jul 2023 16:37:03 +0000

Полицајците вложуваат максимални напори да ги убедат монахињите да го евакуираат манастирот во Мандра, напишаа од грчката полиција на Твитер и објавија видео од манастирот што се наоѓа во близина на пожарот во западниот дел на областа Атика, поширокиот регион на Атина, јави дописничката на МИА од Атина. Припадници на грчката полиција помагаат во евакуација и обезбедување помош за граѓаните во деловите зафатени од пожарите во Грција.

👮🔥🙏Αστυνομικοί καταβάλουν κάθε δυνατή προσπάθεια να πείσουν μοναχές να εκκενώσουν μοναστήρι στην #Μάνδρα. 🚒 🚓 Στην περιοχή συνεχίζουν να επιχειρούν αστυνομικές δυνάμεις για την παροχή βοήθειας στους πολίτες.#φωτια #Πυρκαγια pic.twitter.com/ifDKfYBt9S
— Ελληνική Αστυνομία (@hellenicpolice) July 18, 2023

Пожарот во Дервенохорија на границата помеѓу областите Виотија и Атика, на околу 60 километри северозападно од Атина што избувна вчера попладне, поради ветерот се прошири со голема брзина и се доближи до населби и индустриска зона во западниот дел на областа Атика, поширокиот регион на Атина. Превентивно, од жителите на неколку села и населби, беше побарано да се евакуираат. Според портпаролот на противпожарната служба на Грција Василис Ватракојанис токму во овој дел е мобилизиран најголемиот број на копнените и воздушните средства и интервенираат 250 пожарникари со осум пешадиски тима и 75 возила, како и 11 авиони и девет хеликоптери од кои еден е за координација. ср/

СЕ ОГЛАСИЈА ОД МАНАСТИРОТ: По толку години откриена мистеријата дали Милан Станковиќ ќе стане монах – естрадата го знаеше ова, но молчеше!

Дарко Андоновски — Tue, 18 Jul 2023 08:29:57 +0000

Со месеци наназад се шпекулираше за тоа каде се наоѓа во моментов познатиот пејач Милан Станковиќ. И додека се зборуваше дека Милан го посетил манастирот Подмаине во Црна Гора каде сакал да стане искушеник, сега се откриени нови детали кои ставија крај на сите шпекулации. Луѓето кои го посетуваат манастирот тврдат дека тој е чест гостин таму и дека сака да стане вистински христијанин. Сепак се огласија и од манастирот од каде еве што велат: -Милан беше кај нас, но ја немаше таа претензија да стане искушеник. Тоа е цел процес, тој сакаше да биде само во манастирот и да го пронајде своето „јас“, но немаше амбиција да стане монах. Овој манастир е негово духовно место, а тој е во процес да се пронајде себе си и да го пронајде Бог, а за сето тоа најдоброто место е манастир, вели изворот за српските медиуми. Инаку и пејачката Рада Манојловиќ неодамна откри дека сака да тргне по неговите стапки. „Да сум и јас паметна, па да тргнам по стапките на Милан и да се пронајдам себе си“, откри таа во една прилика.

Партерно уредување на двoрот на манастирот „Св. Пророк Еремијa”

Тале Кристо — Wed, 03 May 2023 13:26:30 +0000

Општина Кисела Вода го уредува просторот околу манастирот „Св. Пророк Еремија" во населбата Пинтија. -Во изминатите денови интензивно се работи на поплочување со павер елементи на целиот двор на вкупна површина од 510 квадратни метри. Се поставуваат нови клупи и друга урбана опрема, се уредува просторот на амфитеатарот. Градежните активности финализираат деновиве, во пресрет на патрониот празник Св. Еремија кој се прославува на 13 и 14 мај и локалното население го одбележува со бројни активности, културни манифестации и обичаи врзани со чествувањето на овој светец, се наведува во соопштението од Општина Кисела Вода.

Ова е манастирот во Будва во кој Милан Станковиќ ќе се замонаши – благословот ќе го добие на големиот празник (ФОТО)

Дарко Андоновски — Wed, 05 Apr 2023 11:37:31 +0000

Пејачот Милан Станковиќ се повлече од музичката сцена и новиот живот го пронајде во верата, а на големиот православен празник тој ќе стане искушеник. Имено тој откако веќе подолго време е во црква отколку на настапите решил да стане монах. Пејачот на славата на манастирот 28 август ќе добие благослов за почеток кон икушеничкиот живот. Тој за таа прилика ќе облече мантија односно повеќе нема да носи конвенционална облека и гардероба, а колку ќе трае процесот зависи од одлуката на игуменот на манастирот. Процесот ќе се одвива во манастирот Подмаине во Будва.

Украинските сили извршија претрес во манастир

Магдалена Андонова — Tue, 22 Nov 2022 11:32:42 +0000

Припадници на полицијата и на украинските безбедносни служби рано утрово во Киев извршија претрес во православен манастир стар илјада години, под сомнение дека во манастирот дејствува руска шпионска мрежа и врши „субверзивни активности“. Руската православна црква оцени дека денешниот претрес во православниот манастир во Киев претставува чин на заплашување. Историскиот православен христијански манастирски комплекс Киевско-печерска лавра, каде што беше извршена рацијата, се смета за украинско културно богатство и е седиште на крилото на Украинската православна црква, поддржано од Русија. Службата за безбедност на Украина соопшти дека рацијата била извршена за да се спречи користењето на манастирот како „центар на рускиот свет“. Оттаму додаваат дека постои основано сомнение дека просторот се користел за криење на субверзивно-извидувачки групи и странски државјани и за складирање на оружје. Службите не соопштија детали за резултатите од рацијата, пренесува Скај Њуз. По претресот веднаш следеше реакција од Руската православна црква, оценувајќи дека станува збор за „заплашување“. Портпаролот на црквата Владимир Легоида изјави дека меѓународната заедница речиси сигурно нема да обрне внимание на денешниот чин на заплашување на верниците, како и во „многу други случаи на прогон на верниците во Украина од 2014 година“. Инаку, Украинската православна црква во мај се одвои од Московската патријаршија и прогласи целосна независност. Тие, исто така, тогаш изразија осуда за поглаварот на Руската црква, патријархот Кирил, поради неговата поддршка за инвазијата. (МИА)

Тампониран патот од кавадаречко Бегниште до манастирот ,,Свети Атанасиј”

Ивона Петрова — Mon, 06 Jun 2022 07:38:24 +0000

По иницијатива на Месната заедница на селото Бегниште, вчера беше извршено тампонирање на патот од селото до манастирот „Свети Атанасиј”, информираа денеска од кабинетот на кавадаречкиот градоначалник Митко Јанчев. – Истовремено, беа донесени и бехатон коцки за дворот на манастирот. Сето ова е овозможено благодарение на донациите од општествено одговорните компании во Кавадарци и тоа Слога промет, Градба промет, Интер промет дизајн и Ас-машини. Жителите на Бегниште изразија голема благодарност до ЈП Комуналец и градоначалникот Митко Јанчев, од нив пак беше донирана механизацијата за работа на терен, соопштија од градоначалничкиот кабинет. Од кабинетот на Јанчев нагласија дека продолжуваат со активности во сите урбани и рурални средини во општината.

Ограбен манастирот „Св.Илија“ во Катланово

Магдалена Андонова — Thu, 12 May 2022 14:47:14 +0000

На 11.05.2022 во 11:30 часот во Полициското одделение Петровец било пријавено дека со употреба на сила било влезено во манастирот „Св.Илија“ во с.Катланово, скопско и биле одземени икони. Увид извршила екипа од СВР Скопје и се преземаат мерки за расчистување на случајот.

Животот на Милан Станковиќ е вистинска мистерија – се откажа од музиката, па физички се промени, ужива сам со себе во манастир (ФОТО)

Дарко Андоновски — Wed, 29 Dec 2021 17:42:09 +0000

Каде исчезна Милан Станковиќ е прашањето кое може да го одговори само тој, некогашниот најпопуларен пејач веќе одамна го нема на јавната сцена, а кога и да се појави во последниот период предизвикува лавина коментари. Кога неодамна се огласи на Инстаграм сите гледаа во неговиот нов имиџ и долга коса, а се шпекулираше дури и дека се откажал целосно од музиката и дека ќе се замонашел. Во прилог на шпекулациите, тој објави фотографија на Инстаграм на која се чекираше во манастирот Милешев кој датира од 13иот век. Овој манастир е познат по фреската белиот ангел,а по се изгледа во овие манастирски ѕидови тој го пронашол својот мир.

Колку е стар и какво му е потеклото на манастирот Св. Јован Бигорски

Ивона Петрова — Tue, 06 Jul 2021 05:14:42 +0000

Немајет многу писмени трагови нити пак некакви преданија ни за старосва, ни за потеклово на овја манастир. Ако се судит по иконана Св. Јованова тога је од прва половина на 10-ти век и овеја је многу за верување. Зашчо во тије времиња паѓат и работањето на учениците Св. Ќирилови и Методијови, тога скоро било и Самуилово македонско царство, а тога Византија ја имат створено и славна Охридска ариепископија, која трајала околу 800 години. А во тије времиња требет, или нешчо понапред, и народов мијачки да је доселен и заселен. Во народов се споменат некаков Јован и некаков Владимир, нечији књазови, али нишчо одредено не се знојет. Белки би требало по овја траг да се дирит. Али немат никаков изглед да је овја манастир нечија задужбина, зашчо је створен пред да се појавит овамо Немањиќи и зашчо немајет остатоци од некоја стара црква. Се шо је – народов сам го имат подигнато. По кажување манастирот Свети Јован Бигорски бил созидан негде близу до Охрид околу 1020 година. Овај датум го носит и иконава Св. Јованова. Манастиров се требет да је преселен овде коде шо го гледаме денеска. Некоји верувајет да је иконава сама дојдена отоде, а други пак ушче поцврсто верувајет да ја имат донесено отаде некој Јован (или Иван) еден од 70-те ученици Св. Климентови и Наумови и да тој сам бил од село Битуше. Иконава ја оставил на овеја место и тује отпочнал зиздање. Овеја друго тврдење је повише за верување. За црквицана мала шо је созиздана во крастана (стена) постојит натпис 1867 година. Инаку, иконата шо је внотра сосе је пропадната. Останата је само гнила шчица и нишчо друго. Может во оваја црквица да је чувана и главнава икона дур не је созиздан првијот некогашен храм. Инаку, во оваја црквица се пристапуват со многу поголема побожност и со голема чест. Преданије кажуват, и овеје је многу за верување: да је малава икона во малава црквица дојдена од Ростуше, кога је црквата ростушка претворена во жамија, а иконава је спасена и закријена и попосле донесена во оваја црквица Оваја икона је Успеније. А и црквата или манастирот стар во Ростуше бил Богородичино Успеније. Постојит некакво преданије дека во Ростуше постојала некаква црква или манастир Успеније со големи конаци од 70 одаји. Вистина је дека таков храм постојал и дека је после претворен во жамија, а од лани на истото место имаме црква. Али при копањето не се најдени никакви темели шо би покажувале да постојало нешчо друго и големо. Белки би требело да се копат поглобоко и понаоколу. Предањето кажуват да се спушчил и улизнал некаков брег и да ја затрупал зградата. Может, се может. Толку повеќе шо је местоно брежно. Покрај овеја, требет да се имат на ум и да је Ростуше едно од најстарите села и да со Битуше заземат најубав положај. Ако се додајет на овеја и верување да посотојал и некој Јован од Битуше, еден од 70-те ученици Климентови и Наумови, тога многу се засилуват и верувањето да постојал некаков манастир. По исламизирањето на Ростуше, судбината му се знојет. Во потврда на овеја идет и преданије народно за попот ростушки шо се исламизирал прв и кому му ’и турил черевата војвода Мијо на место Туричерева, близу до Лазарополе. За мене шо не су никаков ни археолог, ни византолог, ни иконограф, а зноејќи коде је Охрид, а коде је манастирот Бигор, зноејќи и шо бил тога Охрид во време на Св. Климента и во време на Самоилово царство нишчо повеќе не ми требет за да заверува да је овеја и овакво потеклово за нашијов прастар и знаменит Св. Јован. Зар не је доста и самијон датум и самијон живопис на иконана? Кој је тој лудак шо ќа помислит на неков фалсификат? А побожноста наша зар и таја не је друг доказ и за староста и за знаменитоста на оваја обител? Шо је поприродно отколи да је иконава Св. Јованова, за да се спасит, пренесена од Охрид коде нас, кога знојеме али тога биле и лути борби меѓу византискиот цар Василија II и Јована Владислава, наследникот Самуилов? А другијов Јован, зашчо да не могол да бидет еден од стотници ученици Св. Климентови? Две опасности имат преживеано манастирот Св.Јован Бигорски Имат преданије во народов да манастирот Св. Јован преживел две опасности: една да бидет уништен, а друга да бидет претворен во турско теќе. Која била понапред и кога, не се зноет убаво, нити се знојет како и со чија заслуга је останат. За спасувањето да не бидет претворен во теќе, по народно кажување, заслуга имат некој виден човек и чорбажија од село Стрезимир во Горна Река, кој бил фурнажија во Стамбол и имал пријателство со мајка му султан-Азизова. Кога виделе нашиве првенци шо наумил некој силник и паша деборски, се собрале во Галичник ожалостени, загрижени и уплашени да сакајет некоје чаре и се сетиле преку тој стрезимирец да се поплачет цару. Шо намислиле, теја и направиле и го известиле. Он се ујадил многу и неколку време прекинал да ја посетуват старава султанија. Повикан од неја, овја је се извинил и је кажал и објаснил себапот (причина) и со с’лзи ја замолил да го замолит сина си Азиса да ја спречит оваја нестреќа. Султан Азис ја уважил молбава мајкина му, али плашејќи се од побуна и лоши последици, ако употребит сила, употребил лукавство и му пратил еден пакет ѓоа неков дар, а во него бил некаков експлозив и во отворувањето силников погинал. Таке велит преданијево народно, и ја во него верува. Пак исто, али мрва поинакво, преданије велит: Пред 550 години на овја манастир нападнал некој бег од Дебор, кому не се знојет името, со нијет да го претворит во теќе или да го запалит. Дошол на манастир, али преданијето велит да му се случила една нестреќа. Имено, по дојдувањето негово у манастиров и кога се готвел да го сторит теја шо намислил, му дојдуват еден суварија (жандарм на коњ) пратен од Друз (Драч) и му дават на бегов една запечатена кутија ѓоа некаков дар за бегов. Кога ја отворил кутијава, таја пукнала и бегот погинал. Лешот негов со многу салтанатлак пренесен је во Дебор и закопан, а манастиров спасен. Оваја опасност требет да била многу поскорашна, околу пред 150 години, а првата за унишчувањето требет да била понапред, за време кога је вршено исламизирањето на сине села по Радика. Меѓу исламизираниве наши останата је оваја негова смрт да се прикажуват и да ’и опоменуват и плашит, бидејеќи да је постреде казна Божја, зашчќо бегот сакал да разрушит ваков храм Божји. Нека је фала чест и и слава на сите дедовци и предедовци шо ја крепеле, чувале и дочувале оваја Св. Обител, со која можеме со бел образ да излеземе пред секого. И вистина, Св. Јован Бигорски је еден од најстарите и најзнаменити манастири народски, пред сиве задужбиње немањиќски, подигнат и зачуван од едно мало и чисто славјанско племе Мијаци. Подготви Марко Китевски МИА