манчестер јуанјтед – Kurir.mk

Матиќ: Заминувам, беше привилегија да се игра за Манчестер Јунајтед

Бошко Тасиќ — Sat, 16 Apr 2022 04:29:41 +0000

Српскиот играч за врска и фудбалер на Манчестер Јунајтед, Немања Матиќ потврди дека на крајот на сезоната ќе го напушти „Олд Трафорд“. „По сериозно размислување одлучив оваа сезона да биде моја последна во Манчестер Јунајтед. За одлуката ги известив сите. Беше голема чест и привилегија да се игра за овој клуб. Голема благодарност за навивачите. Ќе дадам се од себе до крајот на сезоната да помогнам за подобри резултати“, изјави Матиќ. После пет години поминати „Олд Трафорд“, Матиќ го напушта клубот иако има договор до 2023 година. За „црвените ѓаволи“ има одиграно вкупно 183 настапи во сите конкуренции

ЛШ: Јунајтед го преживеа Мадрид, реми и во Лисабон

Бошко Тасиќ — Wed, 23 Feb 2022 22:09:20 +0000

Екипите на Атлетико Мадрид и Манчестер Јуајтед ремизираа на нивниот прв меѓусебен натпревар во осминафиналето од Лигата на шампионите. На „Ванда Метрополитано“ резултатот беше 1:1, а сигурни посреќни со конечниот исход ќе бидат гостите од Англија. Причината за тоа е што Атлетико Мадрид имаше повеќе шанси за победа, а ја имаше и контролата над резултатот откако уште во 7. минута поведе преку Жоао Феликс. Антони Еланга кој влезе како резерва на оваа средба ги постави конечните 1-1. На вториот вечерашен натпревар од осминафиналето од Лигата на шампионите, одигран во Лисабон, Бенфика и Ајакс исто така ремизираа 2-2. Патниците во четвртфиналето од двете средби и дефинитивно ќе бидат познати по одигрувањето на реванш средбите кои на програмата се за три недели.

Погба подготвен да остане во Јунајтед за неделна плата од 500 илјади фунти

Дарко Андоновски — Sun, 18 Apr 2021 07:11:31 +0000

Играчот за врска Пол Погба побара нов договор од Манчестер јунајтед според кој ќе добива 500.000 фунти неделно, објави „Дејли Стар“. Договорот на Погба со англискиот клуб ќе истече во јуни 2022 година. Доколку Јунајтед не се согласи со условите предложени од агентот на фудбалерот Мино Рајола, тие ќе ризикуваат да го загубат францускиот репрезентативец без никакво обештетување на крајот на следната сезона. Погба бара основна плата од 500 илјади фунти неделно, како и голем дел од неговите права за имиџ. Вкупно, станува збор за износ близу 800 илјади фунти на секои седум дена. Интерес за Погба покажуваат неколку други екипи, па останува да се види одговорот на Манчестер јунајтед за барањата фудбалерот.

Манчестер Јунајтед нема да биде активен во летниот преоден рок

Тале Кристо — Wed, 03 Mar 2021 07:40:26 +0000

Тренерот на Манчестер јунајтед, Оле Гунар Солскјер изјави дека не очекува клубот да биде активен во летниот преоден рок. – Пандемијата дефинитивно ги погоди сите во фудбалот. Секој доживува недостаток на приход. Треба да бидете реални и да преземете одговорност за вашиот бизнис. Каде можеме да потрошиме пари? Колку? Се е променето. Имаме фудбалери од академијата кои сега можат да ја добијат својата шанса, го цитира Солскјер порталот „Goal“. Манчестер Јунајтед е втор во поредокот во Премиер лигата со 50 бода по 26 одиграни натпревари.