манчестер јунајтед – Kurir.mk

Сер Џим Ратклиф планира да му даде отказ на Тен Хаг

Бошко Тасиќ — Sat, 04 Nov 2023 07:00:07 +0000

Се очекува во скоро време „ѓаволите“ да дадат зелено светло за Сер Џим Ратклиф да купи 25% од акциите на клубот. Како дел од зделката, најбогатиот Британец ќе добие контрола над фудбалските операции и последните информации велат дека тој планира да го избрка Ерик тен Хаг, без разлика какви ќе бидат резултатите во следниот период. Џим Ратклиф сака да го именува Роберто Де Зерби за нов тренер, Италијанецот ќе треба да го промени стилот на игра на Манчестер јунајтед. 44 годишниот стратег често добива пофалби за работата на кормилото на Брајтон и партиите кои ги прикажуваат популарните „галеби“.

Зидан: Не знам доволно добро англиски јазик, за да бидам менаџер на Манчестер Јунајтед

Бошко Тасиќ — Fri, 03 Nov 2023 04:55:11 +0000

Манчестер Јунајтед сериозно размислува да го отпушти менаџерот Ерик Тен Хаг по слабиот почеток на сезоната. „Црвените ѓаволи“ се наоѓаат на осмото место во Премиер – лигата, победија само на една од првите три натпревари во Лигата на шампионите и испаднаа од Лига Купот по тешкиот пораз од Њукасл со 0-3 на „Олд Трафорд“. Иако тој е под договор до 2025 година и клаузула од 15 милиони фунти доколку биде ослободен предвреме, Тен Хаг не може да биде сигурен на својата позиција.Според „Тајмс“, иднината на холандскиот стратег е нејасна, а една од причините е можната промена на сопственоста на клубот. Ако Тен Хаг биде отпуштен, клубот ќе тргне по Зинедин Зидан или Рубен Аморим.Сепак, Зидан јавно истакна дека во овој момент не може да биде тренер во Премиер-лигата, затоа што не го зборува доволно добро англискиот јазик. „Како фудбалер можев да играм каде што сакам, но поинаку е со тренерската функција. Јас разбирам англиски јазик, но не го говорам професионално толку добро за да можам да бидам менаџер во Англија. Барем на начинот како што јас сакам да раководам со еден клуб. Токму поради ова, мојот избор е ограничен, на Шпанија, Италија и Франција“, објасни Зидан.

Jунајтед елиминиран во осминафиналето на Лига купот

Ивона Петрова — Thu, 02 Nov 2023 06:25:29 +0000

Њукасл синоќа го победи Манчестер јунајтед со 3:0 во осминафиналето од англискиот Лига куп. Средбата се одржа на „Олд Трафорд“. Играчот од средниот ред Мигел Алмирон ги доведе гостите во предност во 28. минута. Луис Хол го удвои водството пред паузата, додека Џо Вилок го постави конечниот резултат. По овој пораз во англиските медиуми продолжува притисокот врз тренерот Ерик тен Хаг кој не успева да го стабилизира тимот. Следниот противник на Њукасл ќе биде Челзи.

Тен Хаг: Жал ми е за навивачите, но јас сум борец и не се предавам!

Бошко Тасиќ — Thu, 02 Nov 2023 04:58:13 +0000

Англискиот Манчестер јунајтед доживеа два убедливи порази со по 0-3 од Манчестер сити во Премиерлигата и Њукасл во Лига купот, а тоа предизвика ново незадоволство кај навивачите кои побараа оставка од тренерот Ерик Тен Хаг. „Ѓаволите“ за првпат по 1962 година загубија два натпревари по ред на домашен терен со три голови разлика, но Тен Хаг не се предава и покрај лошите резултати. „Извинете навивачи, но јас сум борец. Верувам во успех, но јасно е дека во моментов сме во лоша позиција. Преземам одговорност за лошите резултати, но во тоа гледам и како предизвик. Знам дека не сме на добро место, жал ми е за навивачите. Мора да останеме заедно и да се бориме. Секој треба да преземе одговорност и да соработува за да се надмине кризата“, вели Тен Хаг.

Фердинанд обjaсни зошто Белингем не заврши во Јунајтед

Бошко Тасиќ — Wed, 01 Nov 2023 04:58:22 +0000

Рио Фердинанд уште минатата година говореше за стратосферскиот развој на Џуд Белингем и постојано го препорачуваше до управата на Манчестер Јунајтед, но на крајот Англичанецот ги одби премиерлигашките и направи трансфер во Реал Мадрид. Поточно, Јунајтед не испрати ниту официјална понуда и прерано се откажа од тогашната ѕвезда на Борусија Дортмунд, а Рио Фердинанд вели дека Џуд иако имал желба за враќање во Англија, не добил гаранција дека ќе биде главен играч во тимот на Тен Хаг.

– Знаете ли што слушнав? Белингем барам гаранција дека ќе биде важен играч во првиот тим на Јунајтед, но не го добил тоа. Јунајтед не сакал да му ја даде таа гаранција. Информацијата која ја добив е од многу сигурен и добар извор. Кога не му била дадена гаранцијата, решил да си ја бара среќата на друго место, знаејќи колку вреди. Сега е во Реал Мадрид и едноставно растура во овој клуб, тој ги излуде сите на „Бернабеу“. Неверојатен е и сега слободно може да им сврти грб на тие кои не веруваа во него, – вели Фердинанд во своето последно обраќање на јутјуб каналот.

Кин до Тен Хаг по дерби поразот: Првата работа што треба да ја направи…

Бошко Тасиќ — Mon, 30 Oct 2023 04:54:10 +0000

Манчестер Јунајтед имаше ново безлично издание пред своите гледачи и на крајот загуби со убедливи 0:3 во големото градско дерби, кое во последната деценија се почесто изгледа на дуел во кој доминира тимот во сино. Манчестер Сити славеше со двата гола на Ерлинг Халанд и оној на Фил Фоуден, а дел од легендите на Јунајтед повторно беа распоредени во студијата и во живо ги коментираа случувањата на теренот.

Гери Невил остана посебно шокиран од Антони кој намерно сакаше да го повреди Доку, додека Рој Кин му се нафрли на капитенот на Јунајтед и испрати жесток совет до менаџерот Ерик Тен Хаг. Кин го поддржа Холанѓанецот и посочи дека му е потребно време за да го среди хаосот во Јунајтед, но му препорача дека прва работа која треба да ја направи е смена на капитенот.

– Првата работа која јас би ја направил е промена на капитенот. Бруно Фернандеш не е материјал за капитен. Тој постојано се жали и „плаче“. Тој е целосен контраст од тоа како треба да изгледа еден капитен, – посочи Кин.

Дербито на Манчестер го одбележа Халанд

Ивона Петрова — Sun, 29 Oct 2023 17:52:00 +0000

Со два постигнати гола и една асистенција, Ерлинг Халанд беше најдобар играч на градското дерби одиграно вечерва „Олд Трафорд“ меѓу Манчестер јунајтед и Манчестер сити. „Граѓаните“ победија со 3:0. Норвежанецот погоди 26. минута од пенал и во 49., додека во 80. му асистираше на Фоден. За Манчестер сити ова беше осми триумф во десеттиот овосезонски натпревар во Премиер лигата. Јунајтед по 10 кола е на половичен ефект со пет победи и исто толку порази. На табелата води Тотенхем со 26 бода, Арсенал е втор со 24, Манчестер сити е трет со 24, Ливерпул има 23. Манчестер јунајтед е 8-ми со 15 бода.

Гвардиола го советува Јунајтед: Задржете го Тен Хаг, дајте му време

Ивона Петрова — Sun, 29 Oct 2023 15:36:10 +0000

Тренерот на Манчестер сити, Пеп Гвардиола, му дал совет на Манчестер јунајтед по лошиот старт на „црвените ѓаволи“ во Премиер лигата под водство тренерот Ерик тен Хаг. -Јунајтед може да победи пет или шест натпревари по ред и ако го направи тоа ќе биде на врвот на табелата. Оставете го тренерот на место, како што ми направија во мојата прва сезона во Манчестер сити кога не победувавме. Имавме 10 или 11 играчи над 30 години, па требаше да донесеме енергија, квалитет и инвестиции, како и сите тимови. Тогаш бев поддржан, а сега треба да го сторат истото со Тен Хаг. Дајте им време на тренерите и тие ќе дадат резултати, изјави Гвардиола за „Goal“. Тен Хаг го презема Манчестер јунајтед во април 2022 година. Во моментов тимот под негово водство се наоѓа на 8. место во поредокот на англискиот шампионат со 15 бода од 9 кола. Денес Манчестер јунајтед игра против тимот на Гвардиола.

ФА отвори истрага за расизам

Бошко Тасиќ — Fri, 27 Oct 2023 04:00:41 +0000

Андре Онана беше еден од хероите на Манчестер Јунајтед во победата над ФК Копенхаген во Лигата на шампионите, победа која ја обезбеди, потврди со одбранет пенал во судиското продолжение. Овој триумф премногу им значеше на „црвените ѓаволи“, па младиот Алехандро Гарначо во обид да го истакне херојството на Камерунецот објави поста на социјалните мрежи со две горили, а со тоа си направи проблеми иако за кратко време истиот го избриша. ФА отвори истрага за ова, поточно е отворена истрага за расизам и лесно може да се случи тој да биде санкциониран. По ова се огласи Онана кој кој застана во одбрана на својот помлад колега. –Луѓето не можат да избираат од што јас треба да бидам навреден. Знам точно што мислеше Гарначо – моќ и сила. Оваа работа не смее да оди подалеку-порача голманот.

Манчестер јунајтед оствари рекорден приход, но и загуба

Дарко Андоновски — Thu, 26 Oct 2023 17:13:47 +0000

Англискиот фудбалски прволигаш Манчестер јунајтед забележа рекорден приход во износ од 648.4 милиони фунти во финансиската година која заврши на 30 јуни. Вкупниот приход пораснал за 11 отсто во однос на претходната година и го надмина претходниот рекорд на лигата кој Јунјатед го постави во 2019 година. Сепак, како што пренесуваат англиските медиуми, клубот од „Олд Трафорд“ во истиот период е во загуба од 42.1 милиони фунти. Фондот за плати во Јунјатед опаднал за 52.8 милиони фунти на вкупно 331.4 милиони фунти, што се должи на заминувањето на неколкумина скапи играчи, како и неиграњето во Лигата на шампиони.