манчестер јунатед – Kurir.mk

Манчестер Јунајтед и Ливерпул во трка за потпис на шпански репрезентативец

Бошко Тасиќ — Sun, 01 Aug 2021 08:22:57 +0000

Медиумите во Англија пренесуват дека претставници на фудбалерот на Атлетико Мадрид, Саул Нигез во понеделник ќе пристигнат во земјата во обид да обезбедат трансфер на играчот од средниот ред во Премиер лигата.

Во моментов два клуба се сериозно заинтересирани за услугите на 26 годишниот фудбалер кој цела професионална кариера игра во дресот на Атлетико Мадрид.

„Мирор“ пренесува дека Манчестер Јунајтед и Ливерпул се најсериозните кандидати за потписот на шпанскиот репрезентативец кој би чинел околу 40 милиони фунти, иако во неговиот договор има откупна клаузула од 128 милиони фунти. Манчестер Јунајтед ќе тргне по Саул само доколку во клубот им стане јасно дека Пол Погба и дефинитивно ќе си замине за да игра во таборот на ПСЖ.

Манчестер Јунајтед го демолираше Саутемтон (ВИДЕО)

Бошко Тасиќ — Tue, 02 Feb 2021 22:25:14 +0000

По две кола пауза англискиот фудбалски гигант Манчестер Јунајтед прокнижи три бода и убедливо го совлада Саутемтон со 9-0 во рамки од 22. коло од Премиер лигата. Дебитантот Јанкевич стартуваше страотно врз ногата на Мектомнеј уште во втората минута и заврши во соблекувална. Овој црвен картон беше одлучувачки, со оглед на тоа што избраниците на Оле Гунар Солскјар максимално ја искористија бројчаната предност за да го понижат гостинот. Ван-Бисака и Рашфорд ја отворија голеадата и најавија што ќе се случува до крајот. Домашните фудбалери не покажаа милост, а им помогна Беднарек, кој си ја затресе сопствената мрежа. Пред паузата погоди и Кавани, за да стави печат на очајниот прв дел за „светците“. Шанса во продолжението доби Марсијал кој веднаш ја искористи за да го постигне петтиот погодок. Мектомнеј од далечина зголеми на 6-0, а конечниот резултат го поставија Фернандеш од пенал, Марсијал со својот втор гол на мечот и Џејмс во надополнувањето. Кошмарната вечер за Беднарек заврши со исклучување и фаул за најстрога казна во корист на „црвените ѓаволи“. https://www.youtube.com/watch?v=EKj-rawOhXk Во вториот меч од вечерниот термин Кристал Палас запиша големи три бода на гостувањето кај Њукасл каде победи со 3-1.

Паредес е повреден и нема да игра со Манчестер јунајтед

Тале Кристо — Mon, 19 Oct 2020 09:31:12 +0000

Играчот за врска на ПСЖ, Леандро Паредес се повреди во 7. коло од францускиот шампионат против Нимс. Дваесет и шестгодишниот Аргентинец го повреди десниот бутен мускул и беше заменет веќе во 11-та минута. Според „Л’Екип“, Паредес нема да може да учествува на утрешниот натпревар со Манчестер јунајтед во Лигата на шампионите. Оваа сезона, Паредес настапи на четири првенствени натпревари во Франција и заработи еден црвен картон.

Манчестер јунајтед се избори за во полуфиналето во ФА Купот

Магдалена Андонова — Sat, 27 Jun 2020 19:49:13 +0000

Манчестер јунајтед ќе игра во полуфиналето на ФА Купот, откако вечерва го совлада Норвич со 2:1. Гостите кои важеа за голем фаворит до триумфот дојдоа со гол во последните минути од второто продолжение. Резултатот по основните 90 минути беше 1:1, Норвич во 89. минута останаа со фудбалер помалку поради црвениот картон на Клосе, а во 118. минута Хари Мегваер го постигна победничкиот гол за Јунајтед. (МИА)

Солскјер во одбрана на Де Хеа: Дејвид е најдобриот голман на светот, мило ми е што работам со него

Магдалена Андонова — Tue, 23 Jun 2020 13:01:19 +0000

Тренерот на Манчестер јунајтед, Оле Гунар Солскјер, му даде јавна поддршка на голманот на „црвените ѓаволи“, Давид Де Хеа, кој се соочи со критики поради неуспешните интервенции во натпреварот од 30. коло од англискиот шампионат против Тотенхем (1:1). – Давид е најдобриот голман на светот. Тој прими само два гола на последните седум натпревари. Сè уште прави потези кои не спасуваат во дадени моменти. Ни помага да се надминеме. Покрај тоа, Де Хеа работи напорно на тренинзите и е силна личност во психолошка смисла. Среќен сум што работам со фудбалер како него, истакна Солскјер. Де Хеа е во Манчестер јунајтед од 2011 година. Претходно бранеше за Атлетико Мадрид. (МИА)

Манчестер јунајтед почна преговори со Барселона за трансфер на Ракитиќ

Тале Кристо — Sun, 13 Oct 2019 19:21:11 +0000

Фудбалерот од средниот ред на Барселона, Иван Ракитиќ може да ја продолжи кариерата во Манчестер јунајтед, објави АС. Според извештаите на медиумите, 31-годишниот Хрват има намера да го напушти каталонскиот тим. „Црвените ѓаволи“ разговараат за договор со Каталонците за купување на Хрватот. Барселона сака да добие најмалку 34 милиони фунти за Ракитиќ. Интерес за Ракитиќ пројавува и калчолигашот Интер. Оваа сезона Ракитиќ одигра шест натпревари за Барселона и немаше некој забележителен ефект. Неговиот договор со Шпанците важи до 30 јуни 2021 година. Вредноста на хрватскиот репрезентативец на фудбалскиот пазар се проценубва на 35 милиони евра.

Мурињо не го сакал Фред во Јунајтед

Тале Кристо — Sun, 13 Oct 2019 12:35:01 +0000

Поранешниот менаџер на Манчестер Јунајтед, Жозе Мурињо, се изразил против привлекувањето на играчот од средниот ред Фред Родригез минатата година, откри „Атлетик“. Според медиумите, сепак, Португалецот го прифатил договорот од страв дека во спротивно раководството на клубот нема да привлече никој друг. Во летото 2018 година, „црвените ѓаволи“ платија солидни 52 милиони фунти за Бразилецот. Речиси година и пол, тој не може да убеди никого дека договорот вредел. Според „Атлетик“, Мурињо цело време имал загриженост дека кариерата на Фред во Јунајтед ќе се развива точно како што е сега – со неможност играчот да се пробие во првиот тим. На крајот на краиштата, стравувањата на португалскиот стратег дека извршниот директор Ед Вудвард нема да дозволи купување на друг играч од средниот ред, го принудиле Специјалниот да дејствува против неговите чувства. Фред всушност имаше проблеми да игра редовно кај Мурињо, се појави само еднаш на последните 6 натпревари пред отказот на португалскиот тактичар. Наследникот на Жозе како менаџер – Оле Гунар Солскјер, од друга страна, искрено не се потпираше на Фред до сега. Сепак, Норвежанецот неодамна изрази уверување во талентите на фудбалерот.

Солскјер останува тренер на Јунајтед, раководството со целосна поддршка за тренерот

Ивона Петрова — Tue, 08 Oct 2019 10:39:28 +0000

Тренерот на Манчестер Јунајтед, Оле Гунар Солскјер нема да биде отпуштен од работа, пренесува „Дејли меил“. Според британскиот весник, 46-годишниот Норвежанец ужива целосна поддршка кај одборот на директори и американските сопственици, и покрај најлошиот почеток на тимот во последните 30 години. Јунајтед досега на осум натпревари во Премиер лигата има само две победи. Раководството се потпира на Солскјер на долг рок и планира да создаде нов тим под негово водство. После осум кола Јунајтед има девет бода во Англиското фудбалско првенство и е само со два бода повеќе од екипите кои се во зоната на испаѓање.

Погба прогласен за најдобар играч на Манчестер јунајтед во декември

Дарко Андоновски — Wed, 02 Jan 2019 19:11:11 +0000

Играчот од средниот ред на Манчестер јунајтед, Пол Погба, е прогласен за најдобар фудбалер на тимот од „Олд Трафорд“ во декември, објавено е на клупскиот твитер-профил. Дваесет и пет годишниот Французин минатиот месец одигра шест натпревари, постигна четири гола и оствари три асистенции. Во тековната сезона, Погба одигра 23 натпревари за Манчестер јунајтед, постигнувајќи 9 гола и седум асистенции. Манчестер Јунајтед е рангиран на 6. место на табелата во Премиер лигата со 25 бода по 20 кола.

Погба: Благодарен сум му на Мурињо

Ивона Петрова — Sun, 23 Dec 2018 08:22:29 +0000

Играчот од средниот ред на Манчестер Јунајтед, Пол Погба, изненадувачки изрази благодарност на менаџерот на „црвените ѓаволи“, Жозе Мурињо, за да му помогне да се развие како фудбалер. Двајцата не беа во најдобри односи додека Португалецот беше на „Олд Трафорд“, но очигледно Погба е подготвен да ги остави нештата зад себе и да ги „закопа секирите“. – Знам дека очекувате да кажам нешто за Жозе и за денешниот резултат (победа против Кардиф со 5-1). Јасно е дека сме задоволни од оваа победа. Игравме добро и целиот тим беше на ниво. Но, знам дека сакате да ме прашате: „Но, кај Жозе …“ Кај Жозе освоивме трофеи и сакам да му се заблагодарам за тоа. Не беше сè добро, но имаше добри работи – освоивме трофеи. Кога освојуваш трофеи растеш како фудбалер и како личност. Ова е во минатото, но му се заблагодарувам. Убеден сум дека сите веќе се радуваат на следниот натпревар и да освојуваат нови поени. Сакаме да се вратиме на врвот. Тоа е она што морам да кажам, изјави халфот по мечот. Тој додаде дека целиот тим играл добро и изрази задоволство што новиот менаџер, Оле Гунар Солскјер започна со таква победа. – Тоа беше важно и се надеваме дека ќе продолжиме во истиот дух. Нема да биде добро по слична игра денес да го изгубиме следниот натпревар, рече уште Погба.