Манчестер јунјатед – Kurir.mk

Расистички нападнат фудбалер, еве што се случило

Ивана Ефремовски — Mon, 13 Mar 2023 21:13:16 +0000

Кајл Вокер – Питерс, 25-годишниот фудбалер на Саутемптон, беше цел на расистички навреди на социјалните мрежи по натпреварот против Манчестер Јунјатед (0-0) во Премиер лигата, јавија денеска британските медиуми. Причина е прекршокот што Вокер – Питерс го направи врз 18-годишниот Аргентинец Гарначо. Поради тоа играчот на Манчестер јунајтед мораше да го напушти натпреварот и во прв момент се чинеше дека станува збор за потешка повреда. Подоцна, меѓутоа, тренерот на Манчестер јунајтед, Ерик тен Хаг, потврди дека аргентинскиот тинејџер нема долго да отсуствува од теренот. Сервисот Би-Би-Си наведе дека Вокер – Питерс се соочил со бројни понижувачки коментари на социјалните мрежи, а во дел од коментарите на навивачи на Манчестер Јунајтед фудбалерот се навредува на расна основа.

Манчестер јунајтед нуди повеќе пари за Енцо Фернандес

Бошко Тасиќ — Sat, 24 Dec 2022 06:30:19 +0000

Англискиот премиерлигаш Манчестер јунајтед, се влучи во трката по потписот со најдобриот млад играч на штотуку завршеното Светско првенство, Аргентинецот Енцо Фернандес кој настапува за Бенфика. Не само што се вклучи, Јунајтед планира да ја победи конкуренцијата и тоа со „најтешка“ понуда, која според португалскиот новинар Бруно Андраде, изнесува 120 милиони евра. До појавувањето на Јунајтед, фаворит во трката за потпис со Фернандес беше друг премиерлигаш, Ливерпул кој подготви понуда од 100 милиони евра. Енцо Фернандес во Бенфика пристигна изминатото лето од Ривер Плата за 12 милиони евра, и по само една полусезона јасно е дека португалскиот тим добро ќе заработи на Аргентинецот.

Рангник: Ова е најдоброто нешто од Роналдо откако сум во Јунајтед

Бошко Тасиќ — Sun, 13 Mar 2022 07:52:36 +0000

Менаџерот на тимот на Манчестер Јунајтед, Ралф Рангник е воодушевен од изведбата на Кристијано Роналдо на мечот со Тотенхем. Португалецот ги постигна сите три гола за својот тим во триумфот од 3:2 над Тотенхем, и со тоа стана најдобар стрелец во историјата со 807 погодоци. „Сазлуживме да победиме. На два пати противникот ни изедначуваше, но Роналдо вечерва беше фантастичен. Одлично тренираше во последните неколку дена, решивме да биде стартер, а тој ни возврати со прекрасна изведба. Ова е најдоброто нешто од него откако сум дел од Јунајтед. Ова за нас веројатно беше најдобрата изедба против силен противник во последните неколку месеци“ – изјави Рангник.

Роналдо: Фергусон е мојот фудбалски татко

Бошко Тасиќ — Sun, 19 Dec 2021 07:35:27 +0000

Кристијано Роналдо, зборуваше за клупската телевизија и се присети на периодот кога заедно со Сер Алекс Фергусон ги испишуваа некои од најсветлите страници во поновата историја на „Црвените ѓаволи“. Фергусон беше на клупата на Јунајтед кога Роналдо како тинејџер пристигна во клубот и токму благодарение на шансата која му ја даде Шкотланѓанецот тој стана она што е денес. „Замислете, имате 18 години, доаѓате од Спортинг Лисабон и играте со ѕвезди како што се Гигс, Сколс, Кин, Солскјер. Бев малку нервозен, но Фергусон во тој период многу ми помогна да се поврзам со останатите играчи. Се сеќавам дека повремено ме викаше во својата канцеларија и дека на почетокот комунициравме преку преведувач. Тоа не беше никаков проблем. Главата работа беше она што Фергусон ми го кажуваше, ми помагаше да растам како на фудбалски, така и на личен план. Ми помагаше од првиот ден и направи се што кажа. Секогаш велам дека Фергусон ми е како татко во фудбалот“, изјави Роналдо за клупската телевизија. Не е тајна дека Фергусон одигра важна улога кон помалку изненадувачкото враќање на Роналдо на „Олд Трафорд“ кон крајот на преодниот рок во моментите кога беше извесно дека Португалецот ќе се пресели во Манчестер Сити.

Солскјер е веќе минато на Манчестер Јунатед, познато е привременото решение

Бошко Тасиќ — Sun, 21 Nov 2021 07:18:30 +0000

Англискиот фудбалски гигант Манчестер Јунајтед наскоро ќе добие нов предводник. Оле Гунар Солксјер доби отказ од менаџерската позиција во Манчестер јунајтед по попладневниот пораз од Вотффорд со 4-1. Бордот на директори донесе одлука и спортскиот директор му ги соопшти негативните вести на норвешкиот стратег. Поразот од Ливерпул и Сити,Лестер и Јанг Бојс, како и нејасната физиономија на игра, го чинеа поранешниот напаѓач на „ѓаволите“ отказ. Солкјсер дојде на клупата на Манчестер Јунајтед во 2018 година, освои вицешампионска титула, играше финале на Лига Европа, но не успеа да освои ниту еден трофеј. Привремено решение ќе биде Дарен Флечер кој веројатно ќе го води тимот против Виљареал во вторник, а потоа ќе биде назначен перманентен менаџер. Имињата на Зидан, Роџерс и Манчини се појавија во јавноста последните недели.

Кавани нема да го продолжи договорот со Манчестер Јунајтед

Бошко Тасиќ — Mon, 08 Mar 2021 20:50:17 +0000

Уругвајскиот фудбалер Едисон Кавани нема да го продолжи договорот со Манчестер Јунајтед туку на крајот од сезоната ќе замине во Јужна Америка и ќе потпише со тимот на Бока Јуниорс. Искусниот напаѓач игра релативно добра сеозона на Олд Трафорд но по годините минати во Европа очигледно дека сака да ја промени целосно фудбалската средина и ќе замине во Аргентина. Првите луѓе на Бока веќе се во преговори со Кавани кој е подготвен да потпише тригодишен договор со оваа екипа.

Манчестер јунајтед сака да го задржи Кавани

Ивана Ефремовски — Sun, 21 Feb 2021 08:27:13 +0000

Тренерот на англискиот прволигаш Манчестер јунјатед, Оле Гунар Солскјер, најави дека клубот ќе разговара со уругвајскиот напаѓач Едисон Кавани за продолжување на соработката. -Можам само да кажам дека Едисон стори многу за нас, импресиониран сум од него и навистина добро се вклопи во екипата. Наскоро ќе седнеме со него и ќе разговараме. Секако ќе треба да видиме какви се и неговите планови, изјави Солскјер. Кавани минатиот октомври потпиша едногодишен договор со Манчестер јунајтед со можност за продолжување на соработката за уште една година. Тимот на Солскјер во четвртокот го совлада Реал Сосиедад со 4:0, во првиот натпревар од шеснаесетфиналето во Лига Европа, а 34-годишниот Уругваец поради повреда го пропушти дуелот одигран на неутрален терен во Торино. (МИА)