манчестер сити – Kurir.mk

Дербито на Манчестер го одбележа Халанд

Ивона Петрова — Sun, 29 Oct 2023 17:52:00 +0000

Со два постигнати гола и една асистенција, Ерлинг Халанд беше најдобар играч на градското дерби одиграно вечерва „Олд Трафорд“ меѓу Манчестер јунајтед и Манчестер сити. „Граѓаните“ победија со 3:0. Норвежанецот погоди 26. минута од пенал и во 49., додека во 80. му асистираше на Фоден. За Манчестер сити ова беше осми триумф во десеттиот овосезонски натпревар во Премиер лигата. Јунајтед по 10 кола е на половичен ефект со пет победи и исто толку порази. На табелата води Тотенхем со 26 бода, Арсенал е втор со 24, Манчестер сити е трет со 24, Ливерпул има 23. Манчестер јунајтед е 8-ми со 15 бода.

Гвардиола го советува Јунајтед: Задржете го Тен Хаг, дајте му време

Ивона Петрова — Sun, 29 Oct 2023 15:36:10 +0000

Тренерот на Манчестер сити, Пеп Гвардиола, му дал совет на Манчестер јунајтед по лошиот старт на „црвените ѓаволи“ во Премиер лигата под водство тренерот Ерик тен Хаг. -Јунајтед може да победи пет или шест натпревари по ред и ако го направи тоа ќе биде на врвот на табелата. Оставете го тренерот на место, како што ми направија во мојата прва сезона во Манчестер сити кога не победувавме. Имавме 10 или 11 играчи над 30 години, па требаше да донесеме енергија, квалитет и инвестиции, како и сите тимови. Тогаш бев поддржан, а сега треба да го сторат истото со Тен Хаг. Дајте им време на тренерите и тие ќе дадат резултати, изјави Гвардиола за „Goal“. Тен Хаг го презема Манчестер јунајтед во април 2022 година. Во моментов тимот под негово водство се наоѓа на 8. место во поредокот на англискиот шампионат со 15 бода од 9 кола. Денес Манчестер јунајтед игра против тимот на Гвардиола.

Пеп и Сити подготвуваат удар за Клоп и Ливерпул

Бошко Тасиќ — Tue, 24 Oct 2023 03:57:18 +0000

Во Англија полека се подготвуваат за јануарскиот преоден рок, а се чини дека еден фудбалер би можел да биде во центарот на вниманието. Тоа е 20-годишниот играч за врска на Баерн, Џамал Мусиала. Веќе се знае дека Мусиала е голема желба на Јирген Клоп. Тој го сака младиот ас на „Енфилд“, но Баерн ги одби понудите ова лето. Сепак, Баварците би можеле да бидат под добар притисок оваа зима не само од Ливерпул. Во целата приказна се вклучи и Манчестер Сити, бидејќи и Пеп Гвардиола го сака овој млад фудбалер во своите редови. Така, Гвардиола би можел да му зададе уште еден удар на Клоп, но секако и Баерн мора да се праша. Медиумите од Англија пишуваат дека Сити е подготвен да понуди повеќе од моменталната вредност на Мусиала, која изнесува 110 милиони евра. Баерн има добра заштита, бидејќи Мусиала има договор со Баварците до летото 2026 година. Затоа, кој го сака германскиот репрезентативец во своите редови, ќе мора добро да ја отвори касата.

Манчестер сити постави рекорд во Премиер лигата

Ивана Ефремовски — Sat, 21 Oct 2023 17:40:21 +0000

Актуелниот англиски фудбалски шампион Манчестер сити победи на секој домашен натпревар во 2023 година. Избраниците на Пеп Гвардиола денеска го совладаа Брајтон (2:1) во 9. коло од Премиер лигата. Последен пат Сити не победи на домашен терен на 31 декември 2022 година. Оттогаш победија на 21 натпревар одиграни на стадионот „Етихад“. Ова е рекордна серија за англиските тимови. „Граѓаните“ следниот натпревар на домашен терен ќе го играат на 4 ноември – против Борнмаут. (МИА)

Манчестер Сити тргнува по Тони Крос

Бошко Тасиќ — Sat, 14 Oct 2023 11:38:12 +0000

Англискиот и европски фудбалски шампион според пишувањата на англиските медиуми тргнува по фудбалерот на Реал Мадрид Германецот Тони Крос. За Крос во дресот на тимот од Шпанија оваа сезона ќе игра последен пат и на крајот од сезоната ќе си замине од оваа екипа заедно со Лука Модриќ. Пеп Гвардиола има сериозни проблеми во средниот ред поради повреда на неколку играчи па ќе се обиде уште во јануари да го доведе германскиот фудбалски репрезентативец.

Ова на Пеп досега не му се случило

Бошко Тасиќ — Mon, 09 Oct 2023 04:04:47 +0000

Избраниците на Пеп Гвардиола загубија од Арсенал со минимални 1:0, но разочарувачки е што за 90 минути игра шампионот упати само 4 удари кон домашниот гол. Иако во финишот се бореа за реми, момците на Гвардиола не успеаја да упатат ниту еден шут кон голот на Арсенал од 58. минута, кога последен пат се заканија кон домашниот гол. Во англиското првенство под водство на шпанскиот стратег, вакво нешто се нема случено откако тој седна на клупата на Манчестер Сити, значи од 2016 година.

Халанд: Пеп ми рече дека ќе ме претепа

Бошко Тасиќ — Sat, 07 Oct 2023 05:04:54 +0000

Напаѓачот на Манчестер Сити, Ерлинг Халанд за првпат проговори за процесот на преселба од Борусија Дортмунд во Манчестер Сити. Тој пристигна во Англија минатата година за 60 милиони евра. Веднаш го покажа сиот свој неверојатен талент, и со новиот тим ја освои тројната круна. „Пеп навистина бара многу, се работи за многу нешта. Кога разговаравме пред реализацијата на мојот трансфер, тој посебно ми нагласи дека е важно да бидам фокусиран на тренинзите. Тој рече дека ќе ме претепа ако не го почитувам тоа, а сè друго е помалку важно. Така е со него и Манчестер Сити, затоа и се толку успешни. Има притисок, но тој е присутен и индивидуално и тимски. Се бара максимално внимание на тренинзите, бидејќи остатокот од денот го поминуваме во одмор“, рече Халанд.

Сити подготвил нов договор за Халанд

Ристе Здравков — Fri, 06 Oct 2023 08:59:27 +0000

Манчестер сити интензивно работи на продолжување на договорот со Ерлинг Халанд. Норвежанецот има договор до 2027 година. Сити се решија на ваков потег за да го одбијат потенцијалниот напад од Мадрид. Халанд, според актуелниот договор заработува 460.000 евра неделно. Неговата плата ќе биде зголемена доколку го продолжи договорот. Покрај платата Сити ќе ја зголеми и откупната калузула. На овој начин „граѓаните“ ќе се одбранат од Реал, кој во наредниот период ќе се обиде да донесе врвен напаѓач. „Кралскиот клуб“ остана без Карим Бензема, а во летниот преоден рок не сакаа да трошат пари на трансферот на Килијан Мбапе, со надеж дека наредното лето беспалтно ќе го обезбедат потписот на францускиот ас. Халанд минатото лето за 60 милиони евра пристигна во Сити од Борусија Дортмунд. Во својата прва сезона одигра 53 натпревари, постигна 52 гола и забележа девет асистенции. Со Сити ја освои тројната круна.

ПСЖ го купува најдобриот фудбалер на Манчестер Сити

Бошко Тасиќ — Tue, 26 Sep 2023 04:06:37 +0000

Манчестер Сити до почетокот на 2024 година нема да може да смета на услугите на Кевин де Брујне кој се рехабилитира од тешка повреда на листот поради која мораше да заврши и на операција. Договорот на Белгиецот со шампионот на Премиерлигата е со важност до 2025 година, но неговата иднина на „Етихад“ ќе зависи од успешноста на рехабилитацијата, открија неодамна англиските медиуми. Тоа изразува незадоволство кај искусниот фудбалер од средниот ред кој е дел од тимот од 2015 година. Целата ситуацијата сака да ја искористи ПСЖ кој е подготвен да ризикува и да започне преговори за негов трансфер уште во јануари, пренесуваат француските медиуми.

Само Манчестер сити и Интер ги добија сите натпревари во топ 5 лигите

Дарко Андоновски — Mon, 25 Sep 2023 07:40:12 +0000

По поразот (1:3) на Реал Мадрид синоќа од градскиот ривал Атлетико, останаа само два клуба кои не загубија бодови во тековната сезона на петте најсилни лиги во Европа. Во англиската Премиер лига Манчестер сити има шест победи и максимални 18 бодови, додека во италијанската Серија А, Интер има 15 бодови од пет натпревари во Серија А. За одбележување е тоа што во финалето на Лигата на шампионите годинава се сретнаа токму овие две екипи. Освен италијанската и англиската лига, во топ 5 европските лиги се и француската Лига 1, шпанската Ла Лига и германската Бундеслига.