манчевски – Kurir.mk

Дамјан Манчевски се повлекува од политиката – Еве што ќе работи!

Тале Кристо — Tue, 13 Oct 2020 16:11:37 +0000

Поранешниот министер за информатичко општество, Дамјан Манчевски преку својот Фејсбук профил најави дека ја напушта политиката и оти оди да работи во приватниот сектор. Манчевски беше еден од најистакнатите членови на СДСМ а се споменуваше и за нов Генерален секретар на Владата и од тука зачудува што токму сега се повлекува од политичките води. Тој вели дека ова е негова лична одлука и дека било време за нови предизвици. https://www.facebook.com/damjan.manchevski.3/posts/3483658495003519

Манчевски и од изолација му го „чува грбот“ на Филипче, ААВМУ биле виновни?!

Љупчо Цветаноски — Thu, 16 Jul 2020 14:02:09 +0000

Министерството за информатичко општество и администрација на Дамјан Манчевски, кој е во изолација, како надлежно министерство за медиумите, целосно не се согласувало со поднесените прекршочни пријави од страна на Агенцијата за аудио и аудиовизуелни медиумски услуги против телевизиите Телма и Алсат-М, заради пренесена изјава на министерот за здравство Венко Филипче, за време на изборниот молк, информираат од таму. „Двете телевизии на никаков начин го немаат прекршено Изборниот законик, со оглед на тоа што министерот Филипче изјавата ја дал во својство на министер и во врска со здравствената криза предизвикана од вирусот ковид-19. Дополнително, министерот Филипче не беше на ниедна од кандидатските листи за предвремените парламентарни избори 2020 година. Во време на светска пандемија и редовно дневно информирање од страна на Министерството за здравство во врска со вирусот, за нас е несфатливо како регулаторот може да ја смета оваа изјава како прекршување на изборниот молк,“ се вели во соопштението. Од таму додаваат дека „ова е само последен од многуте примери за политизација на АВМУ, велат од политизраното министерство кое преку еден министер го правда незаконскиот настап на друг свој миниситер, притоа набедувајќи независна институција дека била политизирана, само и само затоа што си ја вршела својата работа?!

Муцунски до Манчевски: Контрадикторно е да барате избори, а денеска да се предлага продолжување на вонредната состојба

Тале Кристо — Thu, 14 May 2020 17:31:57 +0000

На денешната Само вистина на Канал 5 телевизија, меѓународниот секретар на ВМРО-ДПМНЕ, Тимчо Муцунски, во реплика кон дамјан Манчевски за датумот за избори посочи дека контрадикторно е СДСМ да бара избори, а денеска министерот на здравство да предлага продолжување на вонредната состојба. -Контрадикторно е на барате избори, а денеска да се предлага продолжување на вонредна состојба пред се заради здравствени мерки, истакна Муцунски. Ние во средината на мај имаме потреба од вонредна состојба заради носење на здравствени мерки, а паралелно СДСМ бара избори за точно еден месец од денеска, вели Муцунски кој истакна дека истото е контрадикторно од владеачката партија. Муцунски објасни дека истото е многу контрадикторно и несериозно кон граѓаните, ние треба да ги почитуваме граѓаните, а тоа е несериозен пристап кон нивниот здравствен интерес. -Ако ние сеуште денеска не сме го постигнале тој минимален праг којшто кажуваат денеска претставници на јавното здравство, 14 дена по ред ние да имаме под 5% позитивни случаи од вкупниот број на тестирани, ние сме далеку од тоа, ние не сме ја добиле битката, вели Муцунски.

Стаменковска Стојковски распали по Манчевски: Министерот заборави да каже дека локалните власти се уште се рекламираат и вршат притисок врз уредувачката политика

Тале Кристо — Tue, 21 Apr 2020 14:12:03 +0000

Министерот за информатичко опшество Дамнјан Манчевски заборавил да каже дека локалните власти се уште се рекламираат и вршат притисок врз уредувачката политика, реагира дополнителната заменик министер за информатичко општество Невенка Стаменковска Стојковски. Вп продолжение ви ја перенесуваме целата реакција на на заменик министерката Стаменковска Стојковски: Министре Damjan Manchevski, Заборавивте да кажете дека во извештајот е истакнато дека локалните власти сеуште се рекламираат и тоа го злоупотребувате како алатка за вршење притисок за промена на уредувачката политика. Намерно или случајно не истакнавте дека во извештајот е нотиран и владиниот обид за потплаќање на медиумите преку реклами за Владините достигнувања, но и навредите и заканите кон новинари од високи владини службеници. Министре Манчевски, Македонија е единствената земја во Европа со осуден новинар за напишан текст. Излегувате на прес-конференција да цитирате извештаи за новинарски слободи, а молчевте кога новинар беше осуден на казна затвор за напишан текст. Јавниот простор во Македонија е приклештен од обвинителско-политичка рекет машинерија на СДСМ која врши притисок врз критичките новинари на кои им се заканува со затворски казни. Кога зборувате за владини алатки за контрола на медиумите ние ќе ве потсетиме на цензурата која ја воведовте во медиумскиот простор со забраната за присуство на критичките медиуми на владини прес-конференции. Да ве потсетиме и на грантот од 350 илјади евра што го доби братот на еден провладин новинар од Фондот за иновации и на грантот од 10 милиони денари за еден провладин дневен весник од истиот тој Фонд, како и на грантот од 80 илјади евра на Агенцијата за филм за фирма на провладини мегафони. Цензура и затворски казни за критичките медиуми од една страна и грантови за провладините мегафони од друга страна. Тоа се алатките на власта на СДСМ за контрола на медиумите. https://www.facebook.com/nevenkastamenkovska/posts/930823717347618

Манчевски по стапките на лидерот Заев, бара намалување на платите во администрацијата

Љупчо Цветаноски — Fri, 27 Mar 2020 11:21:04 +0000

Врхушката и министрите на СДСМ одат по стапките на својот лидер Зоран Заев. Дали соочени со безиденоста и доцното побарување евтини кредити, чин на кој одамна предупредија експертите и опозицијата, неговите подредени партијци почнаа и со ублажување на мерката која ја бара Заев? Сега, во најновиот обид да ја наметнат и оправдаат оваа непожелна мерка, се оди дури и со божемни најави за враќање на парите на администрацијата. Наводно, намалувањето на платите во администрацијата и во јавниот сектор би било времена мерка. „Ако брзо излеземе од кризата, можеме да направиме поврат на средствата што ќе се скратат во следните месеци,“ изјави министерот за информатичко општество и администрација и потпретседател на СДСМ, Дамјан Манчевски Во гостување на ТВ 21. „Во услови кога се прашуваме дали ќе имаме средства да исплатиме плати, средства за здравствената заштита и за други неопходни работи, тоа е нешто разумно што можеме да го понудиме како политички партии. Предлогот на СДСМ опфаќа и намалување на платите на функционерите и на членовите на управните одбори. Оние членови во одбори што се вработени нема да земаат приход од членството во одборот. Трета по ред е администрацијата“, изјави Манчевски . Тој процени дека мерката за намалување на платите на функционерите и на администрацијата, била солидарна. Потпретседателот на СДСМ потенцира дека изборите се одложени, така што нема потреба ниту една партија да прави профитерство во време на здравствената криза. Притоа, Манчевски не појасни дали мисли на претставниците на СДСМ во Владата или на своите функционери.

Стаменковска Стојковски распали по Манчевски: Министерот прво да си го дигитализира министерството

Тале Кристо — Mon, 10 Feb 2020 19:56:48 +0000

Манчевски прво да го дигитализира министерството и да го поправи електронскиот систем за архивирање кој не работи цела година, порачува дополнителниот заменик министер за информатичко општество, Невенка Стаменковска Стојковски на министерот Дамјан Манччевски, кој што денеска во Струмица говорел за дигитализација на администрацијата. -Читам денес министерот Дамјан Манчевски во Струмица зборувал за дигитализација на јавната администрација. Порачајте му на министерот и потсетете го дека прво во Министерството треба да се дигитализира и да си го поправи електронскиот систем за архивирање кој не работи цела година или парите отидоа за кампања...., реагира Стаменковска Стојковски.

Стаменковска распали по Манчевски: Немате капацитет за спроведување проекти, освен изживување врз невини луѓе

Тале Кристо — Sun, 02 Feb 2020 17:38:46 +0000

Да имавте капацитет и знаење онака како што прокламирате досега во МИОА ќе спроведевте некој нов проект, НО вие ги спроведувате проектите кои ВМРО-ДПМНЕ ги креираше и започна со нивна реализација, му порача на министерот за информатичко општество, дополнителната министерка за информатичко општество Невенка Стаменковска Стојковски. -Почитуван министер на Зоран Заев, да имавте капацитет и знаење онака како што прокламирате досега во МИОА ќе спроведевте некој нов проект, НО вие ги спроведувате проектите кои ВМРО-ДПМНЕ ги креираше и започна со нивна реализација. Толку е вашиот капацитет, да продолжите онаму каде што нас не спречивте да работиме. Наместо да се затскривате зад партиски пресови, партиски вработувања и непотизам кажете што навистина сработевте. И да, ќе протестирам секој пат кога вие ќе се иживувате врз невини луѓе, наместо да ги гоните криминалците од Рекет 1, 2, 3..., реагира Стаменковска Стојковски на изјава на министерот за информатичко опшество Дамјан Манчевски.