мандарини – Kurir.mk

Не ја фрлајте кората од мандарините: Три рецепти за домашни лекови

Ивана Ефремовски — Mon, 05 Dec 2022 17:53:15 +0000

Декември е месец кога понудата на мандарини во локалните пазари и продавници е најразновидна и најприфатлива, а она што многумина не го знаат за ова цитрусно овошје е дека е исклучително корисно за здравјето, не само овошјето, туку и кората! Мандарините се богат извор на витамини, антиоксиданси и други корисни материи. Една од здравствените придобивки на ова овошје е тоа што, бидејќи расте на дрво, не содржи тешки метали и радионуклиди кои можат да се акумулираат во почвата. Како прво, ова е една од причините зошто никогаш не треба да ја фрлате кората од ова овошје. Експертите наведоа неколку рецепти кои се покажаа како многу корисни за одредени заболувања. Руската докторка Ирина Волкова вели дека сувата кора најчесто се користи во медицината за подготовка на лековити чаеви. -Го подобрува варењето, го поттикнува апетитот и генерално го зајакнува организмот. Етеричните масла, фитонцидите и флавоноидите помагаат во лекувањето на болестите на бронхопулмоналниот систем, објасни Ирина. Надуеност Исушената кора од мандарина сомелете ја во мелница за кафе и додајте ја во свежото сирење, кашата и другите јадења. Јадете по една лажичка по оброк. Бронхитис Истурете две супени лажици сецкана, сува кора во една ипол чаша врела вода. Гответе на тивок оган 5 минути, а потоа покријте и оставете да отстои еден час. После тоа, процедете. Земете половина шолја топол чај 2-3 пати на ден, половина час пред јадење. Сува кашлица За полесно искашлување на секретот насобран во грлото земете 2 лажици сечкана кора и измешајте со 1 чаша ракија (или водка). Оставете една недела на темно место, па процедете. Земете 20 капки во чаша вода 3 пати на ден пред јадење.

Совршенство: Мирисен и сочен колач од мандарини

Ивона Петрова — Thu, 17 Nov 2022 13:09:35 +0000

Мирисен и сочен, лесен како пена со неодолива арома на мандарини. Состојки: 2 jајца (одвојте ги жолчките од белките) 200 гр. шеќер 1 лажичка екстракт од ванила 125 мл. сок од мандарини 125 мл. зејтин 200 гр. брашно 1 прашок за печиво изрендана кора од две мандарини Глазура (по желба) 100 гр. шеќер во прав сок од две мандарини Изматете ги пенасто жолчките со шеќер и ванила. Продолжете и со постепено матење додавајте го сокот од мандарини и зејтинот. Додадете брашно и прашокот за печиво и полека матете додека смесата не се соедини. Во посебен сад изматете ги белките во цврст снег, па дел по дел, додавајте го тестото. Во долгнавест калап, 30x10 сантиметри, обложен со хартија за печење, ставете ја смесата и печете во загреана рерна на 180 степени околу 35 минути. Најдобар начин да проверите дали колачот е готов е со чачкалица. Печениот колач превртете го на решетка, па изладен повторно свртете го. Можете да го послужите со шеќер во прав или да му ставите глазура.

Колку мандарини дневно треба да јадете?

Ристе Здравков — Fri, 14 Oct 2022 07:02:17 +0000

Кога ќе започнат ладните есенски денови, веднаш си го замислуваме мирисот на првите мандарини. Мандарини се во служба на нашето здравје, но и против вишокот килограми – започнува нивната сезона во која тие ќе се продаваат по достапни цени. И она што е најважни дека тие содржат навистина малку калории, што ги прави и доста посакувани за консумација во текот на целиот ден или речиси неограничено. Во еден килограм мандарини има вкупно 354 калории, а огромна количина на витамин Ц и други хранливи материи. Ова вкусно и сочно портокалово овошје е всушност толку моќно што може секој од нас да го расположи. А како и не би го направило тоа кога е толку многу здраво! Мандарините се и толку многу вкусни што речиси и да не постои некој на овој свет кој што не ги сака. Меѓутоа, дали знаете дека тие за нашиот организам претставуваат нешто многу повеќе од само вкусен десерт? Мандарините го намалуваат ризикот за добивање на рак Мандарините можат да ја намалат можноста за добивање на рак на црниот дроб. Всушност, научниците на Универзитетот Кјото откриле дека луѓето кои имаат хроничен вирусен хепатит можат да го намалат ризикот за добивање на рак на црниот дроб ако пијат сок од свежи мандарини. Во едногодишната студија во која учествувале лица кои имале вирусен хепатит, 30 од испитаниците на дневно ниво консумирале напиток кој содржел сок од мандарини. На крајот од ова истражување, ниту еден од овие испитаници не покажал знаци на рак на црниот дроб. За разлика од нив, помеѓу 45 учесници кои не го пиеле овој пијалок, 8.9 отсто од нив развиле рак на црниот дроб. Мандарините се одличен извор на Витамин Ц Мандарините можат да ви дадат и до 80 отсто од потребниот дневен внос за витамин Ц. А витаминот Ц е и повеќекратно корисен, на пример во борбата со слободните радикали. Тоа се молекули со непарен број на електрони кои го бараат својот пар со што “крадат” електрони од стабилните слободни радикали. Ова предизвикува таканаречена верижна реакција, односно премин од стабилни радикали во нестабилни, што на крајот може да доведе и до телесни оштетувања како што се оштетувања на протеините и оштетување на ДНК-та. Антиоксидансите помагаат да се спречи оваа верижна реакција и да се запрат ваквите оштетувања, а тоа, меѓу останатото го зајакнува и имунитетот. Мандарините влијаат на холестеролот Антиоксидансите во мандарините можат да го намалат нивото на лошиот холестерол. Тоа го постигнуваат борејќи се против слободните радикали кои го оксидираат холестеролот, а така тој лесно се наталожува на ѕидовите на артериите. Наталожениот холестерол прави всушност крвта да започне да тече забавено во артериите, што може да го зголеми ризикот за добивање на зголемен крвен притисок, мозочен удар, болести на срцето и заболувања на црниот дроб. Мандарините ќе ви помогнат во борбата со килограмите Мандарините се голем извор на диететски влакна, дури 3 грама влакна на 100 грама производ. Редовното внесување на влакна помага да чувствуваме ситост, а според истражувањата, на децата и на возрасните им е потребно да внесат околу 20 грама влакна дневно. Меѓутоа, можеби би требало да внесувате и малку повеќе, завосно од количеството на калории кои ги консумирате. На пример, мажите и тинејџерите можеби би требало да внесат околу 30 до 35 грама влакна дневно. Консумирањето на мандарини ќе ја задоволи оваа дневна потреба, и тоа на апсолутно вкусен начин.

Мандарина – најосвежителното овошје со малку калории

Ивана Ефремовски — Mon, 10 Oct 2022 13:35:05 +0000

Мандарините се наше омилено зимско овошје поради прекрасниот мирис и вкус, но и малку калории. Дрвото на мандарината може да порасне и до три метри, а се карактеризира со прекрасни широки листови. Еден плод од ова дрво содржи околу 32 милиграми витамин Ц, што е половина од дневната препорачана доза на овој витамин кој ни е најважен во текот на зимата. Витаминот Ц штити од настинки а игра важна улога во синтезата на колагенот и еластинот во нашето тело. Тие се белковини кои се важни за нашата кожа, мускули. Освен тоа, витаминот е и силен антиоксидант кој штити од напад на различни болести. Една мандарина содржи околу 50 калории што ова овошје го прави совршено за диетите. Мандарините се и одличен меѓуоброк, бидејќи имаат мало количество на калории, но и масти и холестерол. Ве советуваме да ги конзумирате заедно со белата кора, поради флавоноидот кој го содржи таа.

Доаѓа нивната сезона: Мандарини треба да јадете секој ден, дознајте зошто!

Ивана Ефремовски — Wed, 05 Oct 2022 20:21:30 +0000

Мандарините се одличен избор, затоа што содржат двојно повеќе витамин Ц од портокалите, а само едно големо овошје задоволува 53 проценти од дневните потреби за овој витамин кој е моќен антиоксиданс. Богати се со фолна киселина, чиј недостаток кај бремените жени може да предизвика предвремено пораѓање, но и со растителни влакна, со што се стимулира функцијата на цревата. Мандаринскиот пектин спречува покачување на нивото на шеќер во крвта и го намалува чувството на глад. Секојдневното консумирање се препорачува на оние кои сакаат да ослабат или да одржат витка линија. Добри се за нега на лице, а есенцијалното масло од ова овошје е особено ефикасно кај мрсна и проблематична кожа. А за да искористите се што ова овошје нуди, дневно треба да јадете околу седум мандарини.

Зошто портокалите се продаваат во црвена мрежа, а лимоните во зелена? Ова не е само маркетинг трик, ова е илузија

Ивана Ефремовски — Wed, 16 Feb 2022 14:17:06 +0000

Портокалите и мандарините кои се продаваат по продавниците се спакувани во мрежи со црвена боја. Дали некогаш сте се запрашале зошто? Тоа не е случајно така. -Причината за тоа е тоа што портокалите спакувани во црвени мрежи изгледаат позрели и посвежи и се попримамливи за купувачите, објаснил Мартин Линдсторм, автор на бестселерите „Buyology“ и „Randwashed – Tricks Companies Use to Manipulate Our Minds and Persuade Us to Buy“, кој во своите книги го споменува овој трик. Исто така лимонот и грејпфрутот секогаш се спакувани во жолта и зелена мрежа затоа што во црвена амбалажа ќе изгледаат портокалови. Оваа појава се нарекува Мункерова илузија која тврди дека мозокот различно ги процесуира боите во зависност од боите кои го опкружуваат. Во овој случај тоа значи дека мрежата во една боја влијае на доживувањето на агрумот и неговата боја. Линдсторм во своите книги објаснува дека корпите во продавниците со текот на времето станале многу поголеми, а тоа е така затоа што со поголемите корпи купувачите купуваат дури за 19 отсто повеќе производи.

Носат здравствени придобивки, ја ублажуваат нервозата и богати се со витамини, еве зошто да јадете мандарини

Ивана Ефремовски — Thu, 03 Feb 2022 09:40:55 +0000

Освежителни, пријатни на вкус и арома, мандарините се многу вкусно и здраво овошје кое скоро секој го сака. Има повеќе здравствени придобивки, создава добро расположение, освежува и ја ублажува нервозата. Тие се многу богати со витамин Ц, затоа се одлични за борба против настинки и стрес. Мандарината, исто така содржи фолна киселина, железо, калиум, магнезиум, витамини Б1, Б2 и Б3. Помага во борбата против холестеролот и го штити срцето. Топи килограми Мандарината е дефинитивно совршено овошје за оние кои сакаат да изгубат тежина. 100 грама од ова овошје содржи само 34 калории. Таа е совршен сојузник во борбата против стрии и целулит. Едната мандарина содржи 85% вода, што иницира детоксикација на организмот и обезбедува 80% од потребниот дневен внес на витамин Ц. Таа е богата со диетални влакна, кои се одлични за варење. Драгоцена во негата на кожата Можете да ја користите за убава кожа и доволно е да земете две мандарини, да ги исцедите и сокот да го натопите во газа. Газата држете ја на лицето и вратот околу 20 минути. Исплакнете со ладна вода и можете да ја користите еднаш неделно за да ја освежите кожата. Мандарината содржи бета-криптоксантин, кој делува на кожата како витамин А. Ја обновува кожата и ја зајакнува еластичноста на кожата. Отвора запушени пори и запира создавање на дамки на кожата. И дава на кожата младешки изглед и хидратација. Препорачана дневна доза е околу 7 мандарини Препорачливо е да ги чувате мандарините на собна температура, рок на траење имаат околу една недела. Од мандарините може да се направи џем, компот, колачи и торти.

Време е за МАНДАРИНИ: Колку е здрав најомилениот цитрус на студените денови

Ристе Здравков — Fri, 10 Dec 2021 13:53:14 +0000

Зимата е зад аголот, времето станува се поладно, а плодовите кои полека се „вселуваат“ во нашите домови се мандарините. Сега е идеално време за нив, тие првично се одгледувале во Азија, а потоа го пронашле патот до сите земји во светот. Мандарините и здравјето Мандарините содржат витамини А, Б и високо ниво на витамин Ц, кој е одличен за спречување на инфекции, отстранување на слободните радикали и одржување на здрава кожа. Витаминот Ц кој се наоѓа во мандарините делува за спречување на настинки и за одржување на правилното функционирање на имунолошкиот систем. Мандарините се вкусен и здрав начин за подобрување на исхраната и имунитетот. Помагаат да се исфрлат токсините Мандарините се одличен начин да се исфрлат токсините од телото, а се и добар извор на влакна! Исто така, помагаат во намалување на холестеролот и одржување на рамнотежа на шеќерот во крвта со забавување на апсорпцијата на храната. Ги зајакнуваат коските Мандарините се одлична опција бидејќи содржат калциум, фосфор и магнезиум, кои помагаат во градењето на јачината на коските и борбата против остеопорозата. Крвен притисок Редовното јадење мандарини може да ви помогне да го контролирате крвниот притисок. Влакната, калиумот и антиоксидансите во овошјето одржуваат непречен проток на крв и го одржуваат низок крвен притисок.

Мандарини за витка линија и посилен имунитет: Колку треба да јадете на ден?

Ивана Ефремовски — Wed, 08 Dec 2021 18:07:04 +0000

Мандарините се одличен избор, затоа што содржат двојно повеќе витамин Ц од портокалите, а само едно големо овошје задоволува 53 проценти од дневните потреби за овој витамин кој е моќен антиоксиданс. Богати се со фолна киселина, чиј недостаток кај бремените жени може да предизвика предвремено пораѓање, но и со растителни влакна, со што се стимулира функцијата на цревата. Мандаринскиот пектин спречува покачување на нивото на шекер во крвта и го намалува чувството на глад. Секојдневното консумирање се препорачува на оние кои сакаат да ослабат или да одржат витка линија. Добри се за нега на лице, а есенцијалното масло од ова овошје е особено ефикасно кај мрсна и проблематична кожа. А за да искористите се што ова овошје нуди, дневно треба да јадете околу седум мандарини.

Го будат хормонот на среќа и штитат од болести, еве зошто да јадете мандарини

Ивана Ефремовски — Fri, 05 Nov 2021 19:17:23 +0000

Мандарините се овошје кое се јаде во лето и зима, а помагаат на многу начини освен што се вкусни. Имаат само 46 калории, многу витамини особено витамин Ц, калиум, калциум, магнезиум во себе. Имаат и важни минерали за телото. Мандарините намалуваат ризик од рак и го намалуваат холестерот во телото. Диетални се и помагаат да слабееме. Помагаат за подобар имунитет, здрава кожа, раст на косата. Исто така, го будат хормонот на среќата како дел од групата цитрусни овошја.