Мане Јаковлевски – Kurir.mk

Јаковлевски: За неколку месеци ќе има избори на кои ќе му се стави крај на лоповското владеење на СДС-ДУИ, секој глас ќе биде важен и потребна ќе е масовна излезеност

Ристе Здравков — Sun, 01 Oct 2023 13:34:50 +0000

Мане Јаковлевски, претседател на Унија на ветерани на ВМРО-ДПМНЕ од втората годишна конференција на унијата насловена „Традиција која обврзува, за иднината која доаѓа“ во воведниот говор се заблагодари на претседателот, Христијан Мицкоски што пред повеќе од две години донесе историска одлука да се формира Унија на ветерани. „На 21 септември, пред десет дена, по предлог на Извршниот Комитет, Централниот Комитет донесе одлука за промена на правилникот за работа на ВМРО-ДПМНЕ, со која промена УВ се изедначи со правата и обврските со УМС и УЖ. Ја добивме довербата и затоа што ние сме чувари на аманетот и идеалите на Илинденците и партизаните, запишани во документите на Крушевската Република и АСНОМ, кои денес се испоганети од челниците на СДС. Мораме да ја оправдаме оваа доверба што ни е дадена! Браќа и сестри, секој почеток е тежок, така и нашиот почеток како УВ не беше едноставен, беше тежок но сепак многу се сработи. За ова релативно кратко време Формиравме: 72 општински УВ, 1116 УВ во Месните Комитети, регистрирани се 34.200 членови од редовите на УВ низ цела Македонија“, рече Јаковлевски. Додаде дека Унија на Ветерани заедно со сите партиски структури активно учествуваше на последните локални избори, на кои убедливо победивме во 42 Општини, следејќи ги упатствата на партиското раководство се направија повеќе 100-тици средби низ целата држава. Јаковлевски ја искористи оваа прилика, во името на Извршниот комитет на Унија на Ветерани изрази длабока почит кон Општинските Унии на Ветерани, за се што направиле и се што понатака ќе прават за ВМРО-ДПМНЕ и Македонија. „Благодарение на посветеноста и одговорноста кон предизвикот пред кој македонскиот народ е исправен во најтешкиот период од своето постоење успеавме да го извлечеме најдоброто од нас. Сето тоа зачинето со грижа на совест, дали сме направиле се за својот народ и за татковината Македонија, како основачи на ВМРО-ДПМНЕ и втемелувачи на самостојна Република Македонија“, истакна Јаковлевски. Во својот говор, Јаковлевски се осврна и на состојбите во Македонија, при што потенцираше дека ситуацијата е многу сериозна и дека партиите на власт СДСМ и ДУИ се занимаваат само со лоповлук и распродажба на македонските национални интереси. Додаде дека за неколку месеци ќе има избори на кои ќе им се стави крај на нивното владеење, но повика и на масовна излезеност затоа што секој глас ќе биде важен за рушење на актуелната власт. „Браќа и сестри ветерани, Состојбата во Македонија е многу сериозна, СДС и ДУИ освен лоповлук и распродажба на национални интереси ништо корисно не направија. Сменија име, идентитет, менуваат историја, местат тендери, трошат државни пари за незапочнати и без проекти- патишта, ги полнат сопствените џебови, крадат лекарства од пациенти со најтешки болести, а наши граѓани умираат. Им се ближи крајот. За неколку месеци ќе има избори. Не чека голема работа, а ќе успееме ако сме сплотени и обединети. На наредните избори, потребна ќе биде масовна излезеност. Да не се залажуваме и да кажеме и без мојот глас ќе победиме. Секој оној кој што така мисли, прави корист за СДС и ДУИ. На наредните избори потребен ќе е секој еден глас“, рече Јаковлевски, додавајќи дека треба ги засукаме ракавите и на наредните избори да обезбедиме над 61 пратеник.

Јаковлевски до Љупчо Ѓорѓиевски: Треба да објасниш како се станува просечен бизнисмен со неколку милиони евра имот

Катерина Бојаџиева — Fri, 22 Sep 2023 14:20:49 +0000

Порака до Љубчо Софија, Љубчо додека даваш многу совети, седнат во скутот на СДС и ДУИ, јас имам само еден совет: Ќе влеземе и во ЕУ, и ВМРО ќе победи, само требаш да објасниш како се станува од просечен граѓанин, до просечен бизнисмен, со неколку милиони евра имот, и необјасниво многу друг вид на капитал. Значи едноставно нели почувствува обврска да вратиш дел од парите на народот. И на крај додека пишуваш за иднината на Македонија дај еднаш расчисти со историјата на Бугарија, пишува на социјалната мрежа на Фејсбук Мане Јаковлевски од Унијата на ветерани на ВМРО-ДПМНЕ.

Јаковлевски: Да излеземе масовно на Референдум и да го искажеме нашиот став за поништување на договорот со Бугарија кој е изворот на проблемите и асимилација кон Македонија

Дарко Андоновски — Thu, 08 Sep 2022 17:01:17 +0000

На денешната прва годишна конференција на Унијата на ветерани на ВМРО-ДПМНЕ се обрати претседавачот на Унијата на ветерани Мане Јаковлески, во своето обраќање тој ги истакна почетоците на ВМРО-ДПМНЕ и борбата за осамостојување на Македонија. Тој потенцираше дека за него е апсурдно однесувањето и изјавите на СДСМ кои денес го обвинуваат ВМРО-ДПМНЕ дека не сакала Македонија да влезе во ЕУ и НАТО, а истите тие тогаш биле против самостојна Македонија и против зачленување на Македонија во ЕУ и НАТО. Драги пријатели, браќа и сестри. Денес одново сме соочени со нова борба. Тоа е борбата да го искажеме нашиот став за договорот со Бугарија кој е изворот на проблемите и асимилацијата кон Македонија. Треба македонците да се обединат околу ставот да се излезе што е можно помасовно на референдум и да се гласа за поништување на договорот со Бугарија. Оние кои што мислат спротивно или се за СДСМ или работат по нарачка на СДСМ свесно или несвесно. И овие денови се однесуваат како да го бранат народот и Македонија од ВМРО па глумат и загрижени патриоти. Вие да ја сакавте Македонија немаше да им слугувате на тие кои ја продаваат и тие кои ја доведоа на колена. Затоа апелирам да се излезе одлучно и да се обединиме околу ова прашање. Ова е таа можност да се направи разлика и да се докаже дека македонците се спремни не само да ја создадат туку и да ја градат нашата Македонија, истакна Јаковлески. Тој дополнително во своето обраќање испрати апел до сите граѓани: Ги повикуваме сите граѓани на нашава Македонија да застанат зад браникот на нашата Татковина, да застанат зад ВМРО-ДПМНЕ единствени, сплотени, исправени, затоа што тие најдобро го препознаваат доброто и лошото, ја знаат празната демагогија на политичарите од СДСМ и целата антимакедонска тајфа. Само сплотени можеме да ја одбраниме нашата Македонија и да им ја обезбедиме иднината на нашите деца и внуци! Само сплотени ќе покажеме дека Македонија раѓала, раѓа и ќе раѓа синови кои знаат и можат да ја одбранат! Само заедно можеме да излеземе како победници. Да се обединиме против злото наречено СДСМ, За да не биде предоцна! Повикуваме да се збијат редовите и отсечно и директно да им кажеме “НЕ“ на распродавачите и неспособните кои ја уништуваат нашата Македонија, порача тој.

Јаковлевски: Прв пат во историја на суверена држава за терористи се осудени луѓе што немале никакво оружје во себе, уставобранителите и нивните семејства бараат повторување на случајот 27 април

Ристе Здравков — Wed, 27 Apr 2022 11:28:29 +0000

Претседателот на Унијата на ветерани, Мане Јаковлевски на денешниот протест во организација на Унијата на ветерани и Патриотскиот институт на ВМРО-ДПМНЕ „Гоце Делчев“ за неправедно осудените за случајот 27 април, пред КПУ во Прилеп истакна дека прв пат во независна и суверена држава за терористи се осудени луѓе кои што во себе не носеле никаков вид на оружје, туку во себе ја имале само Македонија. Тој посочи дека често се сеќава на зборовите од затворот во Скопје на Драган Богдановски кој велел, „Не ми е жал што лежам во зандани, лежам за Македонија. Криво ми е што ме обвинија македонски судии и лежам во македонски зандани“, нешто што ги снајде и нашите уставобранители, бранејќи го достоинството на македонската држава и македонскиот народ, кои се осудени на 211 години робија. Јаковлевски повика уставно бранителите под итно да се ослободат и додаде дека тие и нивните фамилии бараат враќање на случајот од почеток. „Почитувани, под итно да се обнови делото бараат уставобранителите, фамилиите на уставобранителите, Унија на ветерани, Патриотскиот институт, Унија на млади сили, Унија на жени и конечно целиот македонски народ бараат под итно да се ослободат“, рече Јаковлевски. Тој додаде дека злосторничка дружина како што тој ја вика, која што се нарекува партија СДСМ, ги награди сите кои што учествуваа во злосторничкото здружение да ги осудат нашите браќа родољуби, истите тие кои што ги однесоа да бидат затворени и осудени денес се на високи позиции во институциите, како на пример претседателката која што го води Уставниот суд која што беше главниот виновник да ги обвини и главниот човек, жена што придонесе да добијат такви високи драконски казни. Јаковлевски истакна дека во затворите во кои што лежат уставобранители, местото им е на тие што се викаат партија СДСМ на чело со нивниот Зоран Заев, затоа што на Македонија им треба луѓе патриоти и родољуби кои што можат да спасат тоа што може да се спаси од распродажбата на националните интереси кои ги прави актуелната Влада. „Местото на овој затвор и не само на овој затвор, во Штип, Куманово и Прилеп е токму за тие кои што се викаат партија СДСМ, на чело со нивниот Зоран Заев. На Македонија и се потребни родољуби, на Македонија и се потребни патриоти кои што можат уште нешто ако може да се спаси од државата или што остана уште за спасување. Оваа Влада која што владее во Македонија не ги интересира ниту Македонија ниту Македонците, ги интересира само пари, провизии и ништо повеќе и предавство на Македонците“, рече Јаковлевски.

Мане Јаковлевски: Љубчо Георгиевски стана слуга на Заев

Дарко Андоновски — Tue, 18 Jun 2019 16:47:01 +0000

Го прочитав статусот на Љубчо Георгиевски посветен на делот за Драган Богдановски и Христијан Мицкоски. Жално е да се гледа како „војводата“ се пенави во улога на слуга на Заев, ова го пишува во својот статус на Фејсбук Мане Јаковлевски, еден од основачите на ВМРО-ДПМНЕ. -И се знае дека тука суштината е преку груба и неоснована лага, да се додвори на Заев, и тоа врз невистина, врз информација која никогаш Мицкоски не ја изговори. А вистинското прашање е зошто Љубчо сега го напаѓа ВМРО, зошто лепи неосновани етикети на Мицкоски за некаков ген со неговиот претходник,а во исто време е на страната на Заев, во стилот на некој дволичен инфорбировец. Одговорот упатените велат лежи во лукративноста на авторот, но за мене она што е уште попоразително е во исто време да се седи во скутот на Заев и да се говори за историјата на ВМРО-ДПМНЕ! Драган Богдановски не дојде на основачкото Собрание на 17 јуни 1990 г. затоа што немаше патна, тогаш сеуште ЈУ исправа.

И, ако таткото на детето не бил во болницата кога се породило, сепак е татко, нели? ПОКОЕН ДРАГАН БОГДАНОВСКИ е ИНИЦИЈАТОРОТ И ИДЕОЛОГОТ НА ВМРО-ДПМНЕ П.С Немој барем ти да говориш за улогата на Драган Богдановски кој ниту сега ниту за сто години нема да можеш да се доближиш ниту до неговата сенка, а не пак повеќе. Драган се декларираше за Македонец, и беше Македонец, од глава до пети, и даде се за нашата партија и кауза. Љубчо не може да се пофали со тоа. Бог да го прости и Вечна му слава на Идеологот на ВМРО-ДПМНЕ Драган Богдановски, стои во неговиот пост на Фејсбук.

Мане Јаковлевски со одговор до Георгиевски: Не можеш да му седиш во скутот на Заев, а да говориш за ВМРО

Дарко Андоновски — Tue, 18 Jun 2019 16:08:27 +0000

Јаковлески: На 5-ти мај да гласаме за број 2, за професорката Гордана Силјановска Давкова

Ивана Ефремовски — Fri, 03 May 2019 21:28:59 +0000

Еден од основачите на партијата, Мане Јаковлески, апелира во недела да се гласа за кандидатот поддржан од ВМРО-ДПМНЕ, Гордана Силјановска Давкова. Неговиот текст го пренесуваме во целост: Ова се шестти претседателски избори во Македонија од осамостојувањето на Македонија во 1991 година. Меѓутоа, ова се првите избори по Преспанската спогодба меѓу Грција и Македонија која со помош на Зоран Заев и неговата СДС земјата го смени името на Република Македонија. Единствен спас за Македонија од ова сценарио е оваа разорна власт која потфрли во одбраната, контролата на внатрешните работи и владеењето на криминалот, да си замине. Начинот на кој што ќе си замине побрзо и најефикасно е пораз за СДС на идните Претседателски Избори. Македонскиот народ мора да се мобилизира и на 5 мај да ја даде целата своја поддршка на единствениот кандидат кој ќе ги штити македонските национални интереси, професорката Гордана Силјановска Давкова. Професорката Гордана Силјановска Давкова ги има сите адути да биде идна мајка на нацијата. Со нејзината победа таа ќе ја врати правдата и стабилноста во земјата, како што тоа досега го правеше Претседателот Ѓорге Иванов. Затоа е потребно гласачите масовно да излезат на овие претседателски избори. Тие со своето гласање треба да ја делегитимираат авторитарната власт на Зоран Заев. Овој пат мнозинството кое го бојкотираше референдумот за промена на името, како и оние кои власта ги разочара, треба масовно да излезат и да и дадат поддршка на професорката Гордана Силјановска, за идната мајка на нацијата. Ги повикувам Основачите, Ветераните на ВМРО-ДПМНЕ и сите кои ја сакаат нашата единствена татковина Р. Македонија, на 5 мај да ја дадеме целата своја поддршка на единствениот кандидат кој ќе ги штити македонските национални интереси. На 5 мај да гласаме за број 2, за професорката Гордана Силјановска Давкова. Вечна да е Република Македонија!

Основачите на партијата со поддршка за Мицкоски: Тој со ставови на државник и патриот, антидржавникот Заев во одбрана на Грција

Ивана Ефремовски — Wed, 27 Mar 2019 12:00:52 +0000

Мицкоски со ставови на државник и патриот, а Заев во одбрана на грчките интереси. Вака основачите на ВМРО-ДПМНЕ го коментираат синоќешниот ТВ дуел меѓу Христијан Мицкоски и Зоран Заев. Ламбе Арнаудов, Мане Јаковлевски и Иван Соколов во своите анализи за вчерашните настапи на лидерите на двете најголеми партии. Ламбе Арнаудов вели дека на вчерашниот ТВ дуел Мицкоски покажал патриотски чувства како Македонец, а Заев ги бранел интересите на Грција. -Судбината на македонскиот народ е тешка и претешка. Меѓутоа, Македонецот сам избира како ќе оди-дали исправен, горд, честит или ќе се свитка, ќе лази или ќе оди по патот на историјата. Синоќа беме сведоци на дуел на еден благороден човек, патриот, кој што ги има сублимирано сите историски личности во себе и ја има дефиницијата на нивните најдобри патриотски чувства собрани во себе, тоа е господинот Мицкоски кој потврди дека е бедем на македонската држава и народ, а од друга страна го имавме премиерот не на Република Македонија, туку на Република Грција. Низ неговиот разговор почувствувавме дека тој повеќе се грижи за судбината на Грција и грчкиот народ и нивните интереси, отколку за Македонците, истакнта Арнаудов во изјава за КУРИР. „Христијан Мицкоски на вчерашниот настап покажа сериозна надмоќност над Заев и со факти и аргументи ги разобличи неговите лаги“-ова е ставот на Мане Јаковлевски. - Се покажа дека стои цврсто зад државните и национални интереси, а Заев целосно се "разголи". Тој беше матиран кога се обелоденија фирмите на неговото семејство во Бугарија за кои најпрво тврдеше дека не ги знае, а подоцна го покажа спротивното. Македонскиот народ мора да се обедини за да се спаси од Заевистичкото зло. За таа цел потребно е на луѓето што се заблудени поради простотилок и незнаење, како и на оние кои поради лошотија и расипаност ја подржуваат сегашната власт да им се објасни кон каде злото на Заевистите ја турка земјата. Всушност на овие луѓе мора да им се прости и тие мора да се привлечат за македонската кауза, пред сегашната власт тотално да ја уништи македонската куќа. Штетата која ја нанесе оваа владина гарнитура е ненадоместлива од секој аспект од државниот систем, едноставно државата се распаѓа. Затоа ова лудило ќе запре со победата на ВМРО-ДПМНЕ на претстојните претседателски избори, а веднаш потоа и на предвремените парламентарни избори, истакна Јаковлевски во изјава за КУРИР. По синоќешниот ТВ дуел, со свој коментар се огласи и Иван Соколов. -Синоќешниот дуел помеѓу Мицкоски и Заев заврши очекувано со еден и единствен заклучок. Дебата помеѓу државник со силна грижа за својата татковина Македонија и својот македонски народ и џамбаз кој без тронка грижа на совест се обидува да одбрани нешто што не се брани. А како може човек да одбрани една гомила на антинационални и антидржавни постапки кои Зоран Заев ни ги приредува две години без прекин. Мицкоски покажа дека е човек кој кога ќе застане на чело на државата ќе биде браник за татковината, човек што ќе го цени минатото, ќе работи за иднината и ќе работи исклучиво согласно закон и никако поинаку. Македонија има потреба од лидер кој знае во која насока треба да ја движи земјата за доброто на нејзините граѓани, Христијан Мицкоски е таков лидер, анализира тој.

Јаковлевски: Ќе одиме напред за доброто на партијата, за доброто на Македонија

Предраг Кукиќ — Tue, 23 Oct 2018 20:51:39 +0000

ВМРО-ДПМНЕ е голема партија и секогаш и во минатото не само сега имало такви случки каде што влегувале луѓе кои што очигледно не и мислеле добро на партијата и добро е што претседателот Христијан Мицкоски смогна сили да расчисти со тоа крило кое што за жал тоа што го работеа ќе има долги последици кон Македонија. Ќе одиме напред за доброто на партијата, за доброто на Македонија, изјави Мане Јаковлевски еден од основачите на ВМРО-ДПМНЕ, кој присуствуваше на прославата по повод Денот на македонската револуционерна борба во Македонскиот народен театар.