манекенка – Kurir.mk

„ГЛУМИ ЗАЉУБЕНА ЖЕНА ЗА ДА УЖИВА ВО НЕГОВИТЕ ПАРИ“ – оваа манекенка со години е мета на омраза од следбениците, сето тоа поради тоа кои ѝ е сопруг (ФОТО)

Дарко Андоновски — Tue, 03 Oct 2023 20:19:14 +0000

Молдавскиот модел Ксенија Дели се прославила со учеството во спотот на Џастин Бибер „What do u mean“. Сепак, таа го привлекла вниманието на медиумите и јавноста откако се омажила за египетскиот бизнисмен Осама Фати Рабаг Ал Шариф, кој е 36 години постар од неа. Парот неретко бил мета на негативни критики, кои ги добиваат поради големата разлика во годините, а фактот дека тој е милијардер додатно ги разгорува коментарите.

View this post on Instagram

A post shared by ZO Skin Centre™ in Egypt (@zoskincentreeg)

Инаку, Ксенија има 32 години, додека милијардерот 68. Сепак, големата разлика во годините не ги спречила да основаат семејство, а Ксенија на Осаму му подарила ќерка. Паркот е во брак неколку години, а луѓето масовно ја прозиваат манекенката, тврдејќи дека таа со него е само поради неговото богатство.

View this post on Instagram

A post shared by Xenia Deli (@xeniadeli)

Таа честопати додавала фотографии со својот сопруг на нејзиниот „Инстаграм“ профил, каде што може да се забележат изливите на емоции. Додека едни гледаат заљубен пар, други коментираат дека тој изгледа како да ѝ е дедо, а таа глуми заљубена жена, како би уживала во неговото богатство. Кога се омажила за милионерот, Ксенија не верувала дека на себе ќе го навлече гневот на народот и дека ќе добие толку многу негативни коментари.

View this post on Instagram

A post shared by Xenia Deli (@xeniadeli)

Ксенија во една прилика на својот „Инстаграм“ профил напишала дека нејзината ќерка и сопруг се остварување на нејзините соништа, што предизвикало лавина негативни коментари, од кои еден бил многу остар и директен: „Твоите два најголеми соништа се твоето дете и твоите пари. Едноставно, нема љубов, само пари и популарност и вие тоа го знаете“.

View this post on Instagram

A post shared by Xenia Deli (@xeniadeli)

Ксенија ужива во луксузот, додека со својот сопруг често одат на луксузни патувања. Таа е сопственичка на скапи чанти и ткаенини, а станала и вистинска ѕвезда на „Инстаграм“. Нејзиниот „Инстаграм“ профил има над 700.000 следбеници. Исто така, поединци коментирале дека богатиот бизнисмен се подмладил со сопругата, како и дека врската со неа му годи.

View this post on Instagram

A post shared by Xenia Deli (@xeniadeli)

Парот се венчал во 2016 година, а бајковитата свадбена прослава вредна милион евра се одржала на Санторини во винарија со поглед на море. На церемонијата присуствувале околу 150 гости, а тортата била висока над еден метар.

View this post on Instagram

A post shared by Xenia Deli (@xeniadeli)

Наоми Кембел повторно мајка на 53 години, испрати моќна порака: „Никогаш не е доцна да станеш мајка“

Ивона Петрова — Fri, 30 Jun 2023 05:56:37 +0000

Наоми Кембел, иконата на светското манекенство, неодамна повторно стана мајка на 53-годишна возраст. Веста за доаѓањето на нејзиното второ дете беше објавена на нејзиниот Инстаграм профил. Наоми сподели прекрасна фотографија на која нежно го лулка новородениот син додека нејзината едногодишна ќерка ја држи за рака. Заедно со сликата, Наоми напиша и емотивни зборови кои трогнаа многумина. Во својата објава на Инстаграм, манекенката истакна дека никогаш не е доцна да се стане мајка. Таа ја изрази својата бескрајна љубов кон својот мал син и го опиша како вистински благослов од Бога. - Мил мој, знај дека си сакан надвор од сите граници и опкружен со љубов од моментот кога нè удостои со твоето присуство, вистински дар од Бога, благословен! Добредојде момче. Никогаш не е доцна да станеш мајка, напишала Наоми.

View this post on Instagram

A post shared by Dr Naomi Campbell (@naomi)

Нејзината храброст да се отвори за оваа лична радост предизвика лавина од пораки за поддршка и честитки. Многумина се восхитуваа на нејзината храброст и одлучност да продолжи со мајчинството во нејзините подоцнежни години. Сепак, Наоми не го откри името што го избра за својот син. Оваа вест е особено значајна бидејќи Наоми Кембел стана инспирација за сите жени кои сакаат да станат мајки, без разлика на возраста. Таа покажа дека љубовта кон детето не познава граници и дека мајчинството е прекрасен подарок кој може да се реализира во секој момент од животот.

ФОТО: Грчка манекенка во природно издание на Канскиот фестивал, бројни реакции за нејзините веѓи на социјалните мрежи

Ивона Петрова — Tue, 23 May 2023 11:17:16 +0000

Грчката манекенка Софија Хаџипантели стана тема на социјалните мрежи откако се појави во природно издание на Канскиот филмски фестивал. Имено, таа со години не ги средува веѓите и затоа привлекува внимание каде и да се појави. Иако има и такви кои ја критикуваат дека избрала да го прифати природниот изглед на нејзините веѓи, таа воопшто не обрнува внимание на негативните коментари. Во една нејзина изјава рече дека нејзините предци ја инспирирале да се прифати себеси таква каква што е. -Едноставно одам по улица без размислување. Негативните, позитивните, охрабрувачките, понижувачките и сите други реакции ми се забавни, изјавила таа.

УЖАСНИ ДЕТАЛИ: Ја убиле оваа манекенка и го распарчиле нејзиното тело, главата најдена во тенџере за супа – еве кој ќе одговара

Ивана Ефремовски — Sun, 26 Feb 2023 20:20:54 +0000

За убиството на младата манекенка од Хонг Конг, Аби Чои, чие тело беше пронајдено распарчено, денеска беа обвинети нејзиниот поранешен свекор и девер. Познатата манекенка исчезна во вторникот. Нејзиното распарчено тело било пронајдено три дена подоцна во фрижидер во импровизирана месарница, но главата, торзото и рацете сè уште и недостасувале. -Полицијата денеска ја пронашла главата на убиената Чои и неколку ребра во тенџере со супа, објави South China Morning Post. Полицијата ги обвини нејзиниот поранешен свекор и девер за убиството, додека нејзината свекрва се соочува со обвинение за попречување на правдата. Утре пред суд ќе се појават тројца осомничени на возраст меѓу 31 и 65 години. -Сопругот на Чои, Алекс Квонг, бил уапсен вчера, но не е обвинет, пренесува Yahoo.news. Жителите на Брегот на Слоновата Коска велат дека манекенката, која се појави на насловната страница на модниот магазин L’Officiel Monaco овој месец, последен пат била видена жива во вторникот во Таи По, во близина на Хонг Конг, за време на кратко возење во близина на куќата каде што биле пронајдени нејзините останки. Полицијата почнала да ја бара во четвртокот. Се претпоставува дека младата жена имала финансиски спор со поранешниот сопруг и неговото семејство во вкупна вредност од 100 милиони долари.

ФОТО: Интернационални манекенки од светските модни писти пристигнуваат во „Тиквеш“

Дарко Андоновски — Fri, 27 Jan 2023 14:59:22 +0000

Атрактивниот светски модел Гошиа Гузовска заедно со две интернационални манекенки ќе ја промовираат најголемата македонска винарница „Тиквеш“ на домашниот и светските пазари. Во уникатниот амбиент на винскиот подрум на винарската визба „Тиквеш“ беше организирана ексклузивна фото-сесија со овие модели од светските модни писти. Полската убавица Гошиа Гузовска има светска манекенска кариера и настапува за големи модни брендови како Victoria Secret, Dolce & Gabbana, Givenchy, 303 Avenue и други. Гошиа, која од Fashion Post во 2017 година беше најавена како „бомбата од Полска“, според упатените модни сајтови вреди над пет милиони евра. Покрај светската манекенска кариера, Гошиа е меѓу топ-инфлуенсерките во Полска со најголем број следбеници на Инстаграм. Таа е и сопственик на дизајнерската линија на златен накит @luawarsaw. Фотографиите од сесијата во „Тиквеш“ со вечната тема „спојот на виното и убавината“ ќе бидат користени за промотивните потреби на винарницата на интернационалните пазари, но и потенцијално и за едиторијали во светските модни изданија. Оваа активност е дел од континуираната стратегија на „Тиквеш“ за промоција на врвните вина на винарницата како и за поголемо брендирање на Македонија како земја од каде потекнуваат и се произведуваат прекрасни, автентични и возбудливи вина.

Познатата манекенка итно хоспитализирана: Фотографиите од нејзиниот грб со фластери ги загрижија фановите

Дарко Андоновски — Wed, 09 Nov 2022 19:08:13 +0000

Бела Хадид била итно хоспитализирана откако имала неколку тешки денови, а точната причина за сместувањето во болница сè уште не е позната. На основа на пишувањата на странските медиуми, се претпоставува дека нејзината состојба се искомплицирала бидејќи манекенката секој ден е на модната писта уште од почетокот на модните недели во септември. Бела постојано е на снимања поради кои наводно гладува, а се чини дека уморот и стресот го направиле своето. Поединечни извори велат дека манекенката не јаде ништо и постојано пуши цигари. Хадид ги загрижи своите фанови со фотографии од болничкиот кревет, на кои се гледа нејзиниот грб со залепени фластери кои се користат за намалување на високата температура и ублажување на болките предизвикани од инфекција. Бела инаку се бори со Лајмска болест која настанува од убод од заразен крлеж. Убодот од крлеж е најчест начин на зараза, а инфекцијата може да настане и преку конјунктивитис или микроповреди кои настануваат по уништување на крлежот и иритација на кожата со неговата содржина. Манекенката открила дека болеста ѝ била дијагностицирана кога имала 14 години и признала дека ѝ оневозможува секојдневно функционирање. Во една прилика објаснила дека секој ден се соочува со низа непријатности – аритмија, промена на расположението, болки во зглобовите, потење, мачнини, несоница и главоболка. „Сè стана уште потешко кога наполнив 18 години. Ова е тоа што секојдневно го трпиме, без лекови. Тоа толку влијаеше на моето помнење што одненадеж повеќе не знаев како да стигнам од Малибу до Санта Моника каде што живеев. Не можев ни да јавам коњи. Ми беше многу лошо. Морав дури и да го продадам коњот бидејќи не можев да се грижам за него“, изјавила Бела во една прилика.

Преживеала две тешки болести и на 50 години стана манекенка

Катерина Бојаџиева — Wed, 07 Sep 2022 08:03:01 +0000

Обидувајќи се да збере сила за секој нов ден и да си ги собере мислите за да може нејзиното тело да ги следи, на 50-годишна возраст добила покана да учествува на модна ревија на „Баленсијага“… Ова е приказна за Агнеза Доркин, Хрватка која 35 години живее во Милано, Италија, по професија се занимавала со модна фотографија и од неодамна е топ-модел. Никогаш претходно не стапнала на модната писта. Таа имала дијагноза на Кронова болест, малиген тумор во градите и вкупно три операции… – Фотографијата е мојот живот. Дипломирав на Италијанскиот институт за фотографија (Istituto Italiano di Fotografia) во Милано, па научив многу за техниката и ја збогатив визуелната култура. Но, вистинското училиште, како и во секоја уметност, е на теренот. Сега зборуваме за вистинска фотографија, а не за онаа со паметни телефони, вели таа. Агнеза вели оти Милано ѝ нуди можност професионално да се занимава со она што го сака – модна фотографија. – И, така почнав. Имав многу убави соработки со разни редакции, работев на каталози, рекламни кампањи, па го научив не само професионализмот, бидејќи работиш во секакви услови со различни луѓе во многу куси рокови, туку и развив интуиција за тоа што е важно – да се биде брилијантен дури и при неочекувани околности, нагласи таа. Следеле неколкуте животозагрозувачки заболувања. – Наодите беа многу застрашувачки. Имав долг период на дезориентација, бев изгубена, беспомошна… Тој период бараше тишина, речиси непостоење, се потестува Агнеза. По сите подеми и падови, операции, вознемиреност, како и траумите за психата и за телото, во време на корона-пандемијата, се случило нешто од што срцето на Агнес сè уште „потскокнува“. – Преку Инстаграм, замислете, ме контактираше еден од кастинг-директорите на „Баленсијага“ и ме праша дали сум заинтересирана да бидам во шоу во Париз. Некој веројатно ме препорачал кај него. Беше огромно и убаво изненадување и бев многу, многу возбудена. Морав да му пратам слики – полароиди, тоа се фотографии без шминка и филтри – преден план, профил и цело тело, и видео од мене во одење. Исто така, мерењата – висина, струк, гради и колкови. Пропорцијата на телото е многу важна. После тоа, ми испратија мејл од „Баленсијага“ и рекоа дека се заинтересирани. Едно утро, на крајот на септември, добив уште еден мејл каде што ме прашуваат дали можам да дојдам во Париз истиот ден или ден потоа… Ден подоцна пристигнав и ме примија на кастингот за таа ревија, па за неколку месеци имав неколку договори со нив. Чувството беше неописливо!, вели Агнеза. Таа денес е дел од ревии за „Ив Сен Лоран“, „Прада“, „Шанел“, „Диор“… И, сѐ тоа ја прави среќна и исполнета личност.

Се прослави како девојка на ова познато српско момче, па раскинаа додека се соочуваше со ракот – почина на 33 години, а тој се ишиша ќелаво за неа

Дарко Андоновски — Fri, 22 Jul 2022 09:43:04 +0000

Српската манекенка Дијана Милојковиќ почина на денеш ден пред точно три години на 33 годишна возраст, по долгата борба со тешката болест. Манекенката која се бореше како лавица беше и мотив за многу жени кои се борат со ракот, а за широката јавност беше позната како девојка на Стефан Кариќ. Дијана во една своја прилика јавно говореше за своите најтешки денови и за борбата на почетокот со ракот кој и го откриле на 27 годишна возраст. -Дознав сосема случајно на рутинска контрола, на која отидов поради пореметување на циклусот. Бев сигурна дека не е ништо страшно, сметав дека тоа е како последица на стрес или честата промена на климата. Апсолутно не ми паѓаше на памет дека постои некоја сериозна причина, велеше Дијана година дена откако го започна своето лечење. Најголемото внимание го доби таа откако стапи во љубовна врска со Стефан Кариќ кој додека беа во врска и даваше многу голема поддршка за да оздрави. Во една прилика тој се ишиша и ќелаво за да и ја даде целата поддршка при нејзината борба со ракот.

Прво позираше 24 часа пред породувањето, па сега објави слика од штотуку роденото бебе – македонската манекенка стана мајка, името буквално уникатно!

Дарко Андоновски — Tue, 21 Jun 2022 12:13:49 +0000

Од седмица во седмица и месец по месец, многу фотосесии и , позирање за време на бременоста, македонската макекенка и модна блогерка Ангела Ѓорѓиева дојде го големиот чин – породувањето. Ангела се породи во една приватна скопска клиника и на свет донесе машко бебе кое го доби името Лиам. -Ви го претставуваме нашето слатко момче кое е тука. Знапознајте го Лиам, напиша среќната мајка означувајќи го и сопругот Раде во објавата. Само 24 часа по породувањето, Ангела по покриена со крпа позираше за на Инстаграм сакајќи да го долови нејзиниот изглед во постпартум моментот по само еден ден. Ангела уживаше да го забележи секој ден од бременоста,а веројатно ќе биде така и кога бебето е веќе тука. Инаку, Ангела е една од најбараните македонски манекенки, а досега сме ја гледале на многу домашни модни ревии и како лице на познати брендови.

View this post on Instagram

A post shared by Angela Georgiev (@angelagjorgieva)

Ангела е беше модна инспирација за сите трудници, а сега и за сите мајки.

ИНТЕЛИГЕНЦИЈАТА ПРЕД СЀ: Манекенка на првиот состанок бара мажот да направи тест

Катерина Бојаџиева — Thu, 12 May 2022 07:30:09 +0000

Моделот и членка на Менса, Кендис Клос од Њујорк изјави дека нејзиниот избраник мора да има натпросечна интелигенција – за да бидат заедно. Дури и ако хемијата меѓу нив е одлична, доколку мажот не го положи тестот за интелигенција што таа го носи со себе за време на првиот состанок, тој испаѓа од конкуренција затоа што, како што вели манекенката, таа бара „некого со кој ќе ужива во поттикнувачки интелектуален разговор“. Кендис очекува соговорникот да биде добро упатен во актуелните настани, економија, наука… –Сакам да се уверам дека вреди да се оди на втор состанок со него. Има многу мажи кои се привлечни, но ако не се интелигентни, добриот изглед не е важен. Како можеш да уживаш во времето со некого, доколку не се поврзете преку разговор?, се прашува таа. Кендис, која го напуштила високото образование поради работа на страницата за возрасни „Онлифанс“, вели дека „привлечно е кога некој брзо ги разбира работите“, како и емоционалната интелигенција, но и брзата досетливост и духовитост. –Додека растев, јас бев голема „бубалица“ во науката, и математиката… И, сѐ уште ја сакам математиката, вели таа. Кендис е член во Менса од нејзината 17-та година. Нејзиниот коефициент на интелигенција е 136, што ја сместува во два отсто од населението. Вели дека често е „потценета“ од мажите кои претпоставуваат дека не е интелигентна поради нејзиниот „убав изглед“, но тоа воопшто не ѝ пречи, бидејќи „ужива во можноста да докажува дека луѓето грешат“, користејќи ги нивните претпоставки во своја полза. Сѐ над 120 се смета за „натпросечна интелигенција“, а пак, луѓето со коефициент поголем од 140, се сметаат за „генијалци“. За да се стане член на меѓународната непрофитна организација Менса, лицето треба да има коефициент на интелигенција 132, најмалку.