маникир – Kurir.mk

ФОТО: Идеи за совршен летен маникир

Ивона Петрова — Tue, 20 Jun 2023 20:42:53 +0000

Летото е сезона со која се поврзуваат боите, колоритноста, радоста... Истото важи и за летните нокти. Јули и август се создадени за весели нијанси, шаренило и најслатки детали на ноктите. Додека некои од вас се мајстори за маникир и создаваат вистинска мала магија, други сепак сакаат да се препуштат во вештите раце на експертите. Без разлика на која група припаѓате, ова лето изберете шарени, весели опции за вашите нокти со кои нема да погрешите. Во продолжение издвојуваме за вас неколку идеи.

ФОТО: Идеи за велигденски маникир

Ивона Петрова — Mon, 10 Apr 2023 19:12:57 +0000

Шарениот пролетен маникир го вклучува и велигденскиот маникир, а покрај многуте цветни мотиви има еве како може да ги украсите вашите нокти. Цветовите во сите форми и типови се секако омилен мотив, а кога се комбинираат со класичен француски маникир се вистински хит. Нежните нијанси од сите бои се прилично поврзани со Велигден, па затоа ова е еден од најпосакуваните маникири во овој период.

ФОТО: Пролетни маникири кои се одлични за долги и за кратки нокти

Ивона Петрова — Wed, 08 Mar 2023 16:29:06 +0000

Кога станува збор за нега и декорација на ноктите, францускиот маникир е елегантна опција која никогаш не излегува од мода. Голем хит оваа пролет ќе биде пастелната верзија на францускиот маникир. Не е револуционерна идеја, но тоа не го намалува фактот дека францускиот маникир во пастелни нијанси е навистина прекрасна опција за украсување на ноктите, совршена за дочек на пролетта и потоплите денови. Дополнително е одличен прв чекор за повторно воведување на пролетните бои во нашиот секојдневен живот. Францускиот маникир е едноставен, класичен и многу популарен начин за украсување на ноктите.

ФОТО: Ова е новиот тренд, поп арт маникир за уникатни нокти

Ивона Петрова — Mon, 13 Feb 2023 20:12:12 +0000

Разни форми, бои, идеи, украси. Навистина има многу начини како сможе да ги направите вашите нокти. Актуелен хит маникир е поп арт, а жените полудеа по овој нов тренд за украсување на своите нокти. Поп-арт маникирот црпи инспирација од стриповите. Овој иновативен и креативен маникир изгледа како цртеж на ноктите, а се карактеризира со 3Д ефект создаден со помош на црно-бели линии. На овој начин се создава димензијата која сме навикнати да ја гледаме во старите цртани и стрипови. Одлично е затоа што можете да ја пуштите вашата имагинација и да создадете уникатен маникир каков што досега не сте виделе. Поп-арт маникирот е толку забавен и креативен. За момент нè враќа во 1950-тите и 1960-тите, кога во САД и Велика Британија се развиваше поп-артот, уметнички стил кој беше наменет за обичниот човек и кој предизвикуваше висока уметност.

Идеи за ЛЕТЕН маникир: Совршено искомбинирајте ги БОИТЕ и ќе добиете вистинска СЕНЗАЦИЈА на вашите раце

Ристе Здравков — Thu, 07 Jul 2022 13:10:37 +0000

Ова лето може да биде разиграно доколку додадете малку повеќе боја на вашите нокти Кога ќе дојде летото, сите ние гледаме да создадеме некоја светла комбинација на бои на нашите нокти. Она што е точно е дека често ни недостасува инспирација за тоа како точно треба да изгледа. Подолу ќе ви откриеме неколку идеи кои можат да ве инспирираат. Комбинација од портокалова боја Кога ќе измешате иста боја во две различни нијанси, никогаш не може да изгледа лошо. Кога станува збор за летото, светло портокаловата е вистинскиот избор за вас. Како сладолед Неправилните форми и пастелните бои се добитна комбинација за лето. Овој маникир ќе ве потсети на вашиот омилен десерт, а освен тоа ќе ја поттикне вашата фантазија (ако се осмелите сами да го рекреирате овој дизајн) Дискретни Малите и незабележливи нокти никогаш нема да излезат од мода, никогаш не можете да погрешите со нив. Облик на бадем Ова лето првото место го зазема формата на бадем. Можете да комбинирате разни бои, а можете да ставите и некоја силна монохроматска боја, бидејќи овие нокти секако сами привлекуваат погледи. Светки Кога ќе дојде убавото летно време, сјајот е неизбежен момент во која било форма. Целиот овој тренд можете да го пренесете и на вашите нокти и да блескате 24 часа на ден.

Грција ќе ги отвори и салоните за маникир и педикир за да се спречи работа на црно

Тале Кристо — Mon, 14 Dec 2020 12:49:35 +0000

За спречување на појавите на работа на црно и посета на домови без да се почитуваат здравствените правила и превентивни мерки, во Грција утре се отвораат и салоните за маникир и педикир, јави дописничката на МИА од Атина. Новата мерка ја соопшти портпаролот на грчката Влада Стелиос Пецас на денешниот редовен брифинг со новинарите кој објасни дека појавите на „работа на црно“ и заобиколување на здравствените мерки во конкретната дејност „за жал се широко распространети, што се виде на социјалните мрежи за време на викендот“. Ова воедно е единствената нова воведена мерка, а нема никакви промени во рестрикциите, карантинот и полицискиот час што се во сила до 7 јануари, а ќе важат и за божиќните и новогодишните празници. -За Божиќ и Нова Година им препорачуваме на сите, овие празници да не бидат повод за собирања. Во секој случај не се дозволени собири на над девет лица од две семејства, а ќе важи и забраната за движење од 22 часот навечер до 5 часот наутро, истакна Пецас. Рече дека епидемиолошката слика во земјата и понатаму е тешка, а националниот здравствен систем се уште е под притисок и истакна дека „од прв момент, Владата како главен приоритет ја постави заштитата на јавното здравје и човечките животи“.

ФОТО: Му направила маникир на бебето, па мајката добила жестоки навреди

Дарко Андоновски — Wed, 09 Dec 2020 12:12:18 +0000

Мајка доби жестоки навреди на Интернет откако објави фотографија од ноктите на своето бебе. Жената ја споделила фотографијата на социјалните мрежи, а наскоро се појави и на subreddit /trashy, каде предизвика бес на другите родители, а многумина истакнаа дека се загрижени за безбедноста на детето. „Дали се смета за злоупотреба или загрозување ако детето се повреди со тие клинци? е една од реакциите. „Бебето може да си ги ископа очите, ужасен родител“, напишале други. „Сиромашното дете ќе биде изгребано“, „Ова е навистина ужасно“, „Бебешките нокти се доволно остри сами по себе, а камоли ова ...“ се некои од другите реакции. Не е познат идентитетот на мајката , ниту во која држава е направен овој маникир.

По маникирот доживеала хорор: Ќе останела без прст, а сега упатува апел до сите жени кои прават нокти (ВОЗНЕМИРУВАЧКО ФОТО)

Катерина Бојаџиева — Tue, 06 Aug 2019 19:17:37 +0000

Жена чиј идентитет не е откриен доживеала хорор откако била на маникир- малку фалело да остане без прст по правењето на нокти во некој козметички салон. Таа верува дека инфекцијата настана од нестелизираните инструменти кои ги користат за маникир и предупредува жените да внимаваат кога одат на средување на ноктите. Вака почнало се: Била на третман на ноктите, а кога завршила со средувањето забележала дека на врвот од прстот има мал оток и веднаш заминала на лекар каде и биле дадени антибиотици и упат за на клиника. Два дена подоцна, отокот почнал да расте, а прстот да потемнува. Кога стигнала во болница прстот целосно и поцрнел, па и било кажано дека најверојатно ќе треба по пат на хируршки зафат да ѝ го отстранат. Но, за среќа операцијата поминала успешно и докторите успеале да ја отстранат инфекцијата. Таа сега се обидува да ја подигне свеста кај жените за ризиците кои владеат во салоните за маникир. Затоа, ВНИМАВАЈТЕ!

ФОТО: Фантастични идеи за новогодишен маникир

Ристе Здравков — Sat, 08 Dec 2018 20:59:41 +0000

Одминува последниот месец од годината и веќе размислуваме за тоа каде ќе ја дочекаме Новата година и каков ќе биде нашиот аутфит. Во екот на празниците ќе претходат и многу предновогодишни забави со семејството, пријателите и колегите, па внесете го новогодишното расположение во еден детаљ што го носите секаде со вас – вашиот маникир. Може да ги изберете традиционалните бои на новогодишните празници – црвена и зелена, а може и да си поиграте со светкави детали или исцртување празнични мотиви. Ако некој од дезените кои ви ги предлагаме ви се чини премногу комплициран за да го изведете во домашни услови, закажете термин на маникир и зачувајте ја оваа страница.

Фотографија споделена над 145 илјади пати: Го наслика ултразвукот на нејзините нокти, а причината ќе ве импресионира

Дарко Андоновски — Wed, 18 Apr 2018 15:11:51 +0000

Сите жени обично сакаат убави и негувани нокти па така маникирот е неизбежен дел на секоја жена. Трендовите на маникир се менуваат, но кога ќе ги видите ноктите на Сара Кларк ќе бидете воодушевени. Имено таа дошла до идеја да ја преслика фотографијата од ултразвукот на една идна мајка на најзините нокти. Фотографијата ги импресионирала сите на нејзиниот Фејсбук профил и истата е споделена над 145 илјади пати. -Тоа беше неверојатно кога започнат да го работам. Идеите сами извираа од мене, ја поставив фотографијата и до вечерта имав преку 16 илјади лајкови, вели Кларк. Таа додава и дека во иднина очекува многу телевизиски гостувања, а вели и дека по оваа снимка работата и се зголемила двојно.