Изгаснат пожарот во близина на езерото Мантово

Ивона Петрова — Mon, 21 Aug 2023 18:51:20 +0000

Изгаснат е пожарот меѓу вештачкото езеро Мантово и местото викано 20 километар на регионалниот пат Штип-Радовиш, информираше портпаролот на Центарот за управување со кризи, Илија Бојаровски. Гаснењето на пожарот се одвиваше околу шест часа, а беа зафатени од 15 до 20 хектари сува трева, грмушки и квалитетна густа шума кон атарот на село Пиперово. Токму поради ова во акцијата беше вклучен полициски хеликоптер, кој вода полнеше од езерото Мантово. МИА претходно информираше дека на терен со пожарникарите е и директорот на ЦУК, Стојанче Ангелов, а командирот на ТППЕ-Штип, Дарко Коцев рече дека пожарот е пријавен околу 14 часот. Во неговото гаснење беа вклучени пожарникари од Штип, Радовиш и од Доброволното противпожарно друштво од Општина Конче. -Досега на територија на Општина Штип на отворено имаме интервенирано на околу 68 шумски пожари, стрништа, ниско стеблеста шума. Ова е првпат оваа година да се вклучи хеликоптер во гаснење на пожарите во штипско-карбинскиот регион, бидејќи досега успевавме сами да се справуваме и да ги гаснеме пожарите, изјави Коцев.

ФОТО: Голем пожар кај вештачкото езеро Мантово, активиран хеликоптер на МВР

Ивона Петрова — Mon, 21 Aug 2023 17:12:59 +0000

Гори сува трева, грмушки но и квалитетна шума кон штипското село Пиперово. Директорот на Центарот за управување со кризи, Стојанче Ангелов информира дека огнените јазици имаат зафатено од 15 до 20 хектари сува трева, грмушки и нискостебелсти растенија. Поради непристапниот терен во квалитетната шума активиран е хеликоптер на МВР кој вода полни од вештачкото езеро Мантово. Ангелов посочува дека пожарот е меѓу езерото Мантово и месностото викано 20 километри во близина на регионалниот пат Штип-Радовиш. Командирот на ТППЕ-Штип, Дарко Коцев информира дека пожарот е пријавен околу 14 часот, а во неговото гаснење се вклучени пожарникари од Штип, Радовиш и од Доброволното Противпожарно друштво од Општина Конче. -Досега на територија на Општина Штип на отворено имаме интервенирано на околу 68 шумски пожари, стрништа, ниско стеблеста шума. Ова е првпат оваа година да се вклучи хеликоптер во гаснење на пожарите во штипско-карбинскиот регион, бидејќи досега успевавме сами да се справуваме и да ги гаснеме пожарите, вели Коцев. Портпаролот на ЦУК, Илија Бојаровски информира дека на терен почнало да дува ветер, но какошто вели хеликоптерот навреме пресече за да не се шират огнените јазици.

мантово – Kurir.mk

Изгаснат пожарот во близина на езерото Мантово

ФОТО: Голем пожар кај вештачкото езеро Мантово, активиран хеликоптер на МВР