Ману Џинобили – Kurir.mk

Ману Џинобили влезе во Куќата на славни

Тале Кристо — Sun, 11 Sep 2022 12:10:36 +0000

Аргентинскиот кошаркар Ману Џинобили (45), кој во кариерата освои олимписко злато и четири шампионски прстени во НБА лигата, е примен во кошаркарската Куќа на славните. Џинобили настапуваше за Сан Антонио од 2002 до 2018 година и со „Спарси“ освои четири НБА титули (2003, 2005, 2007, 2014). –Не сум тука затоа што сум многу посебен, туку затоа што бев дел од двата најдобри тимови – Сан Антонио и Аргентина, порача Џинобили во својот говор на церемонијата во Спрингфилд. Исто така, беше клучен играч во аргентинската репрезентација, која на Игрите 2004 во Атина го освои олимпиското злато. На европско почва со италијанската екипа Виртус Болоња ја освои Евролигата.

Легендарниот Кораќ и Џинобили влегуваат во кошаркарската „Куќа на славни“

Бошко Тасиќ — Sun, 03 Apr 2022 06:31:13 +0000

Четирикратниот НБА шампион Ману Џинобили и југословенската легенда Радивој Кораќ се меѓу тринаесетте нови членови на кошаркарската Куќа на славни во Масачусетс. Денеска беа објавени имињата на членовите на „класата 2022“ кои официјално ќе влезат во Куќата на славни, а меѓу нив се и овие две големи имиња на кошарката од две различни ери. Џинобили освои четири титули во НБА како член на Сан Антонио, додека Кораќ го заслужи ова признание постхумно со неговите неверојатни меѓународни партии минатиот век. Кораќ настапувал за ОКК Београд и југословенската репрезентација со која освои повеќе медали на големите натпреварувања, а во 1969 година трагично го загуби животот во сообраќајна несреќа на 30-годишна возраст. До 2002 година постоеше европски куп кој го носеше неговото име, а потоа тоа име се користи за српскиот кошаркарски куп. Покрај Џинобили и Кораќ, во Куќата на славни ќе влезат и поранешната НБА ѕвезда Тим Хардавеј, поранешните тренери Џорџ Карл и Боб Хагинс, односно судијата Хју Еванс. Кај дамите, место меѓу најдобрите си обезбедија и Линдзи Волен, Свин Кеш и Мариан Стенли.

Ману Џинобили номиниран за влез во Куќата на славните

Бошко Тасиќ — Sat, 19 Feb 2022 17:59:04 +0000

НБА лигата ја објави листата на кандидати за Куќата на славните во Спрингфилд, во класата 2022. На листата има 11 имиња. Прв пат е номиниран Аргентинецот Ману Џинобили. Џинобили во кариерата освои четири титули со Сан Антонио Спарс.Покрај Џинобили од поранешните НБА играчи, на листата се Тим Хардавеј, Мајкл Купер и Мариз Џонсон. Од НБА тренерите тука се Боб Хегинс и Џорџ Карл и тренерот кој работи во женската НБА, Маријан Стенли.Листата ја комплетираат кошаркарките Линдзи Вејлен и Свен Кеш, судијата Хју Еванс и поранешниот средношколски тренер, Лита Ендјуз. На 2.април ќе бидат познати имињата на новите жители во Куќата на славните. Свечената церемонија ќе се одржи на 10.септември.

Џинобили номиниран за член на Куќата на славни

Тале Кристо — Wed, 22 Dec 2021 17:26:02 +0000

Аргентинскиот кошаркар Ману Џинобили (44) е меѓу номинираните играчи за влез во кошаркарската Куќа на славните во 2022 година. Џинобили настапуваше за Сан Антонио од 2002 до 2018 година и со „Спарси“ освои четири НБА титули (2003, 2005, 2007, 2014). Исто така, беше клучен играч во аргентинската репрезентација, која на Игрите 2004 во Атина го освои олимпиското злато. На европско почва со италијанската екипа Виртус Болоња ја освои Евролигата. Финалистите во изборот ќе бидат претставени на НБА Ол-стар натпреварот во февруари во Кливленд, додека имињата на новите членови на Куќата на славните ќе бидат соопштени во април за време на фајналфор турнирот на американската универзитетска кошаркарска лига.