мануел пелегрини – Kurir.mk

Управата на Вест Хем незадоволна од Пелегрини

Ивона Петрова — Mon, 25 Nov 2019 07:17:51 +0000

Раководството на Вест Хем ќе одржи состанок на кој ќе се разговара за работата на тренерот Мануел Пелегрини. Управата на клубот е незадоволна од резултатите на тимот оваа сезона, пренесува „Телеграф“. Иако не се зборува за отказ на чилеанскиот фудбалски стручњак, сепак клубот може да ја разгледа оваа можност ако играта на тимот не се подобри. После 13 кола во Премиер лигата, клубот е на 16. место со само 13 бода.

Пелегрини му дава поддршка на Лопетеги

Предраг Кукиќ — Wed, 10 Oct 2018 10:20:34 +0000

Искусниот чилеански фудбалски стручњак, Мануел Пелегрини кој пред девет години беше тренер на Реал Мадрид, изрази поддршка за сегашниот предводник на „кралскиот клуб“ Хулен Лопетеги. На Реал не му оди според очекувањата и се почести се гласините за смена на Лопетеги кој пред само четири месеци ја доби довербата на раководството да го наследи Зинедин Зидеан. - Голем е притисокот во Реал Мадрид. Некогаш и при нерешен резултат се вклучува алармот. Тешко е да се води тој клуб. Сега нивните резултати не се според амбициите. Сепак сметам дека треба да му се дозволи на Лопетеги да продолжи со работата. Верувам дека ќе го подигне тимот. Тој го има потребното искуство да го направи тоа, изјави Пелегрини. Чилеанецот се осврна и на заминувањето на Роналдо. - Со неговото одење, Реал изгуби многу. Недостасуваат неговите голови, неговата решителност и лидерство. Кристијано ја правеше разликата, додаде актуелниот тренер на премиерлигашот Вест Хем. (МИА)

Пелегрини ќе земе 15 милиони фунти ако Вест Хем го отпушти

Ристе Здравков — Tue, 04 Sep 2018 13:57:20 +0000

Отпуштањето на менаџерот на Вест Хем, Мануел Пелегрини може да го чини клубот сериозна сума, објавија британските медиуми.

Според „Тајмс“, износот на компензацијата предвиден во договорот изнесува 15 милиони фунти. При потпишувањето на договорот, клубот не можеше да постигне договор за отстранување на оваа точка. Доколку страните не постигнат договор за понизок надоместок, компензацијата ќе мора целосно да се исплати.

Вест Хем ги изгуби сите четири натпревари од почетокот на сезоната во Премиер Лигата и се наоѓа на последното место. Во моментов, стратегот од Чиле останува на чело на тимот.

Пелегрини нападнат, му впериле пиштол во глава

Ивона Петрова — Mon, 04 Jun 2018 20:38:43 +0000

Филмска сцена се случила во Сантијаго, Чиле кога криминаци му впериле пиштол во глава на Мануел Пелегрини, тренерот на Вест Хем. Искусниот 64 годишен стратег кој инаку е роден во Сантијаго, одел заедно со сопругата и двајца пријатели кон ресторан. Го паркирал автомобилот на блискиот паркинг, а веднаш потоа криминалците излетале од украдено Порше и барале да им ја дадат женската чанта. Ограбувачите впериле пиштоли во сите четворица, а Пелегрини се обидел да ги вразуми. За среќа чиленската полиција многу брзо реагирала. Во обид за бегство мафијашите испукале неколку куршуми кои завршиле во две полициски возила. Она што е познато е дека криминалците се уште не се уапсени, а пронајдена била украдената чанта, како и автомобилот Порше. Пелегрини преку својот Твитер налог упати благодарност до чилеанската полиција за брзата реакција.