маракана – Kurir.mk

Финалето на Копа Либертадорес ќе се игра на славната Маракана

Бошко Тасиќ — Fri, 10 Mar 2023 05:51:58 +0000

Стадионот Маракана во Рио де Жанеиро, ќе биде домаќин на финалето на овосезонскиот Копа Либертадорес, односно за најдобар клуб во Јужна Америка. Оваа одлука ја објави денеска претседателот на Јужноамериканската фудбалска конфедерација (КОНМЕБОЛ) Алехандро Домингес на социјалните мрежи Овогодинешното финале ќе треба да се игра на 11 ноември. Титулата во елитното натпреварување на Јужна Америка лани го освои Фламенго. Исто така е донесена одлука каде ќе се игра финалето на Копа Судамерикана. Тој дуел ќе се игра во Монтевидео, но дополнително ќе биде одлучено на кој од трите стадиони ќе биде домаќин на натпреварот.

Финалето на Купот на Америка ќе се игра на „Маракана“

Ивона Петрова — Thu, 03 Jun 2021 10:44:46 +0000

Последниот натпревар од Купот на Америка ќе се одржи на 10 јули на стадионот „Маракана“ во Рио де Жанеиро, соопштено е на веб-страницата на Јужноамериканската фудбалска конфедерација (КОНМЕБОЛ). Турнирот ќе се одржи во Бразил од 13 јуни до 10 јули. Воведниот натпревар ќе се одржи на стадионот „Гаринча“ во главниот град на Бразилија. Во него домаќините на турнирот ќе се сретнат со репрезентацијата на Венецуела. Првично, Купот на Америка требаше да се одржи во Колумбија и Аргентина. Колумбија беше лишена од ова право поради масовните протести во земјата, а Аргентина поради неповолната епидемиолошка состојба со коронавирус.

Финалето на „Копа Либертадорес“ на „Маракана“ пред празни трибини

Тале Кристо — Wed, 06 Jan 2021 14:55:34 +0000

Финалето на овогодишното издание на „Копа Либертадорес“ ќе се игра на легендарниот бразилски стадион „Маракана“ пред празни трибини, соопшти Јужноамериканската фудбалска конфедерација (КОНМЕБОЛ). – Коронавирусот и натаму се шири низ Јужна Америка и затоа актуелната состојба со Ковид-19 не ни дозволува овој толку важен натпревар да го организираме во присуство на публика, дури ниту пред ограничен број на гледачи, оцени КОНМЕБОЛ Во првото полуфинале на „Копа Либертадорес“, бразилски Палмеирас синоќа триумфираше во Буенос Аирес над Ривер Плата со 3:0, стекнувајќи убедлива предност пред реваншот на 12 јануари во Сао Паоло. Во втората аргентинско – бразилска полуфинална пресметка, Бока Јуниорс вечерва е домаќин на Сантос, а реваншот ќе се игра на 13 овој месец. Финалето на „Копа Либертадорес“ е на програмата на 30 јануари.

Српскиот непријател број 1 доаѓа на Маракана: ФИФА едвај ќе се справи со навивачите кои со душа го чекаат Шаќири- еве што му подготвуваат

Дарко Андоновски — Thu, 30 Aug 2018 19:50:02 +0000

Фудбалерите на Црвена Ѕвезда ги добија своите противници во Лигата на шампионите, а еден од тимовите е и Ливерпул за кого игра и Швајцарецот кој е роден во Косово Џердан Шаќири. Балканските навивачи, особено српските добро го запаметија фудбалерот кој за време на СП во Русија оваа година направи скандал покажувајќи го албанскиот двоглав орел. Швајцарецот кариерата ја продолжи во Ливерпул, додека претходната сезона играше за Стоук, англиските медиуми овој трансфер открија дека е вреден 15 милиони евра, додека официјална бројка никаде нема. Ливерпул инаку минатата сезона стигна до финалето на ЛШ каде загуби од Реал Мадрид 3:1, додека премиер лигата ја заврши на четвртото место. И додека српските навивачи со душа го чекаат Шаќири на домашен терен, ФИФА дефинитивно ќе се соочи со тешка задача за да ги смири страстите помеѓу двете страни, бидејќи навивачите на Црвена Ѕвезда нема да му останат рамнодушни на фудбалерот кој ја провоцираше Србија, но и Балканот симболизирајќи ја Голема Албанија.