марчело липи – Kurir.mk

Манчини е незадоволен од евентуалното враќање на Липи во раководството на италијанската фудбалска федерација

Магдалена Андонова — Thu, 23 Jul 2020 11:12:13 +0000

Селекторот на Италија, Роберто Манчини е незадоволен што не бил консултиран за одлуката Марчело Липи да биде вклучен во работата на Италијанската фудбалска федерација (ФИГЦ). – Манчини е разочаран што претседателот на ФИГЦ, Габриел Гравина не го информираше за идејата за враќање на Липи. Враќањето на Липи се заканува да го поткопа влијанието на Манчини, кому му беше дозволено да се консултира со раководителите на младите селекции, објави „Кориере дело спорт“. Манчини, наводно, добил три понуди од клубовите во Премиер лигата па неизвесно е дали и во иднина ќе остане селектор на Италија. Претходно беше објавено дека 72-годишниот Липи може да стане технички директор на италијанските репрезентации. (МИА)

Липи ја напушти репрезентацијата на Кина

Ивона Петрова — Fri, 15 Nov 2019 07:55:45 +0000

Марчело Липи се повлече од функцијата тренер на кинеската фудбалска репрезентација, откако загуби со 1-2 од Сирија во квалификациите за Светскиот куп во Азија. Ова е прв пораз за тимот од групата А, оставајќи го пет бода зад истиот противник на средина од циклусот. – Бевме надиграни и заслужено победија. Јас ја преземам целата одговорност за тоа што се случи и официјално си давам оставка. Кога ќе стапнат на теренот, играчите треба да даваат се од себе. Ако се плашат или не се мотивирани, ако не покажуваат волја и храброст, нема да можат да го исполнат планот на теренот. Тоа е моја одговорност, додаде светскиот шампион за 2006 година со Италија.

Липи повеќе не е селектор на Кина

Предраг Кукиќ — Fri, 25 Jan 2019 09:09:56 +0000

Познатиот италијански тренер Марчело Липи го напушти селекторското место во кинеската фудбалска репрезентација. На заминувањето на Липи му претходеше вчерашниот пораз на Кина од Иран со 3:0 во мечот од четвртфиналето на Азискиот куп. – Со овој натпревар завршува мојот договор со националниот тим на Кина. Беше голема чест за мене да тренирам тим во ваква важна земја како Кина. Цело време се трудев тимот да напредува и да се подобри. Им благодарам на сите за поддршката што ја добив, изјави Липи. Претходно, 70-годишниот Италијанец изјави дека нема да тренира клубови во иднина, а исто така истакна дека би можел да ја заврши својата кариера како тренер во 2019 година. Под раководство на Липи, италијанскиот национален тим стана светски шампион во 2006 година.

Липи одлучи да се пензионира

Ристе Здравков — Mon, 01 Oct 2018 11:22:21 +0000

Легендарниот италијански тренер, Марчело Липи донесе одлука да стави крај на тренерската кариера. Тој од 2016 година е селектор на Кина, репрезентација која ќе ја води уште на Купот на Азија , по што оди во пензија. - Доста е. Си одам дома. Најверојатно веќе нема да работам во фудбалот, изјави Липи. Афирмација како фудбалер Липи доживеа во Сампдорија, а како тренер има многу трофеи, вклучувајќи го и оној од Мундијалот 2006 година со италијанската репрезентација. Со Јувентус, 70-годишниот тренер има пет трофеи од Серија А и еден од Лигата на шампионите. Последните шест години работи во Кина каде пред две години му е доверената селекторската функција.