марек хамшик – Kurir.mk

Хамшик најави крај на професионалната кариера

Ивона Петрова — Thu, 01 Jun 2023 17:15:42 +0000

Претстојниот дуел на Трабзонспор в сабота против Аланијаспор во завршното коло во турското првенство ќе биде последен натправар во професионалната кариерата на легендарниот словачки фудбалер Марек Хамшик. „Тоа не е лесна одлука, но ова беше прекрасна авантура“, изјави денеска 35-годишниот Хамшик на прес – конференција во Трабзон. Хамшик, препознатлив по својата ирокези фризура, лани најави крај на репрезентативната кариера која траеше 15 години. На 136 натпревари во националниот дрес Хамшик постигна 206 голови и е најдобар стрелец во историјата на Словачка. На клупски план, Хамшик остави длабока трага во италијански Наполи за кој од 2007 до 2019 година одигра рекордни 520 натпревари во сите конкуренции. Словакот дојде во Трабзонспор, каде настапува и македонскиот репрезентативец Енис Барди, во јуни 2021 година, и минатата сезона беше еден од клучните играчи за освојувањето на шампионската титула, прва за црноморскиот клуб по пауза од 38 години. е

Хамшик заминува од Наполи

Предраг Кукиќ — Sun, 03 Feb 2019 13:14:48 +0000

Италијанската лига може да остане без една од најголемите ѕвезди овие денови! Тренерот на Наполи, Карло Анчелоти, по триумфот над Сампдорија во саботата (3:0) призна дека капетанот на овој клуб, Марек Хамшик, сака да ја продолжи кариерата во Кина. За трансферот на 31-годишниот играч од средниот ред, која пристигна во Наполи во 2007 година, се шпекулираше уште минатата година, но Словакот потоа одлучи да остане во Сан Паоло. Сепак, сега се чини дека дојде време за разделба. Како што објавија медиумите на Апенините, трансферот на Хамшик во Далијан Џифанг за 25 милиони евра ќе се реализира во наредните ден или два. – Преговорите се во тек, а во согласност со Марек, ќе донесеме решение што ќе се случи. Клубот го почитува многу, со Наполи тој испиша историја, но сака нов предизвик и ние ќе се обидеме да го направиме среќен, рече Анчелоти. Тој додаде дека преговорите се одвиваат долго време и дека сè ќе биде познато наскоро. – Ништо не криеме. Иако сме загрижени соклубот, ако некој играч сака ново искуство, ние сме подготвени да му ја исполниме желбата, изјави стратегот на Наполи.

Хамшик зимава ќе замине од Наполи

Предраг Кукиќ — Fri, 21 Sep 2018 14:39:03 +0000

Словачкиот фудбалер Марек Хамшик во текот на зимскиот период ќе го напушти Наполи, јавија италијанските медиуми. Хамшик, кој со години беше еден од најдобрите играчи во Наполи, со доаѓањето на тренерот Карло Анчелоти е истиснат во втор план. Тој оваа сезона одигра 90 минути самo на еден натпревар и тоа против Црвена ѕвезда во Лигата на шампионите. Неговиот договор истекува во 2020 година, а ова е последна можност Наполи да заработи од неговиот трансфер. Според италијанските медиуми 31-годишниот фудбалер кариерата би можел да ја продолжи во Кина. Хамшик во Наполи дојде во 2007 година, досега има настапено на 503 натпревари и со 120 постигнати голови е најдобар стрелец во историјата на клубот. (МИА)