Тодоровска: Дали Христо Кондовски е лице осудено за тешка кражба?

Катерина Бојаџиева — Sat, 23 Oct 2021 14:24:37 +0000

Вчера Христо Кондовски го падна интернетот. Вчера, речиси и да немаше битолчанец кој на социјалните мрежи, не ја објави информацијата за Христо Кондовски – со прашањето, дали тој е лице осудено за тешка кражба? Почитувани битолчани, денес прашуваме, дали Христо Кондовски провали во еден од познатите битолски дуќани за да оствари лична корист, односно да украде стока за себе наместо да ја плати?, вели Марица Тодоровска од ВМРО-ДПМНЕ. -Дали Христо Кондовски е бизнисмен кој кога нешто сака, провалува и го зема? Дали е тоа хуманистот, менаџерот, дали е тоа човекот кому битолчани треба да му ја дадат својата иднина? Почитувани битолчани, уште од првиот ден на изборната кампања Христо Кондовски заедно со бизнис пајташите од Струмица вложија милиони во лажна пропаганда и буквално го залепија на секоја бандера и на секој фејсбук профил, за да го изрекламираат како добар и успешен човек. Знаеме дека тој профил на човек совршено се вклопува во друштвото на бизнис кланот Заеви, но дали е тоа човек каков што и треба на Битола? Дали човекот кој денес објавува дека не е осуден за тешка кражба и се крие зад партиска информација, само заради тоа што поминале 18 години од стореното дело сака да каже дека истото не се случило, односно дека не провалил во битолски дуќан во 2003-тата? Почитувани, вчера битолчани на интернет го изрекламираа вистинскиот Христо Кондовски – со отвореното прашање дали ова лице е осудено за тешка кражба со провала. Го повикуваме да излезе пред битолчани и конечно да ја каже вистината за себе: дека тој од Битола сака да заработи, а не за неа да работи! Токму затоа битолчани на 31-ви октомври нема да му го дадат својoт глас!, подвлекува Тодоровска.

Тодоровска: Нашата програма е изготвена со директна вклученост на граѓаните преку нивните идеи, предлози и знаење

Магдалена Андонова — Thu, 14 Oct 2021 15:06:38 +0000

ВМРО ДПМНЕ својата програмска понуда ја направи во отворена и широка акција на вклучување на граѓаните, но и на поединци кои имаат идеи, познавања и зедоа директно учество во креирањето на политиките кои Битола ќе ја направат поубаво место за живеење. Во нејзиното подготвување учествуваа сите граѓани, непосредно, изложувајќи ги своите проблеми, но и нудејќи решенија за многу од нив, изјави на денешната прес конференција, Марица Тодоровска кандидатот за советник на ВМРО-ДПМНЕ и коалицијата за општина Битола. Таа истакна дека тоа е програма адаптирана и на реалните потреби на битолчани, прецизна, јасна и остварлива, но и програма која од општина Битола ќе направи и модерен и пристапен дигитален сервис за граѓаните. - Како идеи на граѓаните во нашата програма ги ставивме и следните проекти: Гарантираме УРЕДУВАЊЕ И РЕОРГАНИЗАЦИЈА НА РЕОН 6 ВО ГРАДСКИ ПАЗАР и поставување монтажни продажни објекти. Гарантираме ПАРКИНГ КАЈ „СЕЛСКА АВТОБУСКА“, на Ат пазар. Гарантираме БУЛЕВАРСКО РЕШЕНИЕ ЗА УЛ. „ВАСКО КАРАНГЕЛЕВСКИ“. Гарантираме ИНФРАСТРУКТУРНО УРЕДУВАЊЕ И РЕВИТАЛИЗАЦИЈА на старата битолска чаршија вклучително објектот „Безистен” во координација со централната власт, појасни Тодоровска. Таа исто така вети дека како нова локална самоуправа ќе ОБЕЗБЕДУВАТ ЛОГИСТИЧКА ПОДДРШКА ЗА ОБУКА НА ЗЕМЈОДЕЛЦИ И СТОЧАРИ за полесно користење на современи методи на земјоделско производство и сточарство, обука за користење на ИПА фондовите. - Гарантираме ИЗГОТВУВАЊЕ НА УРБАНИСТИЧКИ ПЛАНОВИ ВО РУРАЛНИТЕ СРЕДИНИ со цел да може да се врши изградба на сточарски објекти по европски стандарди, складови, откупни центри, ладилници и останата земјоделска инфраструктура. Заедно, со вас почитувани граѓани, за седумката на седумнаесети, додаде Тодоровска.

марица тодоровска – Kurir.mk

Тодоровска: Дали Христо Кондовски е лице осудено за тешка кражба?

Тодоровска: Нашата програма е изготвена со директна вклученост на граѓаните преку нивните идеи, предлози и знаење