Бугарската актерка Марија Бакалова во филм на „Марвел“

Тале Кристо — Wed, 03 Aug 2022 08:12:29 +0000

На годинашната Стрип-конференција во Сан Диего, САД, ѕвездата на „Борат 2“ (за којшто беше номинирана за „Оскар“), Марија Бакалова го официјализираше своето деби во универзумот на „Марвел“. Имено, таа им се придружи на режисерот Џејмс Ган и екипата на суперхеројскиот филм „Чувари на Галаксијата, 3. дел“ (Guardians of the Galaxy Vol. 3), додека го претставуваа новиот трејлер за вселенската авантура. – Причината поради која станав обожавателка на продукциската куќа „Марвел“, се „Чуварите на галаксијата“. Има хумор, срце и има мигови кога навистина можеш да плачеш. Да можеш да се приклучиш на последниот дел од овој серијал ми беше најголемиот подарок, изјави бугарската актерка. Во звучната актерска екипа на третиот дел се и Крис Прат, Зои Салдана, Вин Дизел, Бредли Купер, Карен Гилан, Силвестер Сталоне, Елизабет Дебицки и други познати глумци. Киноприкажувањата се закажани за од 5 мај 2023 година.

Бугарската актерка добивала панични напади пред снимањето на секоја сцена од филмот „Борат 2“

Тале Кристо — Tue, 06 Apr 2021 10:47:30 +0000

Марија Бакалова откри дека „срцето ѝ чукало како лудо“ за време на нејзината „скандалозна сцена“ со Руди Џулијани во „Борат 2“. Бугарската актерка се појави заедно со Саша Барон Коен во продолжението на комедијата, како Тутар Сагдиева – ќерка на алтер-егото на Саша, Борат, и се сеќава како „полудела од страв“ додека се претставувала како новинарка. – Тој беше адвокат на претседателот, а тие луѓе обично се поприлично паметни. Не сум сигурна дека го видов тоа како што го гледаа сите други. Саша се криеше во плакар, обидувајќи се да ја спаси својата ќерка – но тој ме спаси мене, Марија! Како продуцент и творец, тој е и мојот учител и ангел чувар, раскажува таа. Признавајќи дека улогата на Тутар била вистински предизвик за неа, таа сподели дека имала панични напади пред секоја сцена. Глумицата откри дека имала мало искуство во работење на комедии пред да биде фрлена „во длабочините“. – Половина од мојот живот го посветив на глумата. Но, повеќето улоги што ги играм беа драматични – од бремени тинејџерки возраст до самоубиства. Значи, комедијата не беше моја работа, вели Марија. Следната нејзина улога е во комедијата на Џад Апатиу – „Меурот“ и вели дека „Борат 2“ добро ја подготвил за проектот.

Марија Бакалова – Kurir.mk

Бугарската актерка Марија Бакалова во филм на „Марвел“

Бугарската актерка добивала панични напади пред снимањето на секоја сцена од филмот „Борат 2“