Македонката која била „шефицата“ за перење пари се фалела со луксуз: Уживала на јахти додека правела големи скандали (ФОТО)

Ивана Ефремовски — Tue, 23 Oct 2018 09:12:36 +0000

Македонската Марија Богојевска е „шефицата“ за перење пари на српскиот менаџер Душан Вељковиќ, која е една од обвинетите во џиновската афера за финансиски малверзации, злосторничко здружување и местење на мечеви која ја потресе Белгија во изминатите две недели. Богојевска е една од двајцата македонски државјани кои се уапсени во Белгија, заедно со поранешниот фудбалер и актуелен менаџер Драган Силјановски – Вуко, пренесува порталот Спорт 1. Богојевска е обвинета дека преку девизна сметка во Белград за својот дечко Вељковиќ испрала помеѓу два и три милиони евра, а во акцијата низ Србија во Белград и во Ниш, полицијата во соработка со јавните обвинителства на земјите вклучени во аферата, меѓу кои и македонското обвинителство биле запленети околу 800.000 евра на низа локации. Сите тие пари биле на Вељковиќ. -Македонката е поранешна сопруга на поранешниот македонски кошаркарски репрезентативец Илија Боцевски, која од поодамна живее во Белгија и е во љубовна врска со српскиот менаџер. Дека живеела убав живот, бујната Марија многупати се фалела и по социјалните мрежи, сликајќи се на јахти и уживајќи во „богатиот живот“, кој и го овозможил љубовникот со многуте трансфери, за кои белгиските власти се сомневаат дека се извлекувале пари и тие во кеш се користеле за мито и корупција за да се влијае на фудбалски резултати, објави порталот. Во џиновската афера настрадаа и новинари, судии, а медиумите во Белгија открија дека дечкото на Марија ги потплаќал за да ставаат добри оценки на неговите клиенти, но и на судиите кои биле купени за да „свират“ за неговиот клуб.

Македонка ги испрала сите пари за местењето натпревари во Белгија- еве ги деталите

Катерина Бојаџиева — Mon, 22 Oct 2018 21:37:29 +0000

Македонката Марија Богојевска е една од главните учесници во аферата која го потресе белгискиот фудбал. Во акцијата „Чисти раце“, која ја спроведе белгиската полиција и при која беа уапсени тренери, менаџер и други лица за вмешаност во перење пари, местење натпревари и финансиски малверзации, еден од главните актери е всушност Богојевска, пренесува порталот Спорт1. Таа е девојка на еден од главните осомничени во аферата менаџерот Дејан Вељковиќ и „испрала“ два до три милиони евра за нејзиното момче, пишуваат белгиските медиуми. Вељковиќ ја замолил Богојевска да отвори девизна сметка во банка во Белград за да и префрли пари. Овие пари менаџерот наводно сакал да ги сокрие од својата поранешна сопруга со која бил во разводна постапка. Македонката не се сомневала во намерите на нејзиниот дечко се до март оваа година, кога ја открила вистинската причина, зошто Вељковиќ и префрлил толку многу пари на сметка. Таа при телефонски разговор и признала на својата мајка што прави Вељковиќ. „Дејан ја користи мојата сметка да пере пари“, рекла Богојевска. Со оглед на фактот дека белгиската полиција почнала да ги прислушкува телефонските разговори на сите вмешани во скандалот уште кон крајот на минатата година и телефонскиот број на Богојевска бил меѓу тие кои биле следени. Таа е приведена од белгиската полиција, бидејќи знаела за парите и не го пријавила делото. Засега таа е пуштена да се брани од слобода. Марија Богојевска е поранешна сопруга на поранешниот македонски кошаркарски репрезентативец Илија Боцевски. Таа е единствената жена помеѓу осумината уапсени во ацкијата „Чисти раце“, што ја спроведе белгската полиција. Меѓу уапсените е и македонскиот менаџер Драган Силјановски. Извор: Спорт1

Марија Богојевска – Kurir.mk

Македонката која била „шефицата“ за перење пари се фалела со луксуз: Уживала на јахти додека правела големи скандали (ФОТО)

Македонка ги испрала сите пари за местењето натпревари во Белгија- еве ги деталите