Марија Георгиевска – Kurir.mk

Пратеничката група на ВМРО-ДПМНЕ поднесе барање за Интерпелација на Марија Георгиевска од СДСМ

Магдалена Андонова — Wed, 19 Oct 2022 10:13:59 +0000

Денес, сакам да ве известам дека Пратеничката група на ВМРО-ДПМНЕ денес поднесе барање за Интерпелација на претседателката на Комисијата за избори и именувања, Марија Георгиевска од СДСМ, затоа што неделовнички и неуставно на сеуште не завршена точка на дневен ред и незавршена комисија, таа поднесува парцијален извештај до деспотот во Собранието, Талат Џафери за уставни судии, изјави денеска за медиумите Антонијо Милошоски, пратеник од редовите на ВМРО-ДПМНЕ. Тој посочи дека тие што им одговараат уставни судии, ги поднесуваат на гласање без да биде воопшто завршен процесот на дискусија на самата седница каде што именуваната Марија Георгиевска не ја закажуваше цели десет месеци до пред некое време. - Тоа е спротивно на членот 128 од Деловникот каде што е точно наведено дека работното тело заседава и откако ќе заврши седницата подготвува извештај и записник за тоа што се одлучило на самото работно тело, а оваа седница на Комисијата за избори и именувања не е завршена. Вториот прекршок е членот 129 од Деловникот каде што пишува дека за известител во однос на било кои седници од работните тела најчесто е претседателот на тоа работно тело пред пленумот, а ние видовме вчера дека претседателката на Комисијата за избори и именувања Марија Георгиевска немаше дури ни храброст да се јави пред Собранието, пред пратениците да објасни зошто поднела парцијален извештај, зошто ја прекинува комисијата и пишува извештај без да биде истата завршена и барем да беше присутна и да земе збор и да каже зошто смета дека овие селективно одбрани кандидати за уставни судии заслужуваат да бидат членови на Уставниот суд. Сметаме дека со самото вакво однесување на владејачкото мнозинство во Собранието дополнително се девалвира не само Уставниот суд како институција, дополнително се девалвира и Собранието, а најмногу довербата на граѓаните во правосудството, појаснии Милошоски. Пратеникот рече дека очекуваат оваа интерпелација да биде во најкус можен рок ставена на пленарна седница и се надеваат дека пратениците кои што веруваат не само во политиката како професија туку и во Деловникот како демократска процедура, ќе ја поддржат оваа интерпелација и ќе може на чело на Комисијата за избори и именувања да дојде пратеник кој ќе го почитува Деловникот кој што е начин на демократска работа во Собранието.

Претседател на државата за криминал! Ете тоа е! Најлош опис што Спасовски го добил сопартијка од СДСМ (ВИДЕО)

Ристе Здравков — Sat, 16 Jul 2022 07:08:56 +0000

Марија Георгиевска, пратеничка СДСМ од скопската општина Карпош го дава досега најлошиот опис на министерот за полиција Оливер Спасовски. Георгиевска во дебатата за францускиот предлог во Собранието го нарекува Спасовски претседател на државата за криминал. Обраќајќи и се на опозицијата Георгиева откри нешто за што најголемиот дел од јавноста не знае. Знаете ли што е Оливер Спасовски за вас? Претседател на државата за криминал! Ете тоа е! Дали тоа беше лапсус или нејзино мислење, таа знае.

Пратеничка од СДСМ се пофали: Го зголемивме бројот на социјални случаи

Тале Кристо — Sun, 16 Jan 2022 20:58:50 +0000

Во тек е собраниската седница на која се дискутира за составот и изборот на новата влада која ќе биде предводена од мандатарот Димитар Ковачевски. Свое обраќање пред пратениците имаше и пратеничката од редовите на СДСМ, Марија Георгиевска која истакна дека за време на овој период од владеењето на СДСМ се зголемил бројот на социјални случаи. -Навистина има со што да се пофалиме, вели таа во реплика до свој колега и додава: -Зголемена е бројката на луѓе кои што примаат социјална помош. [video width="640" height="368" mp4="https://kurir.mk/wp-content/uploads/2022/01/video-1642366604.mp4"][/video]