Марија Магдалена – Kurir.mk

НА СИТЕ ЖЕНИ ЌЕ ИМ СЕ ИСПОЛНИ САМО ЕДНА ЖЕЛБА – денеска е Св. Марија Магдалена, еве што треба да направат на овој празник!

Дарко Андоновски — Fri, 04 Aug 2023 06:50:42 +0000

Според православниот календар денеска е Св. мироносица Марија Магдалeна. Света Марија Магдалена црквата ја нарече уште рамноапостолна, бидејќи беше првата што го виде воскреснатиот Христос и проповедаше за тоа. Инаку, потекнуваше од градот Магдала (по тоа е наречена Магдалена). Од неа Христос истера седум демони. Од тој момент таа толку го возљуби Господа што не се одвои од него дури ни при неговото распнување. По неговото воскресение едно време престојуваше во Ерусалим, а потоа му помагаше на свети Јован Богослов во проповедта на словото Божјо во Ефес, каде и го заврши својот земен живот. Во петтиот век моштите и се пренесени во Цариград. Блага Марија, според народното верување е сестра на Свети Илија. Празникот посветен на Благата Марија многу е почитуван меѓу луѓето, посебно меѓу жените. Спаѓа во неподвижни празници и иако не е обележан со црвено во црковниот календар, овој ден не треба да се работи, ниту дома, ниту на поле. Се верува дека на овој празник жените кои одат во црква, палат свеќи и се молат само за една желба, истата ќе им биде исполнета.

Се празнува Марија Магдалена, заштитничка на сите жени: Еве кои обичаи треба да се почитуваат на овој празник

Ивона Петрова — Thu, 04 Aug 2022 05:16:01 +0000

Мироносица рамноапостолна. Родум од местото Магдала крај Генисаретското Езеро, од племето Исахарово, заради што е наречена Магдалина. Претходно мачена од седум зли духови, од кои ја ослободи Господ Исус и ја направи здрава. Верна следбеничка и служителка на Господа за време на Неговиот земен живот. Стоеше под Крстот на Голгота заедно со Пресветата Богородица и тагуваше горко. По преминувањето на Господа трипати го посети Неговиот место. Кога Господ воскресна, таа Го виде двапати: еднаш додека беше сама, а вториот пат заедно со останатите жени Мироносици. Отпатува во Рим, излезе пред кесарот Тибериј и предавајќи му црвено обоено јајце го поздрави со зборовите: „Христос воскресна!“ Тогаш пред кесарот го обвини Пилат за неправедната осуда на Господа Исуса. Кесарот го прими нејзиното обвинение и го премести Пилат од Палестина во Галија, каде овој неправеден судија го заврши животот, во царска немилост. Потоа од Рим се врати во Ефес кај светиот Јован Богослов, на кого му помагаше во делото на проповедањето на Евангелието. Со огромна љубов кон воскреснатиот Господ и со голема ревност му го јавуваше Евангелието на светот, како вистински Христов апостол. Се упокои мирно, во Ефес, и според преданието погребана е во истата пештера во која биле чудотворно успиени во стогодишен сон седумте отроци. Според народното верување, таа била сестра на свети Илија, поради што денес се можни временски непогоди, грмежи и град, па луѓето велат дека „брат и сестра разговараат“. Таа е многу почитувана, особено кај жените. Спаѓа во неподвижните празници и иако нема „црвена буква“ во црковниот календар, на тој ден, исто како и на огнена Богородица и на светиот петок, ништо не се прави ниту во куќата, ниту на полето. Се верува дека Марија Магдалена е заштитничка на жените и постои обичај жените да запалат свеќа, да се молат и да замисат желба на нејзиниот празник. Народот верува дека, ако на нејзиниот празник, жените одат во црква, ѝ се помолат и запалат свеќа, може да побараат исполнување на желбата и светителот сигурно нема да ги одбие.

Верничките денеска нека замислат желба, Блажена Марија ќе им ја исполни

Катерина Бојаџиева — Sat, 04 Aug 2018 07:44:47 +0000

Според календарот на МПЦ денеска е Св. мироносица Марија Магдалена, во народот позната како голем празник за жените, се слави нивната заштитничка Блажена Марија. Сите жени и девојки денеска треба да одат во црква, да запалат свеќа и да се помолат на заштитничката. Ако и побараат да им исполни една желба, таа нема да ги одбие. Денес не се работи, не се чисти, а не се работи ни на поле. Се верува дека добрите жени цел ден се под заштита на оваа светица. Денот треба да си го посветите на себе и на одмарање.

Секси убавица или чудовиште: Потроши 150.000 долари за операции, а денес изгледа ВАКА (ВИДЕО)

Ивана Ефремовски — Mon, 25 Jun 2018 12:56:20 +0000

Танчерка позната како Марија Магдалена (24) од Торонто, потрошила над 150.000 долари за корекции на своето тело, a не планира да застане тука. Таа прво ги зголемила градите, потоа усните и продолжува понатаму. Како што вели, многу е задоволна од својот изглед и конечно е среќна. Меѓутоа, нејзините фанови мислат поинаку. Тие се обидуваат да и свртат внимание на тоа како изгледа сега и дека претходно била многу убава. Меѓу коментарите кои секојдневно ги добива, се појавуваат и навредливи, а има и такви кои и даваат поддршка.