марија петрушевска – Kurir.mk

Петрушевска: Европското знаменце на законите СДС и ДУИ го користат за партиски цели

Тале Кристо — Fri, 06 Oct 2023 11:11:50 +0000

Сите знаат дека имаме многу процеси во државата за кои би рекла дека се штетни за европската интеграција, а на многу закони се става европското знаменце. Целта им на луѓето од власта очигледно да ги поминат законите на брза трака, рече Марија Петрушевска, пратеник од ВМРО-ДПМНЕ на гостување во емисијата Заспиј ако може што се емитува на телевизија Алфа. Петрушевска се осврна на неколку закони кои имаа европско знаменце. „Скандалозно е, не е европски и е директен атак на правниот систем во државата кога се става европско знаменце. Несмислено е да се стави европско знаменце на некои закони. Недозволиво е европско знаменце на КЗ, а ниту начинот на носење на законот за амнестија кој е надополнување на Кривичниот законик. Едно е сигурно европското знаменце се користи за партиски цели“, рече Петрушевска. Ниту ставовите за текстот на законот за амнестија не им се усогласени на премиерот Димитар Ковачевски, министерот за внатрешни Оливер Спасовски, министерот за правда, Кренар Лога, не се усогласени, кажа Петрушевска и додаде дека се што прават е само поврзано со клиентелизам на Владата кон подземјето. „Мафијата си има своја држава последниве шест години откако на власт е оваа Влада. Оваа Влада не направи многу за борба против корупцијата, криминалот, не направи може да се каже ништо. Со законот за 240 лица излегуваат од затворите, а тие што треба да влезат во затворите нешто повеќе од 2000 лица и со право се поставува прашањето има ли воопшто логика во сево ова што го кажуваат како образложение“, изјави Петрушевски. Според неа ова што го прави Владата кон областа на правосудството е целосно неоправдано. „Доколку ние искрено сакаме да ја видиме Македонија реформирана, секој кој се огрешил пред законот треба да одговара. Без вакви постапки да одговара за стореното ќе се продолжи таа пракса, а со тоа само се влошува состојбата во државата“, кажа Петрушевска.

Петрушевска: Оваа власт веќе е поразена, наместо да работи на спроведување на европските вредности го краде народот

Тале Кристо — Thu, 31 Aug 2023 19:29:55 +0000

Однесувањето на Димитар Ковачевски е сосема спротивно од европските вредности. Оваа Влада направи секоја година да старува без учебници за учениците, оваа Влада прави се само не се придржува до владеење на правото или оваа Влада знае само за корупција и криминал, рече Марија Петрушевска, пратеник од ВМРО-ДПМНЕ во Собранието на гостувањето во емисијата За или против што се емитува на телевизија Алфа. Петрушевска се осврна на настапот на Ковачевски на стартот на кампањата Ние сме Европа укажувајќи дека истиот покажуват само дека тој нема допир со реалноста. „Ковачевски е на позиција која безмалку му е подарена, да ја заслужеше можеби и посериозно ќе пристапеше“, кажа Петрушевска. Пратеничката посочи дека она што го виделе во Собранието на 18 август, кога партиите од власта немаа мнозинство, а сакаат да го менуваат Уставот, е само безидејност, а стратуваат кампања за Европа. „Свесни се од власта дека рејтингот им е во слободен пад. Нивната кампања за Европа е задоцнета. Најдобра кампања за придобивките од ЕУ е кога Владата почнува да ги спроведува реформите. Или ако ви е укажано дека нема доверба во правосудството тогаш надлежните треба да почнат да работат во овој дел. И ако имаат резултати тоа треба да го адресираат. Но каква е ситуацијата ЕУ им испрати дополнителна оценска мисија на Судскот совет“, вели Петрушевска. Петрушевска зборувајли за однесувањето на власта го спомена и состанокот на ОБСЕ што ќе се одржи во Скопје. „Тие дадоа скоро два милиони евра на фирма финансиер на ДУИ, ги трошат парите на народот, наместо да се фатат и да работат на европската агенда. Значи наместо европска агенда кај власта има само криминал и корупција“, кажа Петрушевска.

Петрушевска: Пратениците од партиите на власт целосно го изгубија кредибилитетот по 18 август кога уставните измени беа на дневен ред

Тале Кристо — Thu, 31 Aug 2023 17:56:59 +0000

Спикерот Талат Џафери кој треба да е прв меѓу еднаквите, да мотивира сите активно да се вклучат во работата на пленарните седници и комисиските седници тој само го крши Деловникот Власта не е присутна во дебатаите во Собранието, рече Марија Петрушевска, пратеник од ВМРО-ДПМНЕ во Собранието на гостувањето во емисијата За или против што се емитува на телевизија Алфа. Петрушевска говорејќи за Извештајот за работа на Собранието подготвен од Институот за демократија рече дека овој состав посебно пратениците од партиите на власта ги нема никаде. „Политичкиот кредибилитет на овој состав на Собранието ќе тоне дополнително по она што им се случи на пратениците од партиите на власт на 18 август кога од нив предложените уставни измени не можеа да поминат. Дополнително што ќе ни се пратеници од власта кои ниту се вклучуваат во дебата туку се само гласачка машина“, кажа Петрушевска. Според неа во овој состав на Собранието воден од Џафери има само сериозно нарушување на собраниски процедури, непочитување на правила, непочитување на етички кодекс, невклученост на потребните страни во дебата за одредени законски решенија.

Петрушевска: Оваа Влада која што ветуваше живот, не само што не донесе живот туку и го одзема лебот од трпезата на граѓаните

Тале Кристо — Thu, 02 Mar 2023 13:40:47 +0000

Пратеничката Марија Петрушевска од редовите на ВМРО-ДПМНЕ на денешната собраниска седница нагласи дека дебата нема во изминатите три недели воопшто од страна на владејачкото мнозинство и премиерот, но за жал дебата немало и во последните шест години. „Оваа Влада која што ветуваше живот, не само што не донесе живот туку и го одзема лебот од трпезата на граѓаните. Затоа јас не очекувам ништо поразлично или пак подобро во наредниот период во максимум од 10 месеци. Владата ја заборави нејзината уставна обврска дека треба да се грижи за благосостојбата на граѓаните на Република Македонија. Но, за оваа негрижа и за овој колапс кој што се случува, впрочем пустош во секој сектор во Република Македонија многу бргу од сега ќе стигне санкцијата и тоа токму од граѓаните“, истакна Петрушевска. Таа посочи дека експозето на Ковачевски е со празни флоскули, таму ништо не говори за министрите и заменици министри. „Јас премиерот еве како економист би го прашала дали 65,64 или 62 е поголемо. Би требало барем да им укаже на оние кои што му ги пишуваат говорите во неговиот кабинет дека за 26.000 евра за 100 дена можеле да напишат многу поквалитетен и многу подобар говор. Вообичаено премиерите имаат улога да испратат порака на грижа, порака на солидарност и дека се грижат за она што се случува во државата и да понудат решенија. Ние во ова експозе не наоѓаме ништо освен повторно се сѐ сокрива под мотото, максима на оваа Влада – во име, и во светло на европската интеграција. Меѓутоа повторно ќе кажам дека вакви Европјани не сретнало европското семејство“, укажа Петрушевска.

Петрушевска: Во недостаток на резултати оваа Влада се крие под превезот на евроинтеграциите

Ристе Здравков — Tue, 28 Feb 2023 20:13:17 +0000

Оваа Влада во недостаток на резултати секогаш се обидува да се сокрие под превезот на евроинтеграцијата, рече пратеничката Марија Петрушевска од ВМРО-ДПМНЕ на вечерашната дебата за разрешување на замениците министри. „Токму вчера пристигна европскиот шамар за оваа нова владина коалиција. Австрискиот амбасадор јасно укажува со упатување на писмо, но и до членовите на Комисијата за европски прашања во кое јасно ви вели дека го злоупотребувате европското знаме за ваши бизнис интереси, односно за закон кој нема врска со европската регулатива. Тоа е јасен демант дека оваа Влада тешко може да работи на европската иднина на Македонија Според пратеничката оваа Влада имаше шанса шест години да покаже дека се бори со корупцијата, да покаже реформи во правосудството. „Извештајот на ЕК во изминатите две години дава најниска оцена за Македонија. Во 2021 имате оценка 1.52, изминатата година 1,61. Знаете кога Македонија имала највисока оцена тоа е онаа Влада во 2011 која вие ја нарекувавте режимска. Тогаш оценката била 2.53“, рече Петрушевска. Едно е сигурно, заклучи Петрушевска, оваа Влада мора да замине за Македонија да оди напред.

Петрушевска: Со ново предложените кандидати за министри и ресорите кои тие треба да ги водат се потврдува неуспехот на оваа Влада

Дарко Андоновски — Mon, 27 Feb 2023 17:40:18 +0000

Повеќе од 10 дена во Собранието дискутираме за нешто што е извор на партиски бизнис интереси и тоа кадровски политики, изјави пратеничката од редовите на ВМРО-ДПМНЕ Марија Петрушевска на денешната собраниска седница. „Кога ќе ги погледнеме кандидатите за министри и ресорите кои тие треба да ги водат со тоа се потврдува неуспехот или признавањето на неуспехот на оваа Влада. Имено станува збор за министерства кои се однесуваат на министерството за правда, здравство, информатичко општество и администрација и животна средина и просторно планирање. Доколку се отвори и погледне програмата на СДСМ и програмата на Владата ќе забележиме дека тие впрочем ветуваа резултати, успех и подобрување на овие сектори“, рече Петрушевска. Таа додаде дека со право денеска граѓаните го поставуваат прашањето како некој кој буквално внесе колапс на овие сектори сега за 10 месеци би испорачал било какви резултати. „Замислете како предложениот кандидат би донел реформи во судството и правосудството кога таму веќе 6 години граѓаните потврдуваат дека довербата во истите овие институции е 3-4%. Имаме колапс во правосудството и судството, а сега за толку краток период верувам дека никој од парламентарното мнозинство верува дека би можело да се испорачаат било какви резултати“, изјава Петрушевска. Петрушевска кажа дека со месеци посочуваат за хакирани институции, а со години не се видело ништо од дигитализација освен оние фамозни најавувани инвестиции за Фејсбук и Гугл. „Како министерот за здравство може да донесе реформи во здравството? Па здравството и образованието се најпогодениот столб во Република Македонија и тоа тенденциозно се руши сите овие 6 години. Доволен доказ за тоа беше протестот на здравствените работници. До каде сме со изградбата на клиничкиот центар? Замислете за жал во оваа држава губиме луѓе заради тоа што имаме недостаток на лек или толку повеќе ни се случува родилки да ни починат во 21 век од Сепса“, потенцираше Петрушевска.

Петрушевска: Дијаспората ќе расте затоа што македонскиот граѓани се иселуваат, во овие 6 години не видоа ништо од ветениот живот на СДСМ, дури и претседателот на државата би се иселил

Катерина Бојаџиева — Wed, 22 Feb 2023 15:08:55 +0000

Денеска тема на дневен ред е разрешување на министерот за дијаспора и најверојатно нашата дијаспора ќе расте затоа што ако нешто е видливо изминативе 6 години е дека од животот кој беше ветен ништо не видоа граѓаните, па се иселуваат, па и претседателот изјави дека ќе се иселел ако не бил претседател, изјави пратеничката од ВМРО-ДПМНЕ, Марија Петрушевска на денешната собраниска седница. Таа посочи дека единствена активност на досегашниот министер за дијаспора е што се фали дека остварил средба со министерот за надворешни работи Османи, средба помеѓу двајца членови на влада, а во делот на проектите има празен простор кај министерот Чупи. - Она што е посебно важно за македонската јавност е дека во едни вакви несоодветни коалиции најмногу страда секторот односно дијаспората. Ако за владата од СДСМ може нешто да заклучиме е дека не испорача ништо во делот на активности и резултати кои ги заслужува македонската дијаспора. Тоа го покажува и последниот апел од македонското национално малцинство од Албанија кои мораа да алармираат до владата дека истите тие се под бугарски притисок, асимилаторски напади. За да треба да појде министерот за надворешни Османи да се сретне со нив да разговара и да се направи акциски план, изјави Петрушевска. Таа прашува до каде е изработката на овој план, бидејќи од тоа што може да се види е дека Владата не успеа да одговори на барањата за кои има потреба дијаспората. - Голема незаинтересираност, оваа влада ги раскина сите врски кои постоеја со дијаспората. Загрижувачки е дека и тоа нема да допре до СДСМ, молкот во однос на 16 пресуди во Европскиот суд за човекови права за Македонците во Бугарија. една ваква негрижа дијаспората не видела досега, од самата независност. Тие се едни од нашите најголеми промотори и оваа влада направи се да ги раскине тие врски, изјави Петрушевска.

Петрушевска: Дали крајот на владеењето на СДСМ и коалицијата вака мириса? (ФОТО)

Дарко Андоновски — Wed, 21 Dec 2022 11:41:58 +0000

Пратеничката од ВМРО-ДПМНЕ, Марија Петрушевска преку статус на Фејсбук прашува дали крајот на владеењето на СДСМ и коалицијата вака мириса⁉️ „Дали крајот на владеењето на СДСМ и коалицијата вака мириса⁉️ 🟥Кандидатот за Уставен судија на СДСМ, Љубомир Јовески, актуелен јавен обвинител, сам. Бегаат од одговорност. Ги нема пратениците од парламентарното мнозинство да дебатираат за Извештајот за работата на јавните обвинителства за 2021 година. 🚨 Пад од 8% на 3% "доверба" во судството и обвинителството“, стои во нејзиниот пост на Фејсбук.

Петрушевска: Пратениците од власта да си останат доследни на своето ветување дека нема да подржат промена на Уставот со цел впишување на бугарскиот народ и бугарските барања

Тале Кристо — Fri, 15 Jul 2022 12:30:32 +0000

Марија Петрушевска, пратеничка од ВМРО-ДПМНЕ на денешната собраниска седница на која се разговараше за францускиот предлог запраша дали пратениците од власта ќе поддржат промена на Уставот со цел впишување на бугарскиот народ и бугарските барања во Уставот. Таа исто така посочи дека пратениците од власта треба да си бидат доследни на тоа што го ветиле и доколку не си го исполнат ветувањето народот е тука да ги потсети на она кое што го ветиле. -И јас ве прашувам дали ќе поддржите промена на Уставот со цел впишување на бугарскиот народ и бугарските барања во Уставот, а вие сега овдека се изјаснивте дека нема да поддржите и за тоа е веќе евидентирано и постојат забелешки. Ние и народот кој што повеќе од 10 дена протестира на улицата, ќе ве држиме за збор и ќе повикаме на одговорност кога ќе дојде моментот заради тоа што треба да знаете дека сте дел од Владата која што е подготвена по секоја цена да ја поддржи оваа скандалозна преговарачка рамка и уште поскандалозен протокол, рече Петрушевска. Таа во текот на своето обраќање потсети дека во протоколот Владата на Република Бугарија ќе се согласи за прва меѓувладина конференција само и откако Македонија ќе прифати впишување на бугарскиот народ во Уставот. Ќе ве потсетам дека во протоколот Владата на Република Бугарија ќе се согласи за прва меѓувладина конференција само и откако Македонија ќе прифати впишување на бугарскиот народ во Уставот, додаде Петрушевска.

Петрушевска од расправата за разрешувањето на Фадил Зендели: Власта има цел, Комисијата да ја претвори во инструмент за партизација на државните институции

Тале Кристо — Wed, 02 Mar 2022 18:42:09 +0000

Пратеничката од редовите на ВМРО-ДПМНЕ Марија Петрушевска денеска од собраниската говорница, говорејќи за разрешувањето на пратеникот Фадил Зендели од член на Комисијата за избори и именувања истакна дека овој скап театар од страна на парламентарното мнозинство има само една и единствена цел, а тоа продолжување со партизација на државните институции ширум земјата. -Овој театар во собранието од страна на власта е само со една цел, а тоа е воведување целосно едноумие во комисијата, послушни пратеници од страна на парламентарното мнозинство, зајакнување на машинеријата се со цел Комисијата да се претвори во инструмент со кој што власта ќе може да ја продолжи партизацијата на државните институции во Македонија, рече Петрушевска која додаде: -Партизација на Уставниот суд впрочем, значи директно рушење на уставниот поредок на Република Македонија, и затоа и со право ние сме оценети многу лошо кога станува збор за владеење на правото, за демократијата, за борба против корупцијата а тоа го покажуваат и бројните извештаи, истакнаа таа. Петрушевска додаде поради ваквите однесувања на парламентарното мнозинство, работата на Собранието е оценета многу негативно.